Génesis 15:15 - Dios Iwene

¹⁵ Ina yöbawijetö Abramnö, bötisinö abemi okwanö: —Ja̧danö, ökwöma ina lekwe o̧biya, kwo̧'wo ösöwanö kwö̧jakwo̧ja. Ja̧danö, jwiinö pöe kwö̧jena woköbakobe. Ja̧danö, woköbenama kwömöledöma ökwönöma tjödakobe.

Génesis 15:15 Iomraidhean Croise

Génesis 23:19

Ikenama Abrahamma lödijetö ilekwonö Saranö ja̧ i̧lȩdo̧ okwa, Canaán nijinö.

Génesis 23:4

—Ötjöma jelobetjö ichina ökwödökwö jo̧sa. Ja̧danö atebaduwakwö: Mikwanö kwiyaduwotjö niji, chilekwonö chödo— abebijetö Abrahamma.

Génesis 47:30

Cha'dödöminenö tjödinobekwöda ötjönö kwödobö chösöda. Jo̧kwaobetjö̧ wotenama belö Egiptotjö labebö kwe'ewotjö jobadö tjödinobekwöda, Canaán nijibe— webijetö Jacobma itji̧ Josénöma. Jejenö weökwe: —Jau chabe'do, weköbi̧danö ökwönö jobekwö chödobö e'ewö chi̧'yocha— jö̧alökwe:

Génesis 49:29

Ikenama yöbawijetö Jacobma i̧tji̧munöma: —Chi̧tji̧mu, tjo̧wi̧ debö chi̧'ya, cha'dödömine tji̧'yinadanö. Ökwödönö baikwö weta: Ö'wö batibaja̧ ikena ötjönö e'ewö kwödajaduwo Canaán nijibe. Jobema, hiteo jojo Efrón niji i̧lȩdo̧nö, chömöledö wobadönö tjödinena kwödajaduwotjö.

Génesis 49:31

Jobema cha'dö Abrahamnöbi, cha'do̧ Saranöbi, chabe'do Isaacnöbi, chojo'do Rebecanöbi tjödinemi. Ja̧danö chilekwo Leanöbi chödijatö jobeda.

Génesis 50:13

Jo̧banö e'ewijadötö Canaán nijibe, jobeda tjödobö, Macpela i̧lȩdo̧ okwa. Ja̧ i̧lȩdo̧ma Mamré comunidad ö'öbö ji̧jetö. Ajayinöma Abrahamma emijetö ja̧ i̧lȩdo̧ma hiteo jojo Efronnötjö̧, ömöledönö ba̧kwȩlöjatebö lödawemi baibanö.

1 Crónicas 23:1

La'aka luwo̧ David ida̧ökö jwiinö pöe baibenama, iteda itji̧ Salomonnö ujuninobe, israel jojodötjö inesö la'aka luwo̧ baibanö.

1 Crónicas 29:28

Ja̧danö, lekwe möle otiwanö ö̧jinobe Davidma, iteabi nöinö ujuna̧linobe, ja̧danö ju'wibi jojodö otiwanö tjomukwatökwe ö̧jinobe. Jemi ikenama, jwiinö pöe babibajo̧, bajalianö ö'wö baibinobe Davidma. Ja̧danö, israel jojodötjö la'aka luwo̧ David ö̧jinemi, itji̧ Salomonma inesö la'aka luwo̧ baibinobe.

Diosnö ösödo̧ Job mikwo̧ usula emawina jawa 41:32

Jwaibalawanö kwöbö kweachenama, nöinö itjei'wo baibanö kwebacho̧, jwiinö itjei'wo baibanö kweachobetjö̧, jwaibalawa öwö'ye dewa'ye ujuna̧lobedanö ichejekwi̧nö kebacho̧.

Diosnö ösödo̧ Job mikwo̧ usula emawina jawa 42:17

Ikenama, jwiinö pöe babibajo̧, jwiinö nöinö o̧biya juna̧lo̧ ö'wö baibinobe Jobma.

