Génesis 2:18 - Dios Iwene

¹⁸ Jemi ikenama: —Chedemi otiwökö iso̧ jo̧dawa'ye öjoböma. Jo̧kwaobetjö̧ chotidakwo̧sa pjajatakwujunö, itedadanö ichejekwujunö— jö̧ba̧lijetö Isabenö Jo̧ Diosma.

Génesis 2:18 Iomraidhean Croise

Génesis 1:31

Diosma okobe jwiinö otidaja̧ edinö jwiinö ösödijetö, otiwa, jöba̧lö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö jelemutjö bakwöta mölema.

Génesis 2:20

Jojoda okobe deinö a̧ji̧kwakwawedönöbi, mö köba̧lö ju̧kwadönöbi, tebonö ju̧kwadönöbi, mejenö ju̧kwadönöbi midijetö. Jo̧kwaijayonö okobe deinö imidajawö̧tjöma bakwujubi debijotö, itedadanö ichejekwuju, ja̧danö jo̧banö pjabatujuma.

Génesis 3:12

—Isuju. Ötjökwö jö̧jobö kwiyinoko jowinö wa̧ji̧tjö 'döbebö jiyitjö̧ chukwatö— jö̧ba̧lijetö iso̧ma.

Proverbios 18:22

Ja̧danö, ju'wibi yötawa, ömAdönöma: Kwilekwo otiwanö omukwatujunö kweminatjö̧ma jwiinö otiwanö kwemena. Jobekwö kwemina wajuwanö i̧sebobe, Isabenö Jo̧ma otiwanö pjaatinobe ötjönöma, jö̧ba̧lö.

1 Corintios 7:36

Ja̧danö, tji̧lȩkwa̧munö debadönö, tupakwö tjemakwawö̧nö yöbawö juninadönö yötawa. Bakwo̧ Aaa, tupakwö bisunö chemocha jö̧ba̧lö yöbawö juninama, jwaikwöda Duluwo̧ wei̧ ja̧bö ö̧jo jö̧ba̧lö, ilekwonö emokobö omukwatena. Jo̧banö baikwö yötawa: Omajadenö omukwati̧danö ja̧obö jo̧be. Aaa, chemakwuju jö̧ta̧lokonö chemökötjö̧ma, jobujunö sulabenö ja̧tena jö̧ba̧lö omukwatitjö̧ma, ilekwo bajibanö emobö jo̧be. Ja̧danö, jobujukwö bakobe baibo jö̧ba̧lö, nöinö jobujunö emobö ösöditjö̧ma, wene jwia, jobujunö emobö jo̧be ilekwo bajibanö. Jejenö emoböma öpöjödö̧kö̧ Diosma chömöledö.

1 Pedro 3:7

Ja̧danö, ökwödö ömadötjö kwi̧lȩkwa̧munö ba̧jadönö yötawa, kwilekwokwö kwö̧jaduwi̧ma, dösölö̧jinö jabö kwö̧jaduwodönö. Ja̧danö, ya̧döma ömadö tjujuluwi̧danö juluwöködö jö̧ba̧lö kwöwaisaduwobetjö̧, kwilekwokwena otiwanö omukwatö kwite'ada̧laduwodönö chömöledö. Jau chömöledö, ökwödöma bakobe kwi̧lȩkwa̧muduwikwö Dios iyi̧ ja̧kwawa emadöja, jo̧kwajabetjö̧ jobadönö otiwanö omukwatö kwö̧jaduwo. Jau chömöledö, jobadönö sulabenö ja̧bö kwö̧jaduwitjö̧ma, jejenö sulabenö ja̧bö kwö̧jaduwi̧ma tjöekwemidanö ja̧kobe, Diosnö akebaduwi̧ Dios a̧ja̧kwökakobetjö̧. Jo̧kwajabetjö̧ otiwanö ja̧bö kwö̧jaduwodönö, jejenö tjöekwemi jwiakobetjö̧.