Génesis 12:9 - Dios Iwene

⁹ Ikenama ju'wi möle Abramma öibajawö̧kwö jobetjö labebö abiabö 'yi̧jetö a̧li̧kwö, Neguev niji ichibenanö kabatö.

Génesis 12:9 Iomraidhean Croise

Génesis 13:1

Ja̧danö, Abramma Egiptonö ö̧jonö balada luwo̧ babibijetö. Pa̧ka̧yö̧nö ba̧jekwadö yebebö, ja̧danö platabi, orobi nöinö juna̧lö balada luwo̧bijetö. Ja̧danö Egiptotjö tja'dewajökwe ȩwa̧jijetö Abramma, Neguev nijibe. Ilekwokwö, okobe jwiinö u̧kwa teakwö ȩwa̧jijetö. Lotbi ȩwa̧jijetö jobadökwö.

Génesis 13:3

Ikenama Neguevbetjö labebö ja'ö abiabö ȩwa̧jijadötö Betel nijibe. Ichibö 'yi̧jadötö Betel niji Ai niji 'da̧denö, ajayi isa̧do̧tjö o̧dodanö debatö otidö tjuju̧kwinobekwö.

Génesis 20:1

Ja̧danö, ju'wi möle Abrahamma ö̧jelö Mamretjö labebö a̧li̧kwöchobe Neguev niji jobekwö 'yi̧jetö ömöledökwö, ömöayedökwö, a̧jwi̧mukwö. 'Ya̧jadöma Betel niji, Shur niji 'da̧denö ju̧kwijadötö. Ju'winö jobetjö labebö 'ya̧jadöma Gerar comunidadnö ichibijadötö jobe tjuju̧kwobö.

Génesis 20:13

Ja̧danö, Diosma ötjönö, chömöledö tjuju̧kwelö labebö chi'yakwemima wajwibö chi'yobö weenama jö̧ta̧lijatö Sarahnö, chilekwo ötjönö ösödinö edö baikwö jö̧ka̧lo okobe jwiinö kwedachenama: Bitema ötjö chöpöe, jö̧ba̧lö—yöbawijetö Abrahamma Abimelecnöma.

Génesis 24:62

Ja̧danö, öbibö ȩwa̧jonö uluwo̧ Isaacma, jelobe Neguevnö jo̧ma, ojwese'dotjö ȩwa̧jijetö. Je'doma, Diosma edö te'ada̧lo̧, jö̧ba̧lö, mikwe'do.

Isaías 30:6

Baikwö laebobe Dios yöawi̧, Juda niji Neguev ötjabobe ju̧kwadö tebonö ju̧kwadönö: —Inesö labobe niji Neguevma, nöinö wene jȩmi, ja̧danö nöinö usula emawemi, jobe didibadö ya̧döbi ömadöbi jobe tjö̧jobetjö̧, ja̧danö nibadö a̧ko̧'döbi, jwiinö nibadö köba̧ladö a̧ko̧'döbi tju̧ju̧kwobe. Jo̧kwaijayonö ja̧ nijibenö tjitea e'ewö tji̧'yobe Juda jojodöma, bu̧lu̧dö tjoma'anöbi, kameyodö tjoma'anöbi e'ewö tji̧'yobe, pjatjatobö juluwöködö tjitebobe tji̧'yakobetjö̧.

Deuteronomio 1:7

Jo̧kwajabetjö̧ belö labebö, tupakwö mösa'iju jȩmi niji amorreo jojodö tjitebobebi, Araba ötjabobe nijibebi, ju'wi mösa'iju jȩmi nijibebi, mösa'o ö'öbö nijibebi, Neguev ötjabobe nijibebi, jwaibalawa ö'öbö nijibebi kwi̧'yaduwo. Jau, jobe cananeos jojodö tjibebobebi, Libano nijibebi, ojwe nöödö Eufrates nijibebi kwi̧'yaduwo, kwiteboduwi baibanö kwemaduwakobetjö̧.