Génesis 19:13 - Dios Iwene

¹³ Bemima söbebö lodakobe. Isabenö Jo̧ Diosma, Sodoma comunidadnö ju̧kwadö sulabenö ja̧bö tjuju̧kwobe, jö̧ba̧lö jwötjeba̧li̧ a̧ja̧kwajabetjö̧ söbebö lodobö weijatö ökwödönöma— yöbawijadötö ángelesdöma Lotnöma.

Génesis 19:13 Iomraidhean Croise

Génesis 13:13

Ja̧danö, jemima jwiinö otiwijayonö Sodoma comunidadnö ju̧kwadöma jwiinö sulabeda omukwatö ju̧kwijadötö, Isabenö Jo̧ Dios jwiinö öpöjödi̧ jawa ja̧bö.

Génesis 18:20

Ikenama Isabenö Jo̧ Diosma Abrahamnö jö̧ba̧lijetö: —Abraham, Sodoma comunidad jojodönö, Gomorra comunidad jojodönö ju'wedö labinö jwötjeba̧li̧ cha̧ja̧kwijatö, jwiinö sulabe ja̧bö ju̧kwadö, jö̧ba̧lö.

Génesis 19:12

Ikenama ángelesdöma abebö a̧ja̧kwijadötö Lotnöma: —Ökwö kwömöledöma ¿didökwena tjuju̧kwobeda bemi comunidadnöma? ¿Kwo̧jo̧li̧mu̧, kwi̧tji̧mu kwujuna̧li̧ji̧? Kwömöledönö bemi comunidadnö tjuju̧kwitjö̧ma jobadönö öbibö betjö dökibo.

Isaías 3:11

Jejenömaökö sulabedöma, jobadöwe. Sulabenö Dios wei̧ a̧ja̧kwöködöma, isabenö sulabenö baledakwawö̧, baikwö yötawa: Jobadöbi ja̧bö tjö̧jina mikwa baibanö tjemawakwedö, tjemo jö̧tja̧li̧danö Dios lȩebakwa̧ tjemawakwedö, jobadöwe!

Isaías 36:10

—Ju'wibi yötawakwö, –Isabenö Jo̧ma pjaatakwo̧, –jö̧ba̧lö kwo̧'wo kwöwana̧loböma jwiobe, baikwö yöta̧la: Kwedemi Isabenö Jo̧ Dios weokonö, baikwö ökwödökwö dölakwabikwawobö dichinenaji̧? Ja̧maökö, Isabenö Jo̧ Diosda ökwödönö weinobe, –Juda nijibe 'ya̧nö, kwujuluwaduwo, –jö̧ba̧lö, isabenö ökwödö dujulutjö kwö̧jibobö pjaatökakwo̧, —jö̧ba̧lö yöa̧linobe Asiria la'aka luwo̧ ömöayo̧ yöawi̧ yöbawo̧ma.

Isaías 37:36

Ja̧danö, ja̧ yöte Isabenö Jo̧ weökwe angelma Asiria ölakwabikwawa jojodö tjabakwemi tebachö i̧'yinobe, ja̧danö jobadötjö ciento ochenta y cinco milbedö ölakwabikwawadönö kwabö loinobe. Ja̧danö, yȩayi ju'wedö wilubö tja̧la̧ibenama, okobe deinö Dios weajökwe angel kwabö loaja̧wö̧ tjiteba'iju nijinö bo̧be tjedinobe.

Hechos 12:23

Ikenama omönanö Duluwo̧ weajökwe ángelma Dios ujulunö isȩbö ja̧ijetö Herodesnö wi̧ba̧'dö̧ nöinö tja̧jinö, ukwa'wo 'ye'yeachibanö. Herodesma, jojodönö jwebeba̧lö yöa̧lokobetjö̧, Ötjöma Diosbö̧kö̧sa, jö̧ba̧lö, Diosnöda ösödaduwi, jö̧ba̧lö, jejenö baledijetö, wi̧ba̧'dö̧ tja̧jinö Herodes ukwa'wonö. Ikenama ju'wi möle, lekwokobetjö, Herodesma ö'wö babibijetö, ukwa'wo wiba'dö̧ nöinö tja̧jobetjö̧.

Deuteronomio 28:45

—Chömöledö, kwuluwo̧duwi Isabenö Jo̧ Dios wei̧ a̧ja̧kwökönö, ja̧bö kwö̧jaduwobö wei̧bi, ju'wi wei̧bi a̧ja̧kwökönö wainö ja̧bö kwö̧jaduwitjö̧ma, okobe jwiinö ja̧jaye suli̧ waedakwawama ökwödönö baledakobe, ja̧danö wanedö yötawa, ja̧jaye suli̧ waedakwawama ökwödönö luibakobe, ökwödönö söbebö loenanö baibanö.

Deuteronomio 4:26

Ja̧danö, jejenö ja̧köbaduwitjö̧ma, isabenö lȩebakwo̧ Diosma ökwödönö chömöledö. Jau chömöledö, mölejȩnö ju̧kwadöbi, bö̧jenö ju̧kwadöbi tja̧ja̧kwalonö, babe isabenö yötawaduwakwö, jejenö Dios öpöjödi̧nö o̧'wo jawa kwösödaduwobö kwotidaduwitjö̧ma, isabenö ökwödönö lȩebakobe. Jau chömöledö, babe Jordan ojwe pebibö, kwiteboduwi baibakwa̧ nijibe kwi̧'yaduwobe, jobe kwö̧jaduwobö, jö̧tö? Jo̧kwaijayonö sulabenö o̧'wo jawa kwösödaduwitjö̧ma, lekwe kwö̧jaduwökakwedöja ja̧ nijinö, o̧'wo jawa kwösödaduwitjö̧ma, lȩebakobe Isabenö Jo̧ma. Ja̧danö iyinemi nijitjö söbebö loakobe ökwödönö, jobetjö deinö bakibaduwinö.

Santiago 5:4

Ina yötawa jobadö, juna̧ladönöma. Ökwödöma yelösöda sulabenö omukwatö kwömöayedö batjoduwinö 'wibadönö midö kwiyinaduwokobe. A̧ja̧kwaduwitjö. Jobadöma Diosnö budekwabinö jwötjeba̧linobe ökwödönöma, Tjimidinokobe, sula, jö̧ba̧lö. Ja̧danö, jwötjeba̧li̧ a̧ja̧kwiökwe jwiinö juluwo̧, Duluwo̧ Diosma ökwödö midöködönöma lȩbebo̧.

Judas 1:7

Ja̧danö Sodoma comunidad ju̧kwadöbi, Gomorra comunidad ju̧kwadöbi, ö'öbö comunidad jobadö ja̧tji̧danö sulabenö 'da̧'da̧bakwawö ja̧badö, ja̧danö tjöpöjödo jö̧tja̧li̧ jawa sulabenö ösödadöma Dios lȩebi̧tjö tjeminobe, ¿jö̧tö? Jau chömöledö, ökwöla tiibokolama jobadönö söbebö loinobe, ja̧danö ja̧ jobadönö baledinama öwaetjöda i̧sebobe, jobadöjayedönö Dios isabenö lȩebakwawö̧ jö̧ba̧lö, ¿jö̧tö?