Génesis 18:8 - Dios Iwene

⁸ Ikenama Abrahamma isa'be o̧'da̧'bebi, o̧do'bi̧sobubi, itebiya söawabi ichejebö iyijetö ichajadönöma. Ja̧danö, jobadöma towi la'aka ba̧nö tjukwonö Abrahamma yö̧ne te'ada̧lö bi̧jetö.

Génesis 18:8 Iomraidhean Croise

Génesis 18:7

Ikenama Abrahamma juluwanö ö'öbakwawijetö pa̧ka̧yö̧ tjuju̧kwobekwö. Ichibö bakwo̧ pakayanö, otiwanö möayo̧nö, itebiya 'waabo̧nö ba̧ja̧dö, itenö do̧bati, jö̧ba̧lö, webijetö ömöayo̧nö. Ja̧danö, ömöayo̧ma juluwanö kwabö lobö, kwabö loajökwe i̧sȩdo̧ 'yo̧bö, 'da'dabö otidijetö, itebiya söobö.

Génesis 18:9

Ikenama jobadötjö bakwo̧ abebö a̧ja̧kwijetö Abrahamnöma: —¿Kwilekwo Saraja?— aebökwe: —Yada o̧do okwa— atadijetö Abrahamma.

Génesis 19:3

Jejenö jö̧tja̧lijayonö Lotma labinö yöa̧liawö̧, Chejube kwabaduwo tebachaduwi, jö̧ba̧lö jo̧bakwö 'ya̧nö ejube tebachijadötö ángelesdöma Lotkwö. Ikenama Lotma kwakwawa otidijetö tjukwobö, pan 'ye'yeachökönö balö. Iyajawö̧ma kwijadötö.

Isaías 7:15

Ja̧danö, jitji̧ jemajökwema, öda̧peachakobe, suli̧ jawa öpöjödö, otiwi̧ jawa ösödö omudawö ujunobö öwaisenanö baibanö, jadanö jobekwö omudawö ujunobö öwaisenama, babe jwii̧ kwakwawa lechesa'bebi, wayo̧bi otiwanö ukwakwo̧.

Lucas 12:37

Ja̧danö, tjuluwo̧ ichibena ina eda̧lö̧ tjite'ada̧litjö̧ma, isabenö tjo̧'wo̧ ösöwanö tjö̧jakwedö joba̧ ömöayedöma chömöledö. Isabenö yötawaduwakwö chömöledö, ina te'ada̧lö tjö̧jiökwe, tjuluwo̧ma jobadönö ösödö iteda otidadö 'dutjawado̧ kamijido̧ 'duawena, ja̧danö iteda ömöayedönö weena, mesasötenö ba̧nö jo̧bada ite'ada̧lonö tjukwobö.

Lucas 17:8

Weökena chömöledö. Baikwö weena: Chukwakwa̧ otidi, ja̧danö kamijido̧, tjuluwedönö te'ada̧ladö tjökamijido̧ 'dubawi, otiwanö ötjönö kwite'ada̧lobö. Ja̧danö, 'dubawajo̧ chukwonö ja̧danö chowonö pjabatö te'ada̧li. Jemi ikenama, ötjö chukwaja̧ ikenada kwukwena ja̧danö kwowena jö̧ba̧lö weena uluwo̧ma, ¿jö̧tö? Jau chömöledö, iteda ömöayo̧obetjö̧, jejenö otidobö weobe uluwo̧ma, ¿jö̧tö?

Lucas 24:30

Ja̧danö, jobadökwö ukwobö mesasötenö tjö̧benama, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö jobadönö iyinobe.

Lucas 24:43

ja̧danö tjöba a'otjö ja̧nö tjeda̧lonö ukwinobe, ukwobe edö isabenö isapjonö kwebachö̧kö̧ jö̧ba̧lö tjöwaisachibakobetjö̧.

Juan 12:2

Ja̧danö, Jesúsma jobe ichajiawö̧ jobe ju̧kwadöma pjiesta junö tjukwinobe. Ja̧danö, Lázaro öpöo Martama kwakwawa jiyabinobe jojodönö. Jesús mesasötenö ba̧nö ukwena Lázarobi, ju'wedöbi ba̧jö tjukwinobe.

Hechos 10:41

Öwawachinö ja̧ijayonö okobe deinö tjedobö ja̧bijökötö. Ökwödönöda, Jesús ö̧jina yödawobö Dios 'da̧batö ujuninawö̧nöda öwawachijatö Jesúsma. Jesús tjeachaja̧ ikenama du̧kwabi jo̧bakwö dukwijatö, ja̧danö, owöbi dowijatö jo̧bakwö.

Gálatas 5:13

Chömöledö, Diosma ökwödönö jwöinobe, Moisés iwȩyudinatjö kwö̧jibaduwinö, ¿jö̧tö? Jo̧kwaijayonö, Aaa, Moisés iwȩyudina ömöayedödanöböködö dö̧jobetjö̧, jwaikwöda dösödi̧ jawada ja̧bö dö̧jo jö̧ba̧löma kwomukwataduwa chömöledö, kwömöledöduwi Jesúsnö ösödadönö ösödabikwawö ja̧nö, tjömöayedödanö ja̧nö pjabatakwawö kwö̧jaduwo chömöledö.

Deuteronomio 32:14

Ja̧danö tja̧jwi̧mu pa̧ka̧yadötjö lechesa'be tjowobö iyinobe, ja̧danö tja̧jwimu chivodötjö leche tjowobö iyinobe, ja̧danö obejadö o̧tewadönö tjukwobö iyinobe. Jau, Basan nijitjö ajikwakwawedö inesö otiwadö pakayadönöbi, obejadönöbi tjujuna̧lobö iyinobe, ja̧danö inesö otiwi̧ trigo tjukwobö iyinobe, ja̧danö inesö otiwobö ubasobu tjowobö iyinobe.

Apocalipsis 3:20

A̧ja̧kwaduwitjö chömöledö. Wanedö yötawa: Ötjöma apjude a'o ja̧nö, apjudenö 'do'doba̧lö te'ada̧lo̧sa, ötjönö ösödö tekataduwobö. Ja̧danö, bakwo̧ ötjö chiwene a̧ja̧kwö ösödo̧ma, apjude po̧bebö teatena tetachakwo̧sa, jo̧bakwö chukwobö.

Jueces 13:15

Manoama wajwiinobe, yöbawo̧ma angeldanö ichejekwö Isabenö Jo̧ Diosda, jö̧ba̧lö, ja̧danö aebinobe, —Juluwanö kwȩwa̧jokobö adebakwö, ja'yubenö kwiteada̧lobö adebakwö, ja̧danö chivoso̧ ja'yuwo̧nö kwabö todakobe, kwȩwa̧ja̧kwa̧ abönö kwukwobö, —jö̧ba̧lö. Aebökwe, angeldanö ichejekwo̧ Isabenö Jo̧ma atadinobe, —Jau, akebaduwi̧danö chiteada̧locha, jo̧kwaijayonö kwakwawa chukwökakwo̧sa. Jo̧kwaijayonö kwösöditjö̧ma, kwabö juwö Isabenö Jo̧nö kwiyaduwena, jwiinö ubinö iyawama, —jö̧ba̧lö.

Jueces 5:25

Sisara ojwiyo jiyobö aebioko, leche jiyinobe, otiwa'do̧ luwedö tjowa'do̧nö lechesa'be owobö jiyinobe.