Diosnö ösödo̧ Job mikwo̧ usula emawina jawa 5:26

—Ja̧danö ju'wibi, ina möayo̧ kwö̧jayi woköbökakwo̧ja Job, Dios pjaatobetjö̧, jwiinö pöe babibajo̧da bajaliyanö woköbakwo̧ja, baikwö wanedö yötawa: Trigo ochobia juluwanö 'wibö ko̧ko̧dö lödöködö ina ö'dö̧wayima, sule otiwanö da̧peachö kaatena, otiwanö wa̧jö ajöchenada emadö, jö̧tö? Ja̧danö, Dios otiwanö pjaatobetjö̧, sule pöe babibajo̧, woköbo jö̧ka̧lenada ö'wö bakibakwo̧ja, Diosnö kwa̧ja̧kwiökwe otiwanö pjaatobetjö̧.

Daniel 12:13

Ja̧danö baikwö yöta̧lakwö Daniel, kwo̧'wo̧ ösöwanö kwö̧jo, 'dö̧ibaji̧ möle baibenanö kabatö. Ökwöma ö'wö babiböda, kwö'wachakwo̧ja, ja̧danö okobe jwiinö 'dö̧ibajenama, yemidanö woawatjö tjekachajakwo̧ja, Dios ökwönö iyakwa̧ otiwanö kwemobö— jö̧ba̧lö yöawinobe ángelma Danielnö, tupakwö baledakwa̧ jawama.

Mateo 22:32

Ötjöma Abraham uluwo̧ Diossa, Isaac uluwo̧ Diossa, Jacob uluwo̧ Diossa, jö̧ba̧lö yöawinama, ¿yöka̧linaduwökiji̧? Baikwö yötawaduwakwö, jojodöma isabenö wobajaletjö tjetjachajakwedö jö̧ba̧lö: Diosma wobadö tjuluwo̧bö̧kö̧, 'yaba̧ladöda tjuluwo̧ Diosma, ja̧danö Abraham uluwo̧ Diossa, Isaac uluwo̧ Diossa, Jacob uluwo̧ Diossa jö̧ba̧lö Dios yöawinobetjö̧, öwaetjöda öwawobe, wobajaletjö tjetjachajinobe jö̧ba̧lö— yöawinobe Jesúsma.

Hechos 13:36

Chömöledö isabenö döwaisa, Davidminema, Dios wei̧ a̧ja̧kwö ömöledönö pjabatö webo̧ma wobijetö. Ja̧danö, wobajo̧nöma ödijadötö. Damötjö ödijadötö Davidminenöma. Jo̧bama okobe jwiinö damötjöda 'dolobijetö chömöledö. Ja̧ Dios iwenetjö laebi̧ma Davidminema itedadama wȩyudö yöawakwawijökötö.

Deuteronomio 31:16

Ja̧danö, Isabenö Jo̧ma yöawinobe: —Moises, ökwöma juluwanö kwa'dödökwö bakibanö ö'wö bakibakwo̧ja. Ikenama, ö'wö bakibaja̧ ikenama, bidö kwömöledö israel jojodöma juluwanö sulabenö ja̧tja̧kwedö, baikwö wanedö yötawa, bakwuju jilekwamuböködökwö sulabenö 'da̧'da̧bakwawö jalewi̧danö, bidö israel jojodöma juluwanö ju'wedö tjösödawö̧ o̧'wo jawanö tjösödakwedö. Jau Moises, bakobe jobadökwö isabenö ötjönöda tjösödobö yöbawö dujuninajayonö, juluwanö ötjönö kabatibö, tjitebonö tjö̧'da̧de ju̧kwadö tjösödawö̧nöda tjösödakwedö, sulabenö.

Jueces 2:10

Ja̧danö, ju'wedö Josue ö̧jinena ju̧kwadö, Isabenö Jo̧ inesö otiwanö israel jojodönö pjaatina edinadöbi ö'wö batjibinobe. Jemi ikenama tji̧tji̧mu tupadanö jojodö Isabenö Jo̧nö wajwibadö tjö̧da̧peachinobe, iteda ujulu i̧sebö, israel jojodönö pjaatina edinöködöma.