Génesis 19:7 - Dios Iwene

⁷ Tumatajo̧ jö̧ba̧lijetö jobadönö: —Chömöledö jejenöma sulabenöma kwalewaduwadönö.

Génesis 19:7 Iomraidhean Croise

Génesis 19:4

Tjukwaja̧ ikena tjabakwa̧ abönö tjö̧bajena Sodoma comunidadnö ju̧kwadö ömadö okobe deinö, möayedöbi, damöbi Lot eju apetube ichajadöma sulabenö ja̧tjotö jö̧ba̧lö tjösawibijadötö.

Génesis 19:6

Jejenö jwötjeba̧lökwe Lotma apetube labebö apjude tumatijetö.

Génesis 19:8

A̧ja̧kwaduwi. Ötjö chi̧tji̧mu du̧ju̧taja ya̧dönö chujuna̧la, ina ömadökwö jö̧kö̧dönö. Abebaduwitjö jobadönöda wetaduwokwö kwösödaduwi̧ kwalewaduwobö. Jo̧kwaobetjö̧ bidö chejunö tebachajadönöma sulabenöma alewaduwökönuwi— jö̧ba̧lijetö Lotma.

Hechos 17:26

Ja̧danö, jo̧bama ajayinöma bakwo̧ jojonö otidijetö. Jo̧batjö̧ma jojodöma ba̧jekwachinö ja̧bijetö böjȩ bakwameachibanö, tjitjebokwenada tjuju̧kwobö. Jo̧bada jojodö tjöbötjachakwa̧bi, wotjakwa̧bi, tjuju̧kwakwemibi yöbawö juno̧ma.

Romanos 1:24

Jau chömöledö, Diosnöda, La'aka Okobe Jwiinö Otidinanöda tjösödo jö̧tja̧lajabe böjȩ jojodöma. Jo̧kwaijayonö, okobe jwiinö otidina Diosnö ösödökönö, Dios otidina jawada ösödö ju̧kwadö, ju'wedö yötja̧li̧ a̧ja̧kwö chömöledö. Jejenö sulabenö ja̧tjiökwe, jobadönöma kaatibobe Diosma, wainö idöda tjomukwati̧da ja̧bö ju̧kwadö, jö̧ba̧lö. Ja̧danö, idödada sulabenö tjomukwati̧da ja̧bö tjö̧jobema, jwiinö taba lö̧ji̧ jawabi sulabenö ja̧bö ju̧kwadö chömöledö.

Deuteronomio 23:17

—Ju'wibi yötawaduwakwö, kwöwaisaduwa ju'wedö sulabenö o̧'wo jawa tjösödawö̧nö ösödö ja̧tji̧ma, jobadötjö ju'wedö ya̧döbi, ömadöbi 'da̧'da̧bakwawö tju̧ju̧kwobe tjösödawö̧nö ösödadökwö, ¿jö̧tö? Ja̧jaye ökwödö israel jojodötjö bakwo̧bi, bakwujubi jejenö 'da̧'da̧bakwawö tjösödawö̧nö ösödadökwö tju̧ju̧kwobö webökönaduwi chömöledö.

Judas 1:7

Ja̧danö Sodoma comunidad ju̧kwadöbi, Gomorra comunidad ju̧kwadöbi, ö'öbö comunidad jobadö ja̧tji̧danö sulabenö 'da̧'da̧bakwawö ja̧badö, ja̧danö tjöpöjödo jö̧tja̧li̧ jawa sulabenö ösödadöma Dios lȩebi̧tjö tjeminobe, ¿jö̧tö? Jau chömöledö, ökwöla tiibokolama jobadönö söbebö loinobe, ja̧danö ja̧ jobadönö baledinama öwaetjöda i̧sebobe, jobadöjayedönö Dios isabenö lȩebakwawö̧ jö̧ba̧lö, ¿jö̧tö?

Jueces 19:23

Yötja̧lökwe, pöema ejutjö laebinobe, jobadökwö yöa̧lakwawobö, ja̧danö jobadönö yöa̧linobe, —Ja̧maökö chömöledö, sulabenö ja̧köbaduwa jejenöma. Jo̧bama chejube teachajabe, chiteada̧lo jö̧ta̧lökwe baibanö, sulabenö ja̧bökönaduwinö.

Jueces 9:26

Ja̧danö, bakwo̧ Ebed itji̧ Gaal mikwo̧ma ju'wedö ömöledökwö Siquen comunidadbe ja̧nö i̧'yinobe, ja̧danö ja'yubenö lekwajabetjö Siquen luwedöma jo̧banö tjösödinobe, —Bite Gaalnö da̧ja̧kwobö jö̧da̧lökwe, —jö̧ba̧lö.