Génesis 12:4 - Dios Iwene

⁴ Ja̧danö, Isabenö Jo̧ Diosma Abramnö, Kwi̧'yo, jö̧ba̧lö, weökwe Harántjö labebö 'yi̧jetö, Isabenö Jo̧ Dios wei̧danö. Öjawo̧ itji̧ Lotbi 'yi̧jetö, Abramkwö. Abramma jobetjö laebena setenta y cinco a̧yo juna̧lijetö.

Génesis 12:4 Iomraidhean Croise

Génesis 11:27

Baikwö laebi̧ma Taré i̧tji̧mubi ö̧'dö̧döbi tjö̧jina jawa. Ja̧danö, Taréma i̧tji̧munö Abram, Nahor, Harán mikwadönö 'yabebijetö. Ja̧danö, Taré itji̧ Haránma itji̧nö Lot mikwo̧nö 'yabebijetö.

Génesis 11:31

Ja̧danö, Taréma itji̧ Abramkwö, ö'dö̧ Lotkwö, ojoliju Saraikwö Urtjö labebö Canaán nijibe 'yi̧jadötö. Jo̧kwaijayonö ja'öda Harán nijinö ichibö ju̧kwijadötö.

Génesis 13:5

Ja̧danö, Lot, Abramkwö 'yi̧nama, jo̧babi yebebijetö pa̧ka̧yö̧nö, o̧bȩja̧dönö. Ju'wedö, Lot ömöledöbi, ömöayedöbi Lotkwö ju̧kwijadötö.

Génesis 16:16

Agar jitji̧nö jemajena Abramma ochenta y seis a̧yo bo̧ ji̧jetö.

Génesis 16:3

Jejenö baledijetö, Abram, Sarai domulataja o̧biya Canaánnö tjö̧ji̧ baledibajena. Ja̧ mölema Saraima iyijotö jömöayujunö Abramnö, jo̧ba ilekwo baibanö.

Génesis 25:7

Ja̧danö, Abrahamma ida̧ökö jwiinö pöe, ciento setenta y cinco a̧yo bo̧ wobijetö.

Génesis 28:10

Ja̧danö, Jacobma Beersebatjö labebö Harán niji jobekwö 'yi̧jetö.

Hechos 7:4

Jejenö weiökwe Abrahamma caldeo jojodö tjitebotjö labebö Haránbe 'yi̧jetö. Jobe ji̧jetö iteda abe'do woenanö baibanö. Abe'do woaja̧ okobe Diosma webijetö Abrahamnöma ökwödö babe dö̧jena 'ya̧nö ö̧jobö— yöbawijetö Estebanma—.

Hebreos 11:8

Ja̧danö, Abrahambi Diosnö o̧'wo̧ wana̧lö ji̧na. Jo̧bama Diosnö o̧'wo̧ öwana̧lobetjö̧ Dios wei̧ a̧ja̧kwinobe, Jelobekwö 'ya̧wi, chiyakwemi jo̧bekwö, jö̧ba̧lö, wei̧ma. Abrahamma i̧'yobema wajwiijayonö, Diosnö o̧'wo̧ öwana̧lobetjö̧ i̧'yinobe.

Hebreos 6:15

Ja̧danö Abrahamma, Diosnö o̧'wo̧ wana̧lö, te'ada̧löda ite'ada̧linobe, Dios jö̧a̧lina badekwachenanö kabatö. Ime'dawachibinokobe, Tjo̧wi̧, chite'ada̧lökö. Chedemi Dios yöbawö ujuninama badekwachökena, jö̧ba̧lö. Jejenömaökö chömöledö. Abrahamma te'ada̧löda ite'ada̧linobe, 'du̧wekwachibökönö. Ja̧danö Diosma jweinöda yöbawö junö jö̧a̧linobetjö̧, Abraham, te'ada̧lo̧ma Dios yöbawö ujunina iyi̧ eminobe. Isabenö chömöledö, Abraham ite'ada̧linama ökwödönö i̧sebobe, Dios yöbawö junö jö̧a̧li̧danö isabenö badekwachakobe, jö̧ba̧lö.