Génesis 14:15 - Dios Iwene

¹⁵ Jobe ichibö ömöayedönö wainökwena tji̧'yobö webijetö, la'aka luwedö tjuju̧kwobekwö, yö̧te. 'Ya̧jadöma juluwijadötö jobadö la'aka luwedönö, tjömöayedö guardia luwedönöbi, dötjibajinö. Ja̧danö döbibajadönö lubijadötö ödö, Hoba ichibanö, Damasco u'dakwö.

Génesis 14:15 Iomraidhean Croise

Génesis 15:2

Jejenö yöawökwe Abramma abebö a̧ja̧kwijetö: —Chuluwo̧, Isabenö Jo̧ Dios ¿dakwö mikwawobö kwiyakwa̧ma? Wotaja̧ okobe ¿tinö emibobö wetakwa̧da chitji̧ detobema?— abebö a̧ja̧kwijetö—. Wotaja̧ okobema chömöayo̧ Damasco jojo, Eliezer mikwo̧ okobe jwiinö chiteaaja̧ma iteda u̧kwa tea baibakobe.

1 Reyes 15:18

Jejenö balediökwe, baikwö ja̧inobe Asama, iteda eju lödawȩko̧ okwa ji̧ orobi, platabi o̧ko̧kodinobe, jadanö okobe jwiinö Isabenö Jo̧ eju lödawȩko̧ ji̧ orobi, platabi o̧ko̧kodinobe, jadanö ko̧ko̧dajo̧ iteda ömöayedönö iyö weinobe, e'ewö tji̧'yobö Damasco comunidadbe, Siria niji la'aka luwo̧ Ben Adad itebo comunidadbe, jadanö ichibajadö, la'aka luwo̧ Ben Adadnö iyö Asa yöa̧li̧ jo̧banö yötja̧lobö baikwö:

Isaías 17:1

Baikwö laebobe Dios ötjönö yöawina, Siria niji comunidad Damasco baledakwa̧ jawama: —Baikwö yötawa: Damasco comunidadma ja'yubenö lekwajabetjö söbebö lotjakwemi, comunidad jwiemi, pjolö loawemida baibakobe.

Isaías 7:8

Jau, chöba a'otjö juluwöködö jobadö bö̧je luwedöma, baikwö yöta̧la: Siria nijitjö la'aka comunidadma, sule Damasco comunidadda, ja̧danö Damasco comunidad la'aka luwo̧ma, sule Rezin mikwo̧da. Ja̧danö israel niji baikwö yöta̧la, ja'yubeda lekwajabetjö̧ tjöpöjojodöma söbebö lotjakobe israel nijima, israelsaso ötjabawö̧ma deinö baibanö.

Hechos 9:10

Ja̧danö, jobe Damasconö Jesúsnö ösödo̧ma, Ananías mikwo̧, ji̧jetö. Duluwo̧ma jo̧banö yöbawijetö i̧'wi̧di̧danö, baikwö: —Ananías— jwöbijetö Duluwo̧ma. Ananías atadijetö: —Chuluwo̧— atadijetö.

Hechos 9:2

Ichibö ö'weje la'aka pjabato̧nö abebijetö öjiya iwȩyudobö, jo̧ba imikwö, jelobe, Damascobe e'ewotö jö̧ba̧lö. Ja̧ öjiyama Sauloma Damascobe e'ewö 'ya̧jo̧ ichibö judío jojodö ba̧nö tja̧ja̧kwa̧leju te'ada̧lakwawa jojodönö i̧sebobö jö̧ba̧lijetö. Ja̧danö, Jesúsnö ösödadönö, ji̧bakwawa mananö kwebachadö ötjabiwö̧nö, ömadönöbi ya̧dönöbi do̧batö nu'yajo̧ Jerusalénbe öbibö ȩwa̧jobö jö̧ba̧lijetö Sauloma.

Hechos 9:8

Ikenama Sauloma a̧laibö öbajalebiya 'boebijayonö edijökötö. Ikenama öbajale tjewawiawö̧ jo̧bakwö 'ya̧jadöma ömamunö do̧ba̧lö tötöbö öbibö 'yi̧jadötö Damasco comunidadbe.

Deuteronomio 15:2

Ja̧ weawa baikwö labebö lobö yötawa: Ju'wedö kwömöledöduwi israel jojodötjö bakwo̧nö balada kwöbalewaduwitjö̧ma, ökwönö umusidena, ja̧danö tjebatö imidobö ja̧kobe, ja̧ jelemutjö dötölataja o̧ba baibenanö kabatö. Ja̧danö, ja̧ o̧ba okobe deinö israel jojodö tjumusidi söbebö loköbaduwobö ja̧kobe, tupakwö tjimidobö abebökönö. Isabenö Jo̧ma jejenö ja̧ o̧ba tjumusidi̧ söbebö lotjobö weobetjö̧, isabenö okobe deinö israel jojodö tjumusidi̧ söbebö lotjobö ja̧kobe.

Jueces 7:16

Ja̧danö, ömöayedönö wapösokwa batjibanö 'da̧batö ujuninobe, ja̧danö okobe deinö ömöayedönö bakwo̧nökwena trompeta iyinobe, ja̧danö ju'wibi bakwo̧nökwena i̧sa̧yu iyinobe, ja̧danö i̧sa̧yu okwa dȩju̧wa'yubiya uba'yu̧ iyinobe. Ikenama, jejenö iyajo̧,