Génesis 15:17 - Dios Iwene

¹⁷ Ja̧danö, jawo̧ meajena jwiinö yȩatibajena, Abramma baikwö edijetö: Omönanö öwawobe uliyu ubajayubi, ja̧danö, öjiya ubi̧ öjiyabi edijetö. Ja̧yu uliyu ubajayu, ja̧ja öjiya ubi̧ öjiya Abram 'da̧chawö ödajawö̧ wobadö tjö̧ba̧jemi 'da̧denö 'ya̧nö baledobe edijetö.

Génesis 15:17 Iomraidhean Croise

Génesis 15:10

Jejenö weökwe Abramma ichejebijetö okobe deinö weinawö̧nö, Isabenö Jo̧ Diosnö iyobö. Ichejebawö̧tjö wa̧medukwanö, pakayasujunö, chiwosujunö, obejaso̧nö tjö̧kwöla 'wi'wibö lobijetö. Ja̧danö, 'wi'wiajawö̧nö 'da'dabö okobe jwiinö ö'wejenö 'da̧chawö bakwacho̧kwena wainö lödijetö nijinö. Jo̧kwaijayonö mö köba̧lö ju̧kwadönöma, tótula mikwo̧nö, palomino mikwo̧nö 'da̧chebijökötö.

2 Samuel 22:9

Jwiinö ödameakwobetjö̧, i̧su̧tjö imiu'wo laebinobedanö ichejekwa, ja̧danö aatjö ökwöla, jwiinö ubolabi ökwöla ubö̧'a̧bi ubinö aatjö laebinobe ichejekwa, chöpöjojodönö söbebö loobö.

1 Reyes 18:38

Jejenö aebenama, Isabenö Jo̧ma mölejebetjö ökwöla weinobe, ja̧danö weaja̧ ökwölama jwiinö ubinö iyawabi, imibi, inawiyabi, nijiso̧pja̧bi, ojwiyobi jwiinö ubinobe, jwiinö baibenanö.

1 Crónicas 21:26

Ja̧danö, emajo̧, Davidma jobetjö iyawöte otidinobe, ja̧danö Isabenö Jo̧nö jwiinö ubinö iyawabi, jojodö bakobe Dioskwö ösökwö ja̧kwawa jawa iyawabi jobetjö juwö iyinobe. Jejenö iyö, Isabenö Jo̧nö aebinobe, israel jojodönö lȩlöjinö edobö, ja̧danö a̧ebökwe, Isabenö Jo̧ma mölejebetjö ökwöla weinobe iyawötenö meinö, —Akebaja̧ cha̧ja̧kwajabe, —jö̧ba̧lö.

Éxodo 19:18

Sinaí mö'ösa'oma okobe jwiinö imiyu'woda li̧jetö, Isabenö Jo̧ mö'ösa'onö ökwöla nöola ubi̧danö jwiachajabetjö̧. Ubi̧ma labinö kaamijetö ökwöla ubi̧ kaamidanö, letiyatjö otikwa juawakatjö ökwöla ubi̧ kaamidanö. Ja̧danö, okobe jwiinö mö'ösa'oma labinö tjö̧ebijetö.

Éxodo 20:18

Ja̧danö, Israel jojodöma böba ökwödi̧ a̧ja̧kwijadötö. Ja̧danö böba nei̧ edijadötö. Ja̧danö obeja i'yeka pjuawa labinö ökwöi̧bi a̧ja̧kwijadötö. Ja̧danö, Sinaí mö'ösa'o ökwöla imuyu'wo lo̧obe edijadötö. Jejenö baledi̧ edö jwiinö yebaibijadötö, tjö̧bawinö. Jo̧kwaobetjö̧ mö'ösa'o la'akatjö ödönönöda ja̧nö

Isaías 62:1

Isabenö cho̧'wo tjo̧ekwobe Sion mösa'o ju̧kwadönö, chitebo comunidad Jerusalen omukwatö, cho̧'wo tjo̧ekwobe, jo̧kwajabetjö̧ wi̧inö chö̧jökakwo̧sa. Jau, jwaikwöda yöbawö chö̧jakwo̧sa, Jerusalen comunidad jojodö Dios wei̧ tja̧ja̧kwenanö baibanö. Jau, baikwö wanedö yöta̧la, ja̧ möle tjö̧jibinö Dios pjaatakwa̧ma, dȩju̧wa'yudanö öwawakobe, ja̧danö Dios wei̧ a̧ja̧kwö tjö̧ji̧ma, möle dewachi̧danö salöinö dewakobe.

Deuteronomio 4:20

Jau chömöledö, damötjö̧ ökwödö israel jojodöma Egipto nijinö ja̧nö usula emawö kwotidinaduwobe, 'dii jawa otikweju otidadö tubinö usula emawö otidö tjö̧ji̧danö, jö̧tö? Jo̧kwaijayonö jejenö usula emawö kwö̧jinaduwelö lakebaduwinö ichejebinobe Isabenö Jo̧ma, ökwödö israel jojodöma iteda ömöledö bakibaduwakobetjö̧, ja̧danö babe möle ökwödöma jo̧ba Isabenö Jo̧ Diosda ömöledöja, —jö̧ba̧lö yöawinobe Moisesma, israel jojodönö.

Jueces 13:20

Manoa iyaja̧ ubi̧ ökwöla mölȩjȩbe kaamenama, angeldanö ichejekwo̧ Isabenö Jo̧ma, ökwölanö kaekwajinobe mölȩjebe, tjöba a'otjö debi baibanö. Ja̧danö, jejenö balediawö̧, Manoabi ilekwobi yetjaibanö tjöba nijakwö metji̧nobe.

Jueces 6:21

Ikenama angeldanö ichejekwo̧ Isabenö Jo̧ma otokwa'o debatö, itebiyabi, öpji̧ya̧bi doebinobe, ja̧danö doebemi, inabatjö ökwöla nötekwajinobe, ja̧danö okobe jwiinö itebiyabi, öpji̧yabi jwiinö ubibinobe, ja̧danö angeldanö ichejekwo̧ Isabenö Jo̧ma omönanö Gedeon ö̧jelö debi baibinobe.