Génesis 13:13 - Dios Iwene

¹³ Ja̧danö, jemima jwiinö otiwijayonö Sodoma comunidadnö ju̧kwadöma jwiinö sulabeda omukwatö ju̧kwijadötö, Isabenö Jo̧ Dios jwiinö öpöjödi̧ jawa ja̧bö.

Génesis 13:13 Iomraidhean Croise

Génesis 10:9

Ja̧danö, Isabenö Jo̧ma jo̧banö pjaatobetjö̧ Nimrodma 'böawa waiso̧ ji̧abijetö, tebonö ju̧kwadönö 'böawama. Jejenö waiso̧ ö̧jinobetjö̧ jojodöma jo̧ba iminö waneda̧lö yöba̧liatjinobe 'böawa waisadönö. Ja̧danö bakwo̧nö 'böawa waiso̧nö yötja̧lobö jö̧tja̧lenama, bitema Nimroddanö waiso̧, jö̧ba̧lö yötja̧linobe, isabenö bitebi waiso̧ jö̧ba̧lö.

Génesis 15:16

Ja̧danö, kwömöledöma ju'winö, lekwe o̧biya, cuatrocientos o̧biya jenanö baibajena yemidanö tjetjachajakobe baikwö, Canaán nijibe. Ja̧ mölema bemi Canaánnö ju̧kwadö amorita mikwadönö lȩtebakobe. Jobadö lekwe sulabenö ja̧bö tjuju̧kwakwedö. Ja̧danö, sulabenö ja̧tjemitjö o̧penönö sulabenö ja̧bö tjuju̧kwena ötjöma bajaliyanöma lȩtebakwawö̧. Ikenama, lȩtebaja̧ okobe kwömöledöma yemidanö tjetjachakobe baikwö— yöbawijetö Isabenö Jo̧ Diosma Abramnö.

Génesis 18:20

Ikenama Isabenö Jo̧ Diosma Abrahamnö jö̧ba̧lijetö: —Abraham, Sodoma comunidad jojodönö, Gomorra comunidad jojodönö ju'wedö labinö jwötjeba̧li̧ cha̧ja̧kwijatö, jwiinö sulabe ja̧bö ju̧kwadö, jö̧ba̧lö.

Génesis 19:13

Bemima söbebö lodakobe. Isabenö Jo̧ Diosma, Sodoma comunidadnö ju̧kwadö sulabenö ja̧bö tjuju̧kwobe, jö̧ba̧lö jwötjeba̧li̧ a̧ja̧kwajabetjö̧ söbebö lodobö weijatö ökwödönöma— yöbawijadötö ángelesdöma Lotnöma.

Génesis 38:7

Jo̧kwijayonö Erma jwiinö sulabenö, Isabenö Jo̧ Dios jwiinö öpöjödi̧ jawa ja̧iökwe jo̧banö ö'wö baibanö lȩbebijetö, Isabenö Jo̧ Diosma.

Génesis 39:9

Bejunö ötjötjö bajalekwönönö jo̧ma dea. Kwilekwema ju'wi jawabi a̧'dȩlokobe ötjönöma. Ökwönöda ile niebobe ilekwoköbobetjö̧. Sulabenö kwomukwati̧ma chöpöjöda. Dios öba a'otjö ¿dakwö sulabenö ja̧tobö ökwö kwösödi̧ma? Chöpöjöda— jö̧ba̧lijetö Joséma uluwo̧ ilekwonö.

Génesis 6:11

Jo̧kwaijayonö ju'wedö jojodö böjȩnö ju̧kwadöma Noé Dios wei̧ a̧ja̧kwö ö̧ji̧danö ju̧kwijöködötö. Jobadöma sulabenö omukwatadöda batjibanö ju̧kwijadötö, ju'wedökwö ju'wedökwö inia tjötjinö ja̧bö, ölakwabikwawö. Diosma jobadönö edö, sulabenö ja̧bö jinadöda babibinadö, jö̧ba̧lö, edijetö.

2 Reyes 21:6

Ja̧danö ju'wibi iteda itji̧nö kwabö juwö iyinobe, ösödökwenö iyawo̧ baibanö, ja̧danö mea boawa ja̧inobe, ja̧danö tupakwö baledakwa̧ öwaisachobö ja̧inobe, ja̧danö ö'wö babibinadökwö yöa̧lakwawa jojodönö abebö a̧ja̧kwinobe. Isabenö Jo̧ öba a'otjö, jwiinö sulabenö ja̧bö ö̧jinobe Manasesma, Isabenö Jo̧ jwiinö ödameakwenanö baibanö.

Isaías 1:9

Jau chömöledö, ökwödö israel jojodöma, Sodoma comunidaddanö, ja̧danö Gomorra comunidaddanö badibo jö̧da̧linobe, Dios lȩebi̧tjö okobe deinö bakobe debö di̧'yo jö̧da̧linobe chömöledö. Jo̧kwaijayonö, okobe deinö debö di̧'yapji jö̧ba̧lö, Isabenö Jo̧ okobe jwiinö juluwo̧ Diosma ökwödö israel jojodötjö o̧bukwedönö tjöbeba̧lö pjaatajabe, Sodomadanö, ja̧danö Gomorradanö badibapji jö̧ba̧lö.

Mateo 9:10

Jemi ikenama, Jesús Mateo ejutjö ukwenama, ba̧jekwadö ju'wedö luwo̧ itea balada emadöbi, ju'wedö sulabedö ötjabiwö̧bi ichö, tjöbamatinobe mesasötenö Jesúskwöbi, öba̧ja̧di̧ waisachadökwöbi.

Mateo 9:13

Ja̧danö jemi tupakwö weinobe jobadönö: —Biya̧ Dios iwene laebi̧ jawa waisachajaduwi, okwanö laebi̧ kwöwaisachibaduwobö, baikwö laebi̧ma: Inesö chösödi̧ma ajikwakwawedönö kwabö juwö kwiyaduwobömaökö, inesö chösödi̧ma lȩlö̧jinö edö jojodönö pjakataduwobö, jö̧ba̧lö laebobe. Ja̧danö, ötjöma otiwadösa jö̧ba̧lö omukwatadönö jwöböma ichö̧kö̧sa. Sulabedösa jö̧ba̧lö waisadönö jwöbö icho̧sa— jö̧ba̧lö yöawinobe.

Juan 9:24

Jejenö yötjawiawö̧ yemidanö, öbajale otiwanö baibinökwenö ichobö jwötjinobe. Ichajo̧nö wetjinobe: —Dios öba a'otjö ja̧nö isabenö yökawo, omöna yöba̧lökönö— wetjinobe fariseo jojodöma öbajale otiwanö baibinökwenö—. Ökwödöma döwaisa jo̧ba Jesúsma sulabenö omukwatö jo̧—jö̧tja̧linobe.

Juan 9:31

Ökwödöma döwaisa, sulabenö omukwatö jo̧ aebi̧ma a̧ja̧kwokobe Diosma. Jo̧kwaijayonö, bakwo̧, Diosnö ösödo̧, Dios wei̧ a̧ja̧kwö jo̧ aebi̧ma a̧ja̧kwobe Diosma.

Romanos 1:27

Ja̧danö ömadöbi, ya̧dönö 'da̧'da̧akwawa öpöjödö, iso̧ iso̧kwöda sulabenö 'da̧'da̧bakwawö ja̧bö ju̧kwadö. Isabenö yötawaduwakwö chömöledö, jejenö sulabenö ja̧bö tjuju̧kwobetjö̧, Diosma jobadönö lȩebenama, ja̧tjaja̧ mikwada lȩebobe.

Hebreos 4:13

Chömöledö ¿Diosma okobe jwiinö edokobeji̧? Edo̧. Ja̧danö ¿okobe jwiinö baledi̧ma wajwiobeji̧? Waiso̧, chömöledö. Jo̧kwaobetjö̧ Diosma isabenö okobe jwiinö domukwati̧ma waiso̧. Ja̧danö, domukwati̧ma jo̧banö i̧sekwi̧danö i̧sekwobe. Ökwödö domukwati̧ ja'yubebi dötabada̧loböma jwiobe chömöledö. Ja̧danö chömöledö, ju'wi möle, Dios öba a'o ja̧nö, ökwödöma datadakobe okobe jwiinö ja̧bö dö̧ji̧, do̧'wo̧ luwo̧tjö laebi̧ ja̧bö dö̧ji̧ma. Isabenö ökwödöma Dios wei̧ da̧ja̧kwinököbi, da̧ja̧kwinabi datadakwedösa. Isabenö chömöledö Dios wei̧, Jesúsnötjö yöawi̧ma a̧ja̧kwö dö̧jobö jo̧be.

2 Pedro 2:10

Ja̧danö chömöledö, ida̧ökö i̧sebinadanö isabenö ökwödönö sulabenö yöbawadönö lȩebobö waiso̧. Jau chömöledö, jobadöma sulabenö 'da̧'da̧akwawa ösödö jwaikwöda sulabenö ja̧bö tjuju̧kwobe, ja̧danö Dios wei̧ öpöjödö tjuju̧kwobe, jo̧kwaijayonö Dios lȩebi̧tjö dötjibajökakwedö. Jau chömöledö, damötjö ji̧nadö jojodönö lȩebinadanö, ökwödönö sulabenö yöbawadönöbi ite'ada̧lobö waiso̧ Diosma chömöledö, lȩebakwa̧tjö dötjibapji jö̧ba̧lö. Jau chömöledö, jobadö sulabenö yöbawadöma, tjujuluwököjayonö, Aaa, juluwadösa, jö̧ba̧lö omukwatö, yebabökönö sulabenö yöba̧ladö ángelesdö juluwadönöma, idö ángelesdöma sulabedö jö̧ba̧lö.

Judas 1:7

Ja̧danö Sodoma comunidad ju̧kwadöbi, Gomorra comunidad ju̧kwadöbi, ö'öbö comunidad jobadö ja̧tji̧danö sulabenö 'da̧'da̧bakwawö ja̧badö, ja̧danö tjöpöjödo jö̧tja̧li̧ jawa sulabenö ösödadöma Dios lȩebi̧tjö tjeminobe, ¿jö̧tö? Jau chömöledö, ökwöla tiibokolama jobadönö söbebö loinobe, ja̧danö ja̧ jobadönö baledinama öwaetjöda i̧sebobe, jobadöjayedönö Dios isabenö lȩebakwawö̧ jö̧ba̧lö, ¿jö̧tö?

1 Samuel 15:18

Ja̧danö, ökwönö omudawö junajo̧, Isabenö Jo̧ma ökwönö weinobe, 'Ya̧wi, okobe deinö sulabenö ja̧bö ju̧kwadö amalecita jojodönö kwabawö lobaji, ja̧danö jobadönö kwabawö lobö kwö̧jo, bakwo̧bi ö̧ji̧bökönö okobe deinö jobadönö kwabö loköbenanö baibanö, jö̧ba̧lö weinobe, ¿jö̧tö?

1 Samuel 2:17

Jejenö ja̧tjiökwe, Isabenö Jo̧ma jwiinö öpöjödinobe, —Isabenö bidöma sulabedö, jojodö ötjönö tjiyi̧ma mikwawökö ji̧ jö̧ba̧lö sulabenö omukwatadö jö̧ba̧lö.