Génesis 11:31 - Dios Iwene

³¹ Ja̧danö, Taréma itji̧ Abramkwö, ö'dö̧ Lotkwö, ojoliju Saraikwö Urtjö labebö Canaán nijibe 'yi̧jadötö. Jo̧kwaijayonö ja'öda Harán nijinö ichibö ju̧kwijadötö.

Génesis 11:31 Iomraidhean Croise

Génesis 10:19

Ja̧danö, Canaántjö tupadanö jojodö tjiteboma jalobe yelösöda, Sidón comunidadtjö a̧li̧kwöchobekwö Gaza comunidad ichibanö ji̧jetö. Ja̧danö, jobetjö tebokwöchobe Gerar comunidad ichibanö ji̧jetö, Canaántjö tupdadanö jojodö tjiteboma. Ja̧danö, ja̧wo̧ laebobekwö, Sodoma, Gomorra, Adma, Zeboim comunidades, Lasa comunidad ichibanö ji̧jetö, Canaántjö tupadanö jojodö tjiteboma. Jalobe yelösöda.

Génesis 11:32

Jelöda Taréma, doscientos cinco a̧yo bo̧ wobijetö, Harán nijitjö.

Génesis 12:4

Ja̧danö, Isabenö Jo̧ Diosma Abramnö, Kwi̧'yo, jö̧ba̧lö, weökwe Harántjö labebö 'yi̧jetö, Isabenö Jo̧ Dios wei̧danö. Öjawo̧ itji̧ Lotbi 'yi̧jetö, Abramkwö. Abramma jobetjö laebena setenta y cinco a̧yo juna̧lijetö.

Génesis 12:5

Ja̧danö, Harántjö labebö 'yi̧jetö Abramma, öjawo̧mine itji̧ Lotkwö, ja̧danö, ilekwo Saraikwö. Ja̧danö, okobe jwiinö tjiteabi, tja̧jwi̧munöbi, Harántjö midö tjeminawö̧ tjömöayedönöbi öbibö 'yi̧jadötö Canaán nijibe. 'Ya̧jadöma Canaán nijinö ichibijadötö.

Génesis 14:12

Ja̧danö, Abram öpöe itji̧ Lot, Sodomanö jo̧nö do̧batibö, jo̧ba iteabi, ömöayedönöbi, a̧jwi̧munöbi emibö jobetjö labebö ȩwa̧jijadötö juluwajadöma.

Génesis 15:7

Ikenama Isabenö Jo̧ Diosma yemidanö jö̧ba̧lijetö Abramnö: —Abram, ötjöma Isabenö Jo̧ Diossa. Ötjödasa ökwönö webinama, caldeo jojodö tjitebo Ur mikwelö labebö jelobe kwi̧'yobö. Jao, ötjödasa jobetjö labebö kwitebo baibanö niji chiyakwemi jobekwö kwi̧'yobö. Abram bemida niji chiyakwemima— jö̧ba̧lijetö.

Génesis 24:10

Ikenama domulatajabedö ka̧mȩyu̧dö tjoma'anö wanabijetö uluwo̧ Abraham ömöledönö iyakwa̧, jwiinö mikwawi̧ jawa. Wanö kabatö e'ewö 'yi̧jetö Mesopotamia nijibe, Nacor comunidad jobekwö.

Génesis 24:15

Ja̧danö, Abraham ömöayo̧ma ina Diosnö aebonö bakwuju, Betuel itjiju Rebeca mikwuju ichibijotö ojwiyo waawayu jöböbe'onö junawö. Betuelma Milcatjö, Nacor itji̧. Nacorma Abraham öjawo̧.

Génesis 27:43

Jo̧kwabetjö̧ ötjö weti̧ a̧ja̧kwi. Belöma döbibaji chöpöe Labán ö̧jobekwö, jobe Harán nijibe kwö̧jo.

Génesis 28:10

Ja̧danö, Jacobma Beersebatjö labebö Harán niji jobekwö 'yi̧jetö.

2 Reyes 19:12

Jau Ezequias, ötjötjö ajayinö ji̧nadö la'aka luwedö tjujuluwinawö̧ tjitebokwena jojodönö kwomukwato. Gozan niji jojodö tjösödawö̧tjöbi, Jaran niji jojodö tjösödawö̧tjöbi, Resef niji jojodö tjösödawö̧tjöbi, Telasar nijinö ju̧kwadö Eden jojodö tjösödawö̧tjöbi, bakwo̧ diosbo̧ma iteda ömöledö tjö̧jibinö pjaatobö ji̧naji̧, jobadönö dujuluwapji jö̧ba̧löma? Jwiinobe, jö̧tö?

Diosnö ösödo̧ Job mikwo̧ usula emawina jawa 1:17

Ja̧danö jo̧ba ina yöawonö, jelo̧ yöbawo̧bi ichibinobe, ja̧danö ichibajo̧ Jobnö yöawinobe, —Ayö chuluwo, caldeo jojodötjö wapösokwa jojodöma ichibö metjibajabeta, ja̧danö okobe deinö kwajwimu camellodönö tjönaukwajabeta, ja̧danö okobe deinö kwömöayedönö dȩdȩbö lotjajabeta. Okobe deinö kwömöayedötjö ji̧bajo̧ma ötjödasa, ja̧danö ökwönö yöbawö chichajabe, —jö̧ba̧lö yöawinobe.

Isaías 37:12

Jau Ezequias, ötjötjö ajayinö ji̧nadö la'aka luwedö tjujