Génesis 15:12 - Dios Iwene

¹² Jemi ikenama, ja̧wo̧ meajena Abramma abibijetö, dö̧bachibajo̧danö jwiinö bötisinö abö. Abonö ¡ayö! o̧'wo luwo̧ okwanö isa'wo yȩa'wo isa'wodanö meobedanö meinobe, Abramnö jwiinö yebeabinö.

Génesis 15:12 Iomraidhean Croise

Génesis 15:11

Ja̧danö, bo̧lö̧nö, wobadönö tjukwotö jö̧ba̧lö ichadönöma a'dewa̧lijetö Abramma.

Génesis 2:21

Ikenama Isabenö Jo̧ Diosma iso̧nöma bö̧ti söinö abibanö ja̧bijetö. Ja̧danö, jejenö ja̧ajökwenöma aba̧lo̧nö Isabenö Jo̧ Diosma ometupasö'itjö bakwö'i 'yebijetö. Jejenö 'yebajo̧ma iteba'oma yemidanö woachibanö ja̧bijetö.

Génesis 28:11

Ja'ö 'ya̧nö ja̧wo̧ i̧da̧ökö meajiökwe, Benada chaba, jö̧ba̧lö, omukwatijetö. Ja̧danö, inawa emö lödijetö abakwemima, uu waneba̧lö abobö. Ikenama nijinö kwabibö abijetö.

Diosnö ösödo̧ Job mikwo̧ usula emawina jawa 33:15

Ju'wikwenama, yö̧te tji̧'wi̧dinö jojodönö yöa̧lena, yö̧te bö̧ti̧ söinö jojodö tjabenama.

Hechos 20:9

Jȩko̧tjöma bakwo̧ möayo̧, Eutico mikwo̧ma ventana'donö ba̧nö Pablo yöawi̧ a̧ja̧kwa̧lijatö. Jo̧bama jobe ba̧nö, Pablo lekwe yöawobetjö̧ jo̧bama bö̧ti̧lö̧jachibiökwe abiba̧lijatö. Jejenö bö̧ti̧sinö abibö, omönanö, jobetjöma, tres pisos jenanö möobetjöma nijibe meijatö. Jejenö meiawö̧ ömöledöma juluwanö yutuibö tjedemi ida̧ökö ö'wö babibajo̧nöda tjedijatö.

1 Samuel 26:12

Ja̧danö, yöba̧lajo̧, Saul otokwötebi, ojwiyosa̧pja̧bi emibö, latjebinobe. Ja̧danö, jejenö baledonö, Saul ömöayedö wajwitjinobe. Bakwo̧bi edinokobe, ja̧danö bakwo̧bi wiluinokobe, okobe deinö aböda tjabinobe. Jejenö tjabi̧ma, Isabenö Jo̧da weinobe, bö̧ti̧söinö tjabobö.