Génesis 13:12 - Dios Iwene

¹² Abramma Canaánnöda ji̧bijetö. Lotma niji ba̧ba̧lobe comunidadeskwö 'yi̧jetö jobe ö̧jobö, Sodoma comunidad yö̧neawinö.

Génesis 13:12 Iomraidhean Croise

Génesis 13:11

Ja̧danö, Lotma niji edemi otiwiökwe emijetö okobe jwiinö Jordán ojwe ö'öbö nijima. Ja̧danö, Lotma Abramkwö, Abram ömöledökwö, ömöayedökwö, a̧jwi̧mukwö bakobe tjö̧jajelöma labebö 'yi̧jetö ja̧wo̧ ichobekwö iteda ömöledökwö, ömöayedökwö, a̧jwi̧mukwö, wainö ö̧jobö. Jejenö Abram, Lot, idödada tjömöledökwö, tjömöayedökwö, tja̧jwi̧mukwö wainökwena ju̧kwijadötö.

Génesis 14:12

Ja̧danö, Abram öpöe itji̧ Lot, Sodomanö jo̧nö do̧batibö, jo̧ba iteabi, ömöayedönöbi, a̧jwi̧munöbi emibö jobetjö labebö ȩwa̧jijadötö juluwajadöma.

Génesis 19:1

Ja̧danö, jobadö du̧ju̧taja ángelesdö, Abraham ö̧jelö labebajadöma Sodoma comunidadnö ichibijadötö yi̧benakwö. Tjichibena Lotma Sodoma teachakwawemi apjude apetukwöchobe bi̧jetö. Jobadö tjichobe edö Lotma a̧laibö tjichobekwö 'yawibö u̧yu̧kijunö jamatö öba bȩbachibijetö nijakwö uunö.

Génesis 19:24

Ikenama Isabenö Jo̧ Diosma webijetö inawiya ubi̧ öwia mölejȩbetjö tjoduwinö Sodomanö, Gomorranö, okobe deinö jo̧ba comunidadesno ju̧kwadönö, ja̧danö okobe jwiinö nijitjö pokwi̧nanöbi tjoduwinö.

Génesis 19:25

Ja̧danö, Isabenö Jo̧ Diosma Sodoma comunidad, Gomorra comunidad söbebö lobijetö, ja̧danö, okobe jwiinö niji ba̧ba̧lawena ji̧ma.

Génesis 19:29

Jejenö baledijetö Dios niji ba̧ba̧lawemi comunidades lȩbebö söbebö loina mölema. Ja̧danö, Diosma Abrahamnö ösödobetjö Abraham ömöledöso̧ Lotnö öbibö webijetö söbebö loelö jelobekwö döibajobö debö i̧'yökakobetjö̧.

1 Corintios 15:33

Ja̧ wene, omöna jawa wene ösödökönaduwi chömöledö. Baikwö yötawaduwakwö: Sulabenö ja̧badökwö kwuju̧kwaduwitjö̧ma, ökwödöbi sulabenö ja̧badö bakibaduwena.