Génesis 16:1 - Dios Iwene

¹ Sarai, Abram ilekwoma, tjemu debijotö. Ja̧danö, jobujuma jömöayujunö, Egipto jojosujunö juna̧lijotö, Agar mikwujunö.

Génesis 16:1 Iomraidhean Croise

Génesis 11:30

Ja̧danö, Abram ilekwo Saraima ji̧tju̧mu debijotö.

Génesis 12:16

Ja̧danö, faraónma Sarainö jwiinö ösödijetö. Jo̧kwaobetjö̧ otiwanö iyijetö Abramnöma, bisu jöpöe, jö̧ba̧lö. O̧bȩja̧dönöbi, pa̧ka̧yö̧nöbi, ömöayedö ömadönöbi ya̧dönöbi, bu̧lu̧dö ömadönöbi ya̧dönöbi, ka̧mȩyu̧dönöbi iyijetö faraónma Abramnöma.

Génesis 15:21

Ja̧danö, amorreos jojodöbi, cananeos jojodöbi, gergeseos jojodöbi, jebuseos jojodöbi tjitebokwena bemi nijima. Jobadö okobe deinö tjitebokwenama ökwötjö tupadanö jojodö tjitebo baibanö 'da̧yawö chiyakwo̧sa Abram— jejenö iteda iwene yöbawö junijetö Isabenö Jo̧ Diosma Abramnö, abo̧nö.

Génesis 21:12

Jo̧kwaijayonö Diosma jö̧ba̧lijetö Abrahamnöma: —Abraham, kwo̧'wo̧ tjo̧kekwa kwitji̧ Isamaelnöbi, kwömöayuju Agarnöbi. Ötjö yöbawö chujunina chiwenema, ökwötjö tupadanö jojodöma tjö̧bajekwachakobe, jö̧ba̧lö, kwitji̧ Isaacda omudawö chujuninökwe, jo̧batjöda latjebobö. Jo̧kwaobetjö̧ Sara weji̧danö a̧ja̧kwi, kwömöayuju Agarnö, jitji̧ Ismaelnö a'dewö loköbo.

Génesis 25:21

Ja̧danö, Rebecama tjemu dejiökwe Isaac abebijetö Isabenö Jo̧ Diosnö, Rebecanö pjaatobö. Ja̧danö, Isabenö Jo̧ Diosma, Isaac aebi̧ma a̧ja̧kwobetjö̧ Rebeca metu'wo ji̧jotö.

Lucas 1:36

Ja̧danö ju'wibi yötawakwö María, kwömöledösuju Elisabetbi metu'wo ju̧ju. Jau María, Elisabetnö ji̧tji̧munö emökuju jö̧ba̧lö ötjabinajayonö, ja̧danö yelösöda pöo jö̧jijayonö, ida̧ökö ja̧wo̧dö jelemutjö bakwo̧ metu'wo jö̧jajabe kwömöledösuju Elisabetma.

Lucas 1:7

Jobadöma ida̧ökö damö tjö̧jijayonö tjemu debadö tjö̧jinobe, Elisabetma metu'wo jö̧kuju jö̧jobetjö̧.

Gálatas 4:24

Baikwö wanedö yötawa: Jobadö ya̧dö du̧ju̧tajama, Dios yöbawö ujunina wene dötölataja jawatjö tjöbadekwachobe. Jobadötjö Agar mikwujuma, Dios Sinaí mö'ösa'otjö webö ujunina wene badekwachuju. Jau chömöledö, Agar ji̧tji̧mubi tjömöayedö batjibanö jeminobetjö̧, Arabia nijitjö Sinaí mikwa'otjö Moisés iwȩyudina wene badekwachuju Agarma. Ja̧danö, jelobebi Agarnö badekwachobe, böjȩtjö Jerusalén comunidadbi jobujunö badekwachobe, Jerusalénnö ju̧kwadöma Moisés iwȩyudina ömöayedödanö tjuju̧kwobetjö̧.

Jueces 13:2

Zora comunidadtjö bakwo̧ ö̧jinobe, Dansaso jojo Manoa mikwo̧ma, ja̧danö Manoa ilekwoma metu'wo babibökuju, jitji̧mu debuju jö̧jinobe.

1 Samuel 1:5

jo̧kwaijayonö jobadönö iyi̧tjö bajalekwönönö otiwanö iyinobe ilekwo Ana mikwujunö, nöinö jobujunö ile niebobetjö̧. Jobuju Anama ji̧tji̧mu debuju jö̧ji̧nobe, Isabenö Jo̧ Dios metu'wo jö̧jobö weokobetjö̧, jo̧kwaijayonö ji̧tji̧mu debuju jö̧jiökwe, jobujunö öpöjödinokobe Elcanama, yayonö jwiinö ile nibebö ösödinobe ilekwo Ananöma.