Génesis 19:5 - Dios Iwene

⁵ Tjösawajadöma jwö̧beba̧lijadötö Lotnöma: —Lot ¿daida jo̧da yi̧bena kwejunö tebachajadöma? Labebö ichejebidönö, 'da̧dodönö— jwöbeba̧lijadötö.

Génesis 19:5 Iomraidhean Croise

Génesis 19:6

Jejenö jwötjeba̧lökwe Lotma apetube labebö apjude tumatijetö.

1 Reyes 14:24

Ja̧danö ju'wibi sulabenö ja̧tji̧nobe, tjösödawö̧nö ösödakwawejutjö ju'wedö ömadö, tjösödawö̧nö ösödadökwö 'da̧'da̧bö ja̧dö tjö̧jinobe, jobe tjitebo Juda nijinö. Jwiinö sulabenö jatjinobe Juda jojodöma, okobe deinö ja̧ nijinö ajayinö ji̧nadö, Isabenö Jo̧ israel jojodö tjöba a'otjö a'dewö loinawö̧ sulabenö ja̧tjinadanö sulabenö ja̧tjinobe, Roboan ömöayedö Juda jojodöma.

1 Reyes 22:46

Josafat abe'do Asama Juda nijitjö ösödakwawejubiyatjö ömadö 'da̧'da̧bakwawö otidadönö a'dewö loinobe, ja̧danö Asa a'dewö loaja̧tjö ji̧binadönöma, Josafatda otiwanö a'dewö loinobe.

Isaías 1:9

Jau chömöledö, ökwödö israel jojodöma, Sodoma comunidaddanö, ja̧danö Gomorra comunidaddanö badibo jö̧da̧linobe, Dios lȩebi̧tjö okobe deinö bakobe debö di̧'yo jö̧da̧linobe chömöledö. Jo̧kwaijayonö, okobe deinö debö di̧'yapji jö̧ba̧lö, Isabenö Jo̧ okobe jwiinö juluwo̧ Diosma ökwödö israel jojodötjö o̧bukwedönö tjöbeba̧lö pjaatajabe, Sodomadanö, ja̧danö Gomorradanö badibapji jö̧ba̧lö.

Isaías 3:9

Isabenö wene juna̧ladö Juda jojodöma, tjöba edöbi öwaetjöda öwawobe, wene tjujuna̧li̧ma. Jau, taba jwiinö, sulabenö ja̧bö tjö̧ji̧ i̧sebadö, inesö sulabedö Sodoma jojodö tji̧sȩbinadanö. Ayö, isabenö Dios lȩebakwawö̧ Juda jojodönö, jadanö jobadönö lȩebakwa̧ma baikwö yötawa, Idöda wene jwötjekwobetjö Dios lȩebakwa̧ tjemakwedö.

1 Corintios 6:9

Kwöwaisaduwa chömöledö, Diosma sulabedönö weökakobe, jo̧bakwö ja̧nö luwedö baibanö yötjawobö. Jau chömöledö, isabenö yötawaduwakwö, sulabenö alewö ja̧badöbi, ja̧danö o̧'wo̧ jawa ösödadöbi, ja̧danö tji̧lȩkwa̧muböködökwö ja̧badöbi, ja̧danö ömadö ömadökwö ja̧badöbi,

Deuteronomio 23:17

—Ju'wibi yötawaduwakwö, kwöwaisaduwa ju'wedö sulabenö o̧'wo jawa tjösödawö̧nö ösödö ja̧tji̧ma, jobadötjö ju'wedö ya̧döbi, ömadöbi 'da̧'da̧bakwawö tju̧ju̧kwobe tjösödawö̧nö ösödadökwö, ¿jö̧tö? Ja̧jaye ökwödö israel jojodötjö bakwo̧bi, bakwujubi jejenö 'da̧'da̧bakwawö tjösödawö̧nö ösödadökwö tju̧ju̧kwobö webökönaduwi chömöledö.

1 Timoteo 1:10

tji̧lȩkwa̧muböködökwö ja̧badönöbi, ömadö ömadökwö, ja̧danö ya̧dö ya̧dökwö ja̧badönöbi, jojodönö do̧batö naukwabidönöbi, omöna yöba̧ladönöbi, la'aka luwedö tjöba a'otjö ja̧nö jojodö ja̧tjina jawa omöna yöba̧ladönöbi, ja̧danö okobe jwiinö ju'wi jaye isabenö wene laeböködanö ja̧badönöbi webö iwȩyudinobe Moisésma, tjusula tjöwaisachibo jö̧ba̧lö.

2 Timoteo 3:13

Jau Timoteo, sulabedöbi, Jesúsnö ösödadösa jö̧ba̧lö omöna yöba̧ladöbi ida̧ökö sulabenö ja̧tjobe babema, jo̧kwaijayonö 'dö̧ibaji̧ mölema jemi bajalekwönönö jwiinö sulabenö ja̧tjakobe, jojodönö omöna yöba̧löbi, omöna yöa̧lakwawa ösödöbi.

2 Pedro 2:2

Ba̧jekwadö jobadö yötjawi̧ tjösödakobe chömöledö, ja̧danö sulabenö yötjawi̧ ösödö, taba lö̧ji̧ jawa sulabenö ja̧tjakobe, sulabenö yöbawadö sulabenö ja̧tji̧danö. Ja̧danö chömöledö, jobadö sulabenö yötjawobetjö̧, ba̧jekwadö jojodöma isabenö wene tjöpöjödakobe. Jau chömöledö, jobadö sulabenö yöbawadöma, Jesús jawa wene yötjawököjayonö, Jesús jawa wene yöbawadösa, jö̧ba̧lö yötja̧lakobe. Ja̧danö, jejenö yötja̧lonö sulabenö ja̧bö tjö̧jobetjö̧, ba̧jekwadö isabenö wene tjöpöjödakobe, Jesús jawa wenema, omöna wene, mikwawökö wene, jö̧ba̧lö.

2 Pedro 2:7

Jo̧kwaijayonö otiwanö ja̧bö ji̧na Lot mikwo̧nö ö̧jibinö pjaatinobe, ¿jö̧tö? Jo̧ba Lotma, jobadö sulabenö 'da̧'da̧bakwawö ja̧tji̧ edö o̧'wo̧ tjo̧achinobe, ja̧danö jobadö tjö'da̧detjö Diosma jo̧banö ö̧jibinö pjaatinobe, ¿jö̧tö?

Judas 1:7

Ja̧danö Sodoma comunidad ju̧kwadöbi, Gomorra comunidad ju̧kwadöbi, ö'öbö comunidad jobadö ja̧tji̧danö sulabenö 'da̧'da̧bakwawö ja̧badö, ja̧danö tjöpöjödo jö̧tja̧li̧ jawa sulabenö ösödadöma Dios lȩebi̧tjö tjeminobe, ¿jö̧tö? Jau chömöledö, ökwöla tiibokolama jobadönö söbebö loinobe, ja̧danö ja̧ jobadönö baledinama öwaetjöda i̧sebobe, jobadöjayedönö Dios isabenö lȩebakwawö̧ jö̧ba̧lö, ¿jö̧tö?

Jueces 19:22

Ja̧danö, tjo̧'wo ösöwanö tjö̧jonö, comunidad jojodötjö ömadö sulabedöma eju tjösawinobe, ja̧danö jamatö 'do'dotjinobe. Ja̧danö eju luwo̧nö yötja̧linobe, —Kweju tjekatajökwenö labebi, jo̧banö 'da̧'da̧bö ja̧dakobetjö̧, —jö̧ba̧lö.