Génesis 12:8 - Dios Iwene

⁸ Ikenama jobetjö labebö 'yi̧jetö Abramma, öibajawö̧kwö mö'ösa'iju ju̧kwobekwö, Betel comunidadtjö ja̧wo̧ laebobekwö. Jobetjöma isa̧do̧tjö ejudanö debatö otidijetö. Jado̧ debatö otidajelöma ja̧wo̧ meajobekwö Betel comunidad ji̧jetö. Ja̧danö, ja̧wo̧ laebobekwö Ai comunidad ji̧jetö. Jobetjö, ju'wi juwö iyawemi otidijetö. Otidajo̧, Isabenö Jo̧ Dios chösödakwö, jö̧ba̧lö juwö iyijetö Isabenö Jo̧ Diosnö.

Génesis 12:8 Iomraidhean Croise

Génesis 13:18

Jejenö weiökwe Abramma isa̧do̧tjö otidinejuma ejatibö e'ewö 'yi̧jetö. 'Ya̧jo̧ Hebrón comunidad ö'öbönö ju̧kwijetö, towibiya owiawi ju̧kwena. Jobema jelo̧ itebo, Mamre mikwina. Abramma jobetjö otidijetö juwö iyawemi, Isabenö Jo̧ Diosnö ösödobö.

Génesis 13:3

Ikenama Neguevbetjö labebö ja'ö abiabö ȩwa̧jijadötö Betel nijibe. Ichibö 'yi̧jadötö Betel niji Ai niji 'da̧denö, ajayi isa̧do̧tjö o̧dodanö debatö otidö tjuju̧kwinobekwö.

Génesis 13:4

Jobema Abram ajayinö Isabenö Jo̧ Diosnö juwö iyawemi ji̧jetö. Jelö Abramma Isabenö Jo̧ Diosnö juwö iyö ösödijetö.

Génesis 21:33

Tjȩwa̧jabe okobetjö Abrahamma towi, tamarisco mikwowi junijetö Abimeleckwö yöa̧lakwawajena. Jobetjö Abrahamma abebö ösödijetö Isabenö Jo̧ Diosnöma, Ba̧kwelöjatebö Jo̧ Diosnöma.

Génesis 22:9

Dios weinemi ichibö Abrahamma Diosnö juwö iyawemi otidajo̧ imi wanabijetö jena. Imi wanajo̧ itji̧nö unu'yaja̧ ikena unu'yajökwenöma imiko wame wanijetö.

Génesis 26:25

Ikenama jobe otidijetö Isaacma Diosnö ösödö juwö iyawemi. Jenada Diosnö iyö juwö ösödijetö Isaacma, Isabenö Jo̧ Dios chösödakwö, jö̧ba̧lö. Ja̧danö, jobetjö isa̧do̧ debatö o̧dodanö otidajadö jenada ju̧kwijadötö Isaac, ömöledö, ömöayedö. Ja̧danö, ömöayedöma jobetjö ojwese'do sobijadötö.

Génesis 28:19

Jemima Luz, jö̧ba̧lö, öbabijadötö jojodöma. Jo̧kwaijayonö Jacobma imi balekwa midijetö, Betel, jö̧ba̧lö.

Génesis 31:25

Ja̧danö, Jacobma Galaad niji mö'ösa'iju jena o̧donö ji̧jetö, isa̧do̧tjö debatö otidajejunö. Labán, iteda ömöledö Jacobnö lubö ichajadöma jobe, Jacob ö̧jemi pjeanö isa̧do̧tjö debatö ejunö otidö ji̧jadötö.

Génesis 33:20

Ikenama jena otidijetö Jacobma Diosnö ösödö juwö iyawemi. Jemi juwö iyawemima midijetö, El-Eloje-Israel, jö̧ba̧lö.

Génesis 35:7

Jobe ichibö Jacobma Diosnö ösödobö juwö iyawemi otidijetö. Otidajemima El Betel, jö̧ba̧lö, midijetö, jemima Dios Jacobnö öwawachinobetjö̧ öpöetjö döbibajö i̧'yajena. Betel, jö̧ba̧löma, Dios Betelnö jo̧, jö̧ba̧lö wanekwachobe.

Génesis 4:26

Ja̧danö, Setma pöe baibena ilekwonö emijetö. Ja̧danö itji̧nö 'yabebijetö. Jo̧banö Enós, jöba̧lö midijetö. Ja̧danö, Enós öbötjachina tupakwö jojodöma ajayinö Isabenö Jo̧nö ösödö ko̧ko̧kwijadötö.

Génesis 8:20

Latjebaja̧ ikena Noéma Isabenö Jo̧nö juwö iyawemi otidijetö. Otidajo̧ a̧jwi̧mutjö̧, Isabenö Jo̧nö iyawedötjö ju'wedönö bakwo̧nökwena do̧batö tjö̧kwölanö 'wi'wibijetö tjökwösobu ebawinö. 'Wi'wiawö̧nö juwö iyawena wa̧nö juwö iyijetö Noéma Isabenö Jo̧nö ösödö. Ja̧danö, mö köba̧lö ju̧kwadötjö Isabenö Jo̧nö juwö iyawedötjö ju'wedönö do̧batö bakwo̧nökwena juwö iyawena wa̧nö juwö iyijetö Noéma Isabenö Jo̧nöma ösödö.

Éxodo 17:15

Ikenama Moisésma juwö iyawemi otidijetö. Jemima midijetö, Isabenö Jo̧ma döpjojodönö dujuluwobö pjabato̧, jö̧ba̧lö.

Isaías 10:28

Baikwö yötawa Asiria la'aka luwo̧nö: Juda niji tebachö, Ajat comunidadbe ichibinobe, ja̧danö ichibajo̧ Migron comunidad ö'wejenö öbaledinobe. Ikenama baledajo̧, Micmas comunidadtjö itea ölakwabikwawa jawa ujuninobe.

Hechos 2:21

Ja̧ möle ichakwa̧ abönö ötjönö abebadönöma tjö̧jibinö pjabatakwo̧sa. Jejenö yöawobe Diosma ökwödönö judío jojodönöma, jö̧ba̧lö laebobe Dios iwenetjö, Joél mikwo̧ damötjö yöbawö iwȩyudina— Pedro yöbawijetö.

1 Corintios 1:2

ökwödö Dios ömöledö Corintionö ko̧ko̧kwö ba̧jadönö. Ökwödönö Diosma jwöinobe, ja̧danö omudawö ujuninobe, iteda ömöledö bakibaduwobö. Jau chömöledö, ökwödöbi, okobe deinö ju'wedö Duluwo̧ Jesucristonö ösödadöbi, Duluwo̧ma bakwo̧da, Jesucristoda. Ja̧danö, Cristo Jesúskwö bakobe dötewinö ja̧nö, Dios ömöledöbedösa chömöledö.

Hebreos 11:9

Ja̧danö, Diosnö o̧'wo̧ öwana̧lobetjö̧ Abrahamma jobe Dios weajemi ichibö jobeda ö̧jinobe, ju'wedö tjitebonö, iteda itebomaökö. Jo̧ba jelobetjö 'yi̧nama jobe ju'wedö tjitebo nijima balewöda ö̧jinobe. Jobe ö̧jenama otiweju, 'diejunö ö̧jinokobe, iteda itebookobetjö̧. Sule chi̧wo̧dö tjöwö'yetjö otikwado̧ muchebö otidajejunöda ö̧jinobe, otiwökejunö, 'diökejunö. Ja̧danö itji̧ Isaacbi, ö'dö̧ Jacobbi jejenö tjö̧jinobe. Jobadöbi Dios yöbawö junö jö̧a̧linawö̧, Kwiteboduwi chiyocha, jö̧ba̧lö. Jo̧kwaijayonö jobadöbi ju'wedö tjitebonöda tjö̧jinobe chi̧wo̧dö tjöwö'yetjö otikwado̧da muchebö otidajejunöda, Abraham ö̧jinadanö.

Josué 18:22

Bet Araba comunidadbi, Zemarayin comunidadbi, Betel comunidadbi,

Josué 22:10

Ja̧danö, tjitebobe ȩwa̧jö, Rubensaso jojodöbi, Gadsaso jojodöbi Manasessaso ja'ö jojodöbi Jordan ojwe ö'öbö nijibe tjichibinobe, Guelilot comunidadbe. Ja̧danö, jobe ichibajadö, Diosnö iyawöte mesasöte nööte tjotidinobe, jobe Jordan ojwe pjeanö. Ikenama, iyawöte otidajadö, tjitebobe tjewa̧jinobe.

Josué 7:2

Ja̧danö, Jerico comunidad tjujuluwaja̧ ikenama, Josuema ju'wedönö weinobe jobetjö labebö, Hai comunidad edö tji̧'yobö. Hai comunidadma, Bet Aven comunidad yöneawobe, ja̧danö Betel comunidadtjö jawo̧ laebobekwö. Josuema jobadönö weinobe, —Mösa'onö jȩmi comunidad Hai mikwobe niji edö kwi̧'yaduwo, jobe dujuluwobö di̧'yakwa̧ abönö, —jö̧ba̧lö. Weawö̧, Josue weaja̧danö Hai comunidad edö tji̧'yinobe,

Josué 8:12

Ja̧danö Josuema ömadö cinco milbedö jenanö ujuninobe, comunidadtjö jawo̧ meajobekwö Betel comunidadbi, Hai comunidadbi 'da̧de tjö̧jobö, Hai comunidad metjibakobetjö̧.

Josué 8:17

Okobe deinö Hai comunidad ömadöbi, Betel comunidad ömadöbi bakwo̧bi ö̧ji̧bökönö lutjinobe israel jojodönö, ja̧danö ju'wibi, lubö latjebenama, comunidad apjude tumatökönö latjebinobe.

Josué 8:3

Weökwe, Josuema Dios weaja̧danö ölakwabikwawa jojodönö öbibö i̧'yinobe. Ja̧danö, ölakwabikwawa jojodötjö treinta milbedö juluwadönö omudawö ujuninobe, yö̧te Hai comunidadbe tji̧'yobö.

Josué 8:30

Jemi ikenama, ja'yubenö lekwajabetjö̧, Josuema Isabenö Jo̧ israel jojodö tjuluwo̧ Diosnö iyawemi otidinobe, Mösa'o Ebal mikwa'onö.

Josué 8:9

Jejenö ja̧tja̧kwa̧ yöbawö, Hai comunidadbe tji̧'yobö weinobe. Ja̧danö, weawö̧, weaja̧danö tju̧ju̧kwawobö tji̧'yinobe, ja̧danö ichibö, Betel comunidadbi, Hai comunidadbi 'da̧de tju̧ju̧kwawinobe, tjölakwabikwawenama Hai comunidad jojodönö tjomapekwönö metji̧bobö. Jobe tju̧ju̧kwawinemima, Hai comunidadtjö jawo̧ meajobekwö tju̧ju̧kwawinobe. Ja̧danö, jobadö jejenö Haibe tji̧'yonö, Josuema ju'wedö israel jojodökwö janö yö̧te abinobe.

Jueces 6:24

Jemi ikenama, Gedeonma jobetjö Isabenö Jo̧nö iyawemi jobetjö otidinobe, ja̧danö otidajo̧, iyawemi imi imidinobe, —Isabenö Jo̧ma dösölö̧jinö edo̧, —jö̧ba̧lö. Ja̧ iyawemi Gedeon otidinemima, ina jobe Abiezersaso jojodö tjitebo Ofra comunidadnö bo̧be.

1 Samuel 30:27

Jejenö iyinawö̧ma, Betel comunidad jojodönöbi, a̧li̧kwöchobe Ramot comunidad jojodönöbi, Jatir comunidad jojodönöbi,