Génesis 14:23 - Dios Iwene

²³ teatjöma ja'yubebi chemokobe, jö̧ba̧lö. Chemokobe jö̧ka̧laduwapji jö̧ba̧lö, ökwödöda, Abramnö pjadatajabe balada luwo̧ ö̧jinö, jö̧ba̧lö.

Génesis 14:23 Iomraidhean Croise

1 Reyes 13:8

Jo̧kwaijayonö yöa̧liökwe, öpöjödinobe Dios yöawi̧ yöbawo̧ma, jadanö la'aka luwo̧ Jeroboannö atadö yöa̧linobe, —Ökwökwö chi̧'yoböma jwiobe, okobe jwiinö kwiteatjö ja'ö kwiyobö kwomukwatitjö̧bi, ökwökwö chi̧'yobö jwiena. Jau Jeroboan, la'akatjöda ökwökwö kwanöbi, owöbi chi̧'yoböma jwiobe, isabenö bemi nijinö chö̧jiboböma jwiobe, baikwö yötawa:

2 Reyes 5:16

Yöa̧lökwe, —Iyawa chemökö Naaman, ötjöma Isabenö Jo̧ ömöayo̧sa, ja̧danö chuluwo̧ öba a'o ja̧nö, isabenö yöbawö chujunakwö, iyawa chemökakwo̧sa, —jö̧ba̧lö. Yöa̧liökwe, —Kwemobö jo̧be, —jö̧ba̧lö yöa̧lijayonö, öpöjödinobe Eliseoma, —Chemökö, —jö̧ba̧lö.

2 Reyes 5:20

Eliseo ömöayo̧ Giezima yöa̧linobe itedada, —Chuluwo̧ Eliseoma Naaman iyi̧tjö emo jö̧a̧lajabe, midökönö jo̧ba siria jojo ȩwa̧jobö weoko jö̧a̧lajabe. Iyobö ichejebajayonö, emö̧kö̧ chuluwo̧ma. Jo̧kwaijayonö ötjöma isabenö iyi̧tjö chemakwo̧sa, Isabenö Jo̧ öba a'o, isabenö yöta̧la, ökömanö ö'öbakwawö, iyi̧tjö chemakwo̧sa, —jö̧ba̧lö.

Juan 1:27

Ötjöma abönö ökwödönö yötawobe, jo̧kwaijayonö ötjö yötawaja̧ ikena jo̧bada yöawakwo̧ ökwödönöma. Ja̧danö, jo̧bama ötjötjö o̧penönö mikwawo̧, yelösöda. Ötjöma jo̧badanöma mikwawö̧kö̧sa. Ötjöma jo̧ba ömöayo̧, usulaso̧, jo̧ba u̧kwa sapatu 'duawatu 'yo̧ebo jö̧ba̧lo̧nötjö o̧penönö mikwawö̧kö̧sa— jö̧a̧linobe Juanma fariseo jojodö wetjinawö̧nöma, ötjöma jo̧badanöma mikwawö̧kö̧sa, jö̧ba̧lö.

2 Corintios 12:14

Chömöledö, ida̧ökö dötölatajanö kwiteboduwibetjö chȩwa̧ijatö, ja̧danö yemidanö chi̧'yocha kwiteboduwibe. Ja̧danö, babe yemidanö chichibenabi, ökwödötjö balada chemökakobe chömöledö, ökwödö kwujuna̧laduwi̧ chemoböma chisakwokobetjö̧. Jau chömöledö, kwöwaisaduwa, tjemuma, tjabe'dodönö tju̧kwa iyöködö, sule tjabe'dodöda tji̧tji̧mu tju̧kwa iyadö, ¿jö̧tö? Ja̧danö, ötjöma kwabe'doduwidanöchobetjö̧, ökwödötjö chemoböma isakwö̧kö̧sa chömöledö.

Hebreos 13:5

Ja̧danö, ju'wibi yötawaduwakwö. Balada kwujuna̧laduwi̧dama omukwatö kwö̧jaduwoko chömöledö. Otiwanö omukwataduwi tjo̧wi̧ kwujuna̧laduwi̧ma, ju'wi jawabi, ju'wi jawabi, kabatökönö kwemaduwobö omukwatökönö. Chömöledö, ökwödöma jwiinö mikwawinö ji̧ juna̧ladöja, Diosma ökwödönö ile niebobetjö̧. Kwomukwataduwo Dios ökwödönö yöawina. Baikwö laebobe Dios iwenetjöma, iteda yöawina: Ökwödönö la'akatjöda le'dedibö chȩwa̧jökakwo̧sa. La'akatjöda ökwödönö katatibökakwo̧sa. Jejenö laebobe Dios iwenetjö, Diosma ba̧kwȩlö̧jatebö ökwödökwö jo̧, jö̧ba̧lö.