Génesis 19:15 - Dios Iwene

¹⁵ Ja̧danö, dewachenama ángelesdöma labinö webijadötö Lotnöma: —Lot, a̧la̧ibi. Juluwanö kwilekwonö, kwi̧tji̧munö öbibö lakebo okwödö debö kwi̧'yaduwapjii söbebö lodenama— webijadötö.

Génesis 19:15 Iomraidhean Croise

Génesis 19:14

Jejenö yötjawökwe Lotma labebö 'yi̧jetö i̧tji̧mu ju'winö tjȩmakwawö̧ tjö̧jobekwö yöbawö. Ichibö yöbawijetö: —Belöma labebaduwi jelobekwö. Bemima Isabenö Jo̧ Diosma söbebö loakobe— yöbawijetö. Jejenö yöawijayonö, omöna yöba̧lo̧, jö̧ba̧lö omukwatijadötö jobadöma, a̧ja̧kwökönö.

Génesis 19:16

Jejenö wetjijayonö Lotma juluwanö döbibajijökötö. Jo̧kwaiawö̧ ángelesdöma Lotnöbi, ilekwonöbi, i̧tji̧mu dujutaja ya̧dönöbi, tjömamijunö do̧ba̧lö öbibö junijadötö Sodoma comunidad pjeakwö. Isabenö Jo̧ Dios Lotnö, ilekwonö, i̧tji̧munö lȩlö̧jinö edobetjö̧ ángelesdönö webijetö jejenö öbibö tjujunobö.

Génesis 19:17

Jobe Sodoma comunidad pjeakwö tjö̧jena ángelesdötjö bakwo̧ webijetö Lotnö: —Döbibajaduwi 'yaka̧laduwakobetjö̧. Jalachiböbi kwedaduwoko kwö̧kömaduwikwöma. Niji ba̧ba̧laemibi okobe jwiinö 'ya̧duwi jamatökönö, tupakwö 'ya̧nö. Ja̧danö, mö'ösa'iju jo̧bekwö döbibaduwi ökwödöbi debö kwi̧'yaduwapji jö̧ba̧lö— webijetö.

Génesis 19:22

Juluwanö döbibaji jobekwöda. Ina jamatö söbebö lotoböma weokobe jobe kwichibenanö kabatö— jö̧ba̧lijetö. Ja̧ comunidad imi, Zoar, jö̧ba̧lö, ja'yuwemi, jö̧ba̧lö, wanekwachobe.

Apocalipsis 18:4

Ikenama, mölejȩbetjö Dios iwene cha̧ja̧kwijatö, baikwö: Ötjö chömöledö babibinadönö yötawa. Jobe comunidadtjö labebaduwi, sulabedö ja̧tji̧danö ökwödöbi ja̧köbaduwapji, jö̧ba̧lö. Ja̧danö, ökwödönöbi inia tjököbaduwinö baledapji, jö̧ba̧lö, jobetjöma labebaduwi.