Génesis 18:11 - Dios Iwene

¹¹ Ja̧danö Sara, Abraham jwiinö damöbijadötö. Sarama iwobi debachinuju pöojobetjö̧.

Génesis 18:11 Iomraidhean Croise

Génesis 17:17

Ikenama Abrahamma u̧yu̧kijunö bamatö öba bȩbachibijetö nijakwö uunö. Dios yöawaja̧ omukwatö, itedada omajadenö obijetö ¿Isabenö bakwo̧ma, cien a̧yo bo̧ma, itji̧nö 'yaebenaji̧? ¿Isabenö Sarama noventanö a̧yo bujuma jitji̧nö jemakwa̧ji̧? jö̧ba̧lö.

Génesis 17:24

Abrahamma noventa y nueve a̧yo bo̧ 'wibekwö lobijetö ötadesado̧ma.

Génesis 21:7

¿Ti yöa̧linajö Abrahamnöma, Kwilekwo Sarama jitji̧nö o̧do'bi̧ ojwö jö̧jakwuju, jö̧ba̧lö? Jejenö yötja̧li̧ma la'akatjöda yötja̧linökena. Jo̧kwaijayonö babema Abraham itji̧nö chemajabe. Jao, chilekwe jwiinö pöe ö̧jijayonö itji̧nö chemajabe— jö̧ba̧lijotö Sarama.

Génesis 24:1

Ja̧danö, Abrahamma ida̧ökö jwiinö pöe ji̧jetö. Diosma otiwanö, kabatökönö pabatiabijetö jo̧banöma okobe jwiinö ö̧ji̧ma.

Génesis 24:36

Ja̧danö, jo̧ba ilekwo Sara mikwinujuma, pöojinujujijayonö jitji̧nö 'yajebinobe. Ja̧danö, Abrahamma okobe jwiinö u̧kwa tea iyinobe itji̧nöma.

Génesis 31:35

Ja̧danö, Raquelma jabe'donö jö̧ba̧lijotö: —Chuluwo̧ kwölabi ötjönöma. Tekachobe meibö chedo jö̧ta̧lijayonö chimeibökö, iwo ichiboko chö̧wobetjö̧.— jö̧ba̧lijotö Raquelma, jabe'do öbadekwajapji jö̧ba̧lö, jönaukwinawö̧nöma. Jejenö, Labánma Jacob ö̧jemi okobe jwiinö isakwijayonö o̧'wo̧ öwa̧na̧lawö̧nöma badekwajijökötö.

Lucas 1:18

Jejenö yöawiökwe Zacaríasma atadinobe: —¿Dakwö chöwaisobö, isabenö yöka̧li̧danö baledakwa̧ma? Ötjöma ida̧ökö pöesa, ja̧danö chilekwoma ida̧ökö pöo, jo̧kwajabetjö̧ ¿dakwö chöwaisakwa̧da yöka̧li̧danö isabenö chilekwo jitji̧nö jemakwa̧ma? Chedemi jemökena— jö̧ba̧lö.

Lucas 1:36

Ja̧danö ju'wibi yötawakwö María, kwömöledösuju Elisabetbi metu'wo ju̧ju. Jau María, Elisabetnö ji̧tji̧munö emökuju jö̧ba̧lö ötjabinajayonö, ja̧danö yelösöda pöo jö̧jijayonö, ida̧ökö ja̧wo̧dö jelemutjö bakwo̧ metu'wo jö̧jajabe kwömöledösuju Elisabetma.

Lucas 1:7

Jobadöma ida̧ökö damö tjö̧jijayonö tjemu debadö tjö̧jinobe, Elisabetma metu'wo jö̧kuju jö̧jobetjö̧.

Josué 13:1

Ja̧danö, Josue jwiinö pöe ö̧jena, Isabenö Jo̧ma Josuenö yöa̧linobe, baikwö: —Josue, ökwöma ida̧ökö jwiinö pöeja, ja̧danö ina nöinö niji̧ ji̧bobe, ökwödö israel jojodö kwemaduwoböma.