Génesis 18:4 - Dios Iwene

⁴ Ja'yubeda ojwiyo weto tjichejebobö kwömasapaduwi kwidichawaduwobö. Ja̧danö, dichawö kabatöma towi la'aka ba̧nö kwö'wachaduwo, tiyuwena.

Génesis 18:4 Iomraidhean Croise

Génesis 18:3

Ikenama jö̧ba̧lijetö Abrahamma bakwo̧nö: —Chuluwo̧, ötjönö otiwanö kweditjö̧ma juluwanö baledökönuwi kwömöayo̧ chö̧jelöma.

Génesis 19:2

Ja̧danö jö̧ba̧lijetö jobadönö: —Chuluwedö. Ökwödö kwömöayo̧duwisa ötjöma. Cheju okwa tebachajaduwi kwömasapaduwi kwidichawaduwo. Dichawö kabatöma kwabaduwo, dewachö wiluibö labebö kwi̧'yaduwo— jö̧ba̧lijetö. Jejenö jö̧alijayonö jobadöma jö̧ba̧lijadötö: —Kwejunöma dabökö. Ökwödöma apetube daboda—jö̧ba̧lijadötö.

Génesis 24:32

Jejenö jö̧a̧lökwe Labanma Abraham ömöayo̧nö öbibö ȩwa̧jijetö ejube. Ichibö Labánma kabebö lödijetö ka̧mȩyu̧dö tjoma'anö tje'ewaja̧ma. Kabebö lödö kabatö isa'ye kameyudö tjabakwa̧'ye tjabakwemi lödijetö. Ja̧danö, isa'ye tjukwakwa̧'ye iyijetö ka̧mȩyu̧dönö. Ja̧danö, Abraham ömöayo̧nöbi, jo̧bakwö ichajadönöbi ojwiyo iyijetö tjömasapiya tjidichawobö.

Génesis 43:24

Ikenama José ömöayo̧ma José eju okwa tebatijetö José ömöledönöma. Tebachajadönö ojwiyo iyijetö tjömasapiya tjidichawobö. Ja̧danö, tja̧jwi̧mu bu̧lu̧dönöbi iyijetö tjukwobö.

Lucas 7:44

Ja̧danö jojosuju jö̧bobekwö jalachibö, Jesúsma Simónnö yöa̧linobe: —Bisu jojosujunö edi. Kweju okwa tetachenama, ojwiyo kwiyökötö, chömasapiya chidichawobö, jo̧kwaijayonö bisuma jubudesobunö chömasapiya jidichajabe, ja̧danö dichaju, jöwö'yenö 'do̧bö chömasapiya jököködajabe.

1 Timoteo 5:10

ja̧danö, wobekwinadötjö tjite'ada̧lakwawö̧ma sule jojodö, Bidöma otiwanö ja̧bö ji̧nadö, jö̧ba̧lö tjöwaisawö̧nöda. Ja̧ otiwanö ja̧bö tjuju̧kwina jawama baikwö yötawa: Otiwanö tji̧tji̧munö bötjatö, jelobetjö ichajadönö tjejunö tebatö, ju'wedö Jesúsnö ösödadö tjömöayujudanöbujusa jö̧ba̧lö pjabatö, usula emawadönö pjabatö, ja̧danö jwaikwöda okobe jwiinö otiwanö ja̧awa ja̧bö. Jejenö ja̧bö ji̧nadö ya̧dö tji̧lȩkwa̧munö wobekwinadönöda kwujuno, Jesúsnö ösödadö tjite'ada̧lawö̧, jö̧ba̧lö

Jueces 19:21

jobadönö öbibö teatinobe ejube. Ja̧danö, tebatajo̧, bu̧lu̧dönö tju̧kwa iyinobe, ja̧danö teatajawö̧nö ojwiyo iyinobe, tjömasapiya tjidichawobö. Ikenama kwanöbi tjukwinobe, ja̧danö owöbi tjowinobe.

1 Samuel 25:41

Yötjawoko, Abigailma jöba nijakwö bȩbachibö yöja̧linobe, —Otiwa, jo̧ba ömöayujusa. Ja̧danö ju'wibi jo̧ba ömöayedönö pjabatö tjömasapiya dichö lotakwujusa, —jö̧ba̧lö.