Génesis 14:21 - Dios Iwene

²¹ Ikenama Sodoma la'aka luwo̧ma Abramnö jö̧ba̧lijetö: —Okobe jwiinö tea kwemaja̧ma ökwöda kwitea baibanö kwö̧jo. Jo̧kwaijayonö chömöledönö, 'dokatibajawö̧nöma tjebatitjö— jö̧a̧lökwe:

Génesis 14:21 Iomraidhean Croise

Génesis 12:5

Ja̧danö, Harántjö labebö 'yi̧jetö Abramma, öjawo̧mine itji̧ Lotkwö, ja̧danö, ilekwo Saraikwö. Ja̧danö, okobe jwiinö tjiteabi, tja̧jwi̧munöbi, Harántjö midö tjeminawö̧ tjömöayedönöbi öbibö 'yi̧jadötö Canaán nijibe. 'Ya̧jadöma Canaán nijinö ichibijadötö.

Génesis 14:10

Ja̧danö, jobe Sidim nijima nöinö lajubiya ju̧kwijetö, madi'odanö tö'awi̧ a̧ji ojubiya. Sodoma la'aka luwo̧ tjömöayedö guardia jojodö ju'wedö, ja̧danö Gomorra la'aka luwo̧ tjömöayedö guardia jojodö ju'wedö jobetjö dötjibajemi jobadötjö ju'wedöma mebijadötö laju okwa. Ja̧danö, ju'wedöma mö'ösa'obekwö 'döbibajijadötö.

Génesis 14:11

Ikenama, juluwajadö, ö'wejemu luwa la'aka luwedöma Sodomabe, ja̧danö, Gomorrabe 'yi̧jadötö. 'Ya̧jadö okobe jwiinö teabi, jojodönöbi, tja̧jwi̧munöbi, kwakwawabi emijadötö.

Génesis 14:20

Ja̧danö, La'aka Inesö Diosnö dösödobö jo̧be, kwöpöjojodönö kwujuluwobö otiwanö pjaatajabetjö̧— yöba̧lijetö Melquizadekma Abramnöma. Ikenama Abramma ujuluwajawö̧ tea tjönaukwinatjö domulataja jawa o'wotjö bakwa'wo iyijetö, jelemutjö ö'wejemu jawa a'wo ji̧bö.

Génesis 14:22

Tea chemokobe— jö̧ba̧lijetö Abramma—. Ötjöma La'aka Inesö Diosnö, mölejȩbi böjȩbi otidinanöma yöbawö chujunajabe,

Génesis 47:24

Ikenama, kwujuninaduwa pokwaja̧tjö̧, bakwamu jawa o'wotjö bakwa'wo kwiyaduwo faraónnö. Ja̧danö jibi pokwaja̧ ökwödöda ku̧kwaduwi̧ma, önebiya yemidanö kwujunaduwakwa̧bi, kwi̧tji̧muduwinö kwukwejebakwa̧bi, ja̧danö okobe deinö kwömöledö tjukwakwa̧bi.