Génesis 19:20 - Dios Iwene

²⁰ Edi. Yai comunidad ja'yuwemi yö̧neawinö ja̧. Jobekwö juluwanö dötibajo webitjö. Ja'yuwemi ¿jö̧tö̧? Söbebö loköbaduwoko ja̧ comunidadma. Jejenöma jobekwö dötibajitjö̧ma 'yata̧lakwo̧sa— abebijetö Lotma ángelnöma.

Génesis 19:20 Iomraidhean Croise

Génesis 12:13

Chilekwo, ötjönö otiwanö baledakobetjö̧, ja̧danö, ötjönö kwabö lotjökakobetjö̧, yökawo jobadö Egipto jojodönö, ötjöma bite öjawujusa, jö̧ba̧lö— jö̧ba̧lijetö Abramma Sarainö.

Génesis 19:19

Isabenö lȩlö̧jinö kwedajabe ötjönö, kwömöayo̧nöma 'ya̧talobö otiwanö pjabatö. Jo̧kwaijayonö mö'ösa'iju jobekwö ödöobetjö̧ ina chichibapjii söbebö loköbaduwena, ötjöbi debö chi̧'yinö baibanö.

Génesis 19:21

Jejenö aebiökwe ángelma jö̧ba̧lijetö: —Jao kwatjö̧ma, akebobekwö weta. Yöka̧laja̧ comunidadma söbebö lotökakobe.

Génesis 19:30

Ja̧ baledina tupakwö Lot, Zoar comunidadnö ji̧bajo̧ma yebabikwawiabö labebijetö Zoartjöma mö'ösa'iju jo̧bekwö ö̧jobö, du̧ju̧taja ya̧dö i̧tji̧mukwö. Jobema i̧lȩdo̧ okwa ju̧kwijadötö.

Isaías 55:3

Teada̧lönö a̧ja̧kwalö, chöjobekwö kwichaduwo chömöledö. Otiwanö kwa̧ja̧kwaduwo, tupakwö 'yaka̧laduwakobetjö̧. Jau, ötjönö kwa̧ja̧kwaduwitjö̧ma, ökwödökwö bakobe dösölö̧jinö dö̧jakwa̧ jawa yöbawö chujunocha, 'dö̧ibajökö ji̧ yöbawö junawama. Jau, damötjö Davidnö yöbawö chujunijatö, jwaikwöda 'dö̧bibajökönö jo̧banö ösödö chö̧jakwa̧ma, ja̧danö ökwödönöbi Davidnö yöbawö chujuninadanö yöbawö chujunena.