Génesis 15:10 - Dios Iwene

¹⁰ Jejenö weökwe Abramma ichejebijetö okobe deinö weinawö̧nö, Isabenö Jo̧ Diosnö iyobö. Ichejebawö̧tjö wa̧medukwanö, pakayasujunö, chiwosujunö, obejaso̧nö tjö̧kwöla 'wi'wibö lobijetö. Ja̧danö, 'wi'wiajawö̧nö 'da'dabö okobe jwiinö ö'wejenö 'da̧chawö bakwacho̧kwena wainö lödijetö nijinö. Jo̧kwaijayonö mö köba̧lö ju̧kwadönöma, tótula mikwo̧nö, palomino mikwo̧nö 'da̧chebijökötö.

Génesis 15:10 Iomraidhean Croise

Génesis 15:11

Ja̧danö, bo̧lö̧nö, wobadönö tjukwotö jö̧ba̧lö ichadönöma a'dewa̧lijetö Abramma.

Génesis 15:17

Ja̧danö, jawo̧ meajena jwiinö yȩatibajena, Abramma baikwö edijetö: Omönanö öwawobe uliyu ubajayubi, ja̧danö, öjiya ubi̧ öjiyabi edijetö. Ja̧yu uliyu ubajayu, ja̧ja öjiya ubi̧ öjiya Abram 'da̧chawö ödajawö̧ wobadö tjö̧ba̧jemi 'da̧denö 'ya̧nö baledobe edijetö.

Génesis 15:9

—Ichejebitjö pakayasujunöbi, chiwosujunöbi, obejaso̧nöbi tres a̧yo juna̧ladönö. Ja̧danö, du̧ju̧taja mö köba̧lö ju̧kwadönöbi bidö: tótula bakwo̧nö, ja̧danö, palomino bakwo̧nö, ina möayedönö ichejebitjö— webijetö Isabenö Jo̧ Diosma Abramnö.

2 Timoteo 2:15

Timoteo, jwaikwöda isakwö kwö̧jo, Dios öba a'otjö isabenö wene otiwanö yöbawö kwotidobö. Jejenö otidö kwö̧jitjö̧ma, Dios öba a'otjö kwi̧sebakwo̧ja, Dios wei̧ otiwanö otido̧sa jö̧ba̧lö, ja̧danö kwötabakwoböma jwiena, kwuluwo̧ wei̧ otiwanö ja̧bö kwö̧jobetjö̧.