Génesis 17:14 - Dios Iwene

¹⁴ Ja̧danö, bakwo̧ 'wibekwö loökötjö̧ma jo̧bama ökwödötjö a'dewö loköbo ötjö weti̧ma a̧ja̧kwokobetjö̧— yöbawijetö Diosma Abrahamnö.

Génesis 17:14 Iomraidhean Croise

Génesis 17:15

Ju'wibi yöbawijetö Abrahamnöma: —Babema kwilekwonö balekwa jimi chimadajö. Sarai, jö̧ba̧lö, jimikwokobe. Babema Sara, jö̧ba̧lö, jimikwobe.

Génesis 34:14

—¿Dakwö wedobö döjawujunöma bakwo̧nö, ötade bajale sa̧do̧ 'wibekwö̧kö̧nö, jo̧ba ilekwo baibanö? 'Wibekwö̧kö̧nö jemitjö̧ma jwiinö tabalö̧jena. Wedokobe.

Éxodo 12:15

Isabenö Jo̧ma ina yöba̧lijetö Moisésnö Aarónnö: Kwejubiya wame chöbaledina omukwatö ba'ali kukwaja̧duwa ikena möle, ju'wi fiesta kwujunaduwo. Ja̧ ba'ali jelemutjö dötölataja möle baledibanö kwujunaduwo. Ja̧ fiesta kwanö pan kwukwaduwakwa̧ma 'ye'yeachö̧kö̧ panda kukwaduwo. Ida̧ökö ja̧ jelemutjö̧ dötölataja mölebiyatjö ajayi mölema kwejubiyaduwi okwa pan otikwa 'ye'yeachi̧ma loköbaduwo kwejuduwitjö okobe jwiinö 'ye'yeachi̧ jawa jwiakobetjö̧. Isabenö, bakwo̧ panpja̧ 'ye'yeachi̧kwö kwo̧nöma kwö̧jaduwemitjö a'dewö loköbaduwonö.

Éxodo 12:19

Jejenö jelemutjö dötölataja möle jenanö kwejubiyaduwi okwa pan otikwa 'ye'yeachi̧ jawa okobe jwiinö jwiobö jo̧be. Isabenö, bakwo̧ panpja̧ 'ye'yeachi̧kwö kwo̧nö, jelobetjö ichö ökwödökwö jo̧nöbi, ja̧danö Israel jojonöbi kwö̧jaduwemitjö a'dewö loköbaduwonö.

Éxodo 30:33

Ökwödökwö bakwo̧ jobu o̧tesobudanö iteda ösödö otiditjö̧ma ökwödötjö a'dewö lotjökwedanö ö̧jakobe, Israel jojobö̧kö̧ baibanö. Ja̧danö, jenada bakwo̧ jobu o̧tesobuma jelo̧nö, ötjötjö jojodötjö dö'da̧de pjabato̧bö̧kö̧nö toebitjö̧ma, a'dewö lotjökwedanö ö̧jakobe, Israel jojobö̧kö̧ baibanö— webijetö Isabenö Jo̧ma Moisésnöma.

Éxodo 30:38

Ökwödötjö bakwo̧ jo̧pja̧ otiditjö̧ma, iteda söinö 'döekwso̧pja̧ ujuna̧lobö ökwödötjö a'dewö lotjökwedanö ö̧jakobe, Israel jojobö̧kö̧ baibanö.

Isaías 24:5

Ja̧ baledakwa̧ baikwö labebö lobö yöta̧la: Bö̧jȩnö ju̧kwadöma Dios wei̧ a̧ja̧kwökönö tjö̧jajabe, ja̧tjoko jö̧ba̧lö wei̧ a̧ja̧kwökönö sulabenö ja̧tjajabe, ja̧danö jobekwö sulabenö ja̧tji̧ma bö̧je samajabe, sulaböjȩ yȩöje baibanö. Jau, Diosma 'dö̧ibajökö ji̧ yöbawö junawa jawa jobadönö yöbawö ujuninobe, —Weti̧ a̧ja̧kwö kwö̧jaduwobö jo̧be, —jö̧ba̧lö, jo̧kwaijayonö wei̧ a̧ja̧kwökönö sulabenö ja̧bö tjö̧jajabe, bö̧jȩnö ju̧kwadöma.

Isaías 33:8

Jalama manama, jojodö deama jo̧be, yebabinö kwebachöködö dömöledö Juda jojodöma. Döpöjojodökwö wene jwiinö dö̧jakwa̧ wene yöbawö dujuninajayonö, yöbawö tjujunina wene kabatibadö. Jau, ju'wedö tjöba a'otjö öwawinö yöbawö tjujuninajayonö, —Yöbawö dujuninama mikwawökö ji̧, —jö̧ba̧lö kabatibadö, ja̧danö —Ja̧kwawama mikwawökö ji̧, —jö̧ba̧lö, jojodönö kwabö lobadö sulabenö.

1 Corintios 11:27

Ja̧danö, jejenö ja̧bö Duluwo̧ midawö woina wene kwi̧sebaduwobetjö̧, baikwö yötawa: Duluwo̧ midawö woina omukwatökönö bakwo̧ sulabenö ukwitjö̧bi, ja̧danö owitjö̧bi, Duluwo̧ iteba'obi, ja̧danö ökwösobubi öpöjödobedanö ichejekwa, mikwawökö ji̧ jö̧ba̧lö.

1 Corintios 11:29

Jau chömöledö, Duluwo̧ iteba'o jawa jweinö omukwatökönö kwukwaduwitjö̧ma, ja̧danö kwowaduwitjö̧ma, Dios ökwödönö lȩebo jö̧ba̧lö ja̧köbaduwobe chömöledö.