Génesis 19:14 - Dios Iwene

¹⁴ Jejenö yötjawökwe Lotma labebö 'yi̧jetö i̧tji̧mu ju'winö tjȩmakwawö̧ tjö̧jobekwö yöbawö. Ichibö yöbawijetö: —Belöma labebaduwi jelobekwö. Bemima Isabenö Jo̧ Diosma söbebö loakobe— yöbawijetö. Jejenö yöawijayonö, omöna yöba̧lo̧, jö̧ba̧lö omukwatijadötö jobadöma, a̧ja̧kwökönö.

Génesis 19:14 Iomraidhean Croise

Génesis 19:15

Ja̧danö, dewachenama ángelesdöma labinö webijadötö Lotnöma: —Lot, a̧la̧ibi. Juluwanö kwilekwonö, kwi̧tji̧munö öbibö lakebo okwödö debö kwi̧'yaduwapjii söbebö lodenama— webijadötö.

Génesis 19:17

Jobe Sodoma comunidad pjeakwö tjö̧jena ángelesdötjö bakwo̧ webijetö Lotnö: —Döbibajaduwi 'yaka̧laduwakobetjö̧. Jalachiböbi kwedaduwoko kwö̧kömaduwikwöma. Niji ba̧ba̧laemibi okobe jwiinö 'ya̧duwi jamatökönö, tupakwö 'ya̧nö. Ja̧danö, mö'ösa'iju jo̧bekwö döbibaduwi ökwödöbi debö kwi̧'yaduwapji jö̧ba̧lö— webijetö.

Génesis 19:22

Juluwanö döbibaji jobekwöda. Ina jamatö söbebö lotoböma weokobe jobe kwichibenanö kabatö— jö̧ba̧lijetö. Ja̧ comunidad imi, Zoar, jö̧ba̧lö, ja'yuwemi, jö̧ba̧lö, wanekwachobe.

Éxodo 12:31

Jo̧kwaiökwe Moisésnö Aarónnö tjichobö jwöbijetö faraónma, ina yö̧te. Ichajadönö: —Tjo̧wi̧, ökwödöma kwömöledö Israel jojodökwö okobe deinö te'ada̧lökönö chitebotjö labebajaduwi. Akebaduwi̧danö Isabenö Jo̧nö ösödö iyö 'ya̧jaduwi.

Éxodo 9:21

Jo̧kwaijayonö ju'wedöma Isabenö Jo̧ weaja̧danö a̧ja̧kwökönö tjömöayedönöbi tja̧jwi̧mu̧nöbi tebatijöködötö o̧do okwama, mejebeda junibö.

Proverbios 29:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Isabenö yötawa: Bakwo̧nö ba̧kwȩlö̧jatebö jwebebö yötjawijayonö uu 'diobe a̧ja̧kwökötjö̧ma ju'winö juluwanö 'dö̧achakwo̧, ö̧bibajoböma jwiinö.

Isaías 28:22

Jau chömöledö, Isabenö Jo̧ Okobe Jwiinö Juluwo Diosma ötjönö yöawajabe, ditebo niji suli̧ tjöwaedobö weakwa̧ma, ja̧ yöawina cha̧ja̧kwajabe. Jo̧kwajabetjö̧ baikwö atebaduwakwö, Dios yöawi̧ a̧ja̧kwö, oköbaduwoko, oköbaduwiökwe ajayitjö bajalekwönönö ökwödönö tjunu'yakwa̧ tjunu'yobö weapji jö̧ba̧lö.

Mateo 1:18

Baikwö laebobe Jesucristonö jemina wenema: Maríama yöbawö juninuju, tupakwö Josénö chemakwujusa, jö̧ba̧lö. Jo̧kwaijayonö jo̧banö ina jemapji, ja̧danö iso̧nö ina jö̧kuju jö̧jayi, Dios O̧'wo̧ Luwo̧ ujulunö metu'wo jö̧jinobe.

Mateo 9:24

Jobadönö edö: —Labebaduwi— jö̧ba̧lö weinobe—. Wobököju tjemuma, sule aba̧löda aba̧luju— jö̧ba̧lö yöawinobe. Jejenö yöawiawö̧, jobe ko̧ko̧kwajadöma Jesúsnö otjinobe,

Lucas 24:11

jo̧kwaijayonö yötjawawö̧, omöna yötja̧lobedanö ichejekwinobe jobadönö, ja̧danö yötjawi̧ma tjösödinokobe.

Lucas 9:42

Weökwe, Jesús ö̧jobekwö ichejebinobe itji̧nö, ja̧danö tjichonö, o̧'wo̧ luwo̧nö sulabo̧ jo̧ma tjemu bulukanö 'dö̧bachibö meobö ja̧inobe. Ikenama Jesúsma o̧'wo̧ luwo̧nö sulabo̧ jo̧nö weinobe, tjemu o̧'wo̧ luwo̧tjö laebajobö, ja̧danö tjȩmunö otidö lobajo̧, abe'donö tjeatinobe itji̧nö.

Hechos 17:32

Jejenö yöawiawö̧, Diosma tjeachajinö ja̧inobe, jö̧ba̧lö, Atenasnö ju̧kwadötjö ju'wedöma oböda obijadötö Pablonö. Jo̧kwaijayonö ju'wedöma: —Yemidanö da̧ja̧kwobö jö̧da̧la ja̧ yökawaja̧ma— jö̧ba̧lijadötö.

1 Tesalonicenses 5:3

Jojodö, Aaa, wene jwia, yedaboböma jwia jö̧ba̧lö tjomukwatelö ja'ötjö, juluwanö baibakobe jobadönö lȩebakwa̧ma. Jau chömöledö, ja̧ baibakwa̧ma wanedö yötawa, jitji̧nö jemakwujuma, jo̧'wo̧ söba̧lö jö̧jelö ja'ötjö, juluwanö niatibobe, ¿jö̧tö? Jejenö baibakobe jojodönö lȩebakwa̧ma, ja̧danö döibajakwa̧ma jwiakobe.