Génesis 12:13 - Dios Iwene

¹³ Chilekwo, ötjönö otiwanö baledakobetjö̧, ja̧danö, ötjönö kwabö lotjökakobetjö̧, yökawo jobadö Egipto jojodönö, ötjöma bite öjawujusa, jö̧ba̧lö— jö̧ba̧lijetö Abramma Sarainö.

Génesis 12:13 Iomraidhean Croise

Génesis 11:29

Taré i̧tji̧mu Abrambi Nahorbi tjilekwokwenanö emijadötö. Abram ilekwoma Sarai mikwijotö. Ja̧danö, Nahor ilekwo Milcá mikwijotö. Milcáma Haránmine itjiju Isca mikwuju jöpöo.

Génesis 12:14

Ja̧danö, Egiptonö tjichibena Egipto jojodö ömadöma Sarainö edinö, jwiinö otiwuju, jö̧ba̧lö, eda̧lijadötö.

Génesis 20:2

Jobe ja̧nö, Abrahamma ju'wedönö ilekwo Saranö yöba̧lijetö, Bisuma chöjawuju, jö̧ba̧lö. Jejenö jö̧a̧liökwe Gerar la'aka luwo̧, Abimelec mikwo̧ma webijetö ömöayedönö Saranö jo̧ba ö̧jobekwö tjichejebobö, iteda ilekwo baibanö jö̧jakwujunöma.

Génesis 20:5

Abrahamma ötjönö jö̧a̧lijatö, bisuma chöjawuju, jö̧ba̧lö. Ja̧danö, jobujubi, bakwainö jö̧ja̧lijatö, öjawujusa, jö̧ba̧lö. Ötjöma, jo̧ba ilekwoena, jö̧ba̧löma, wajwitijatö. Ja̧danö, chomajadenö otiwanö omukwatö wetijatö jobujunö tjichejebobö. Sulabenö chomukwatijökötö, kwichejebaduwojö, jö̧ba̧lö wetenama— yöbawijetö Abimelecma Diosnöma.

Génesis 26:7

Ja̧danö, jobe Gerar jojodötjö ju'wedö ömadöma Isaacnö abebö a̧ja̧kwijadötö, Rebecanöma, ¿kwilekwoji̧? jö̧ba̧lö. Jejenö abebö atjebiökwe, chöjawuju, jö̧ba̧lö, atadijetö Isaacma. Jejenö atadijetö yebabinö, chilekwo, jö̧ba̧lö, jö̧ta̧litjö̧ma Rebecanö edinö, otiwuju, jö̧ba̧lö, tjo̧'wo̧ sulinö edö kwabö lotjena ötjönöma, Rebecanö tjemibobö.

Isaías 57:11

Chömöledö israel jojodö, tinö yekabinaduwada? O̧'wo jawa jwiinö yekabiduwobetjö ötjönö omöna yöka̧laduwaji̧? Tajawedö ötjönö kwo̧'woduwi jwikibaduwaja̧da, ja̧danö, —Dios ösödi̧ma di̧yajö, —jö̧ba̧lö tajawedö omukwatökönö kwö̧jaduwobeda? Lekwe möle ötjöma wi̧inö ja̧nö, ökwödönö lȩbebökönö chiteada̧lobetjö̧, ötjönö yebaböködö bakibaduwaji̧?

Juan 8:44

Ökwödö kwabe'doduwima Awetjada. Ökwödö ösödö kwö̧jaduwi̧ma Awetja ösödi̧danö ösödö kwö̧jaduwobe. Jo̧bama jojodönö kwabö lobo̧, ajayitjöda babe baibanö. Ja̧danö, isabenö jawa yöbawö̧kö̧, omönada yöbawo̧. Jo̧ba omajade okwa sule omönada a̧jobetjö̧ omönada yöbawo̧. Ja̧danö, isabenö yöawakwawama öpöjödo̧. Jo̧bama ajayinö omöna yöbawina. Ja̧danö, jojodönö tjo̧'wo̧ luwo̧nö öibobe omönada yötjawobö.

Romanos 6:23

Jau chömöledö, sulabenö ja̧di̧ mikwawi̧ma wobaleda. Jo̧kwaijayonö, Dios mikwa jwiinö otiwa jawa iyi̧ mikwawi̧ma ja̧kwawa jawada chömöledö. Dios mikwa jwiinö otiwa jawa iyi̧ mikwawi̧ma, ba̧kwȩlö̧jatebö ja̧kwawa Duluwo̧ Cristo Jesúskwö chömöledö.

Colosenses 3:6

Jau chömöledö, ja̧ jawa böjȩ jojodö ja̧bö tjö̧jobetjö̧, Diosma lȩebakwo̧ chömöledö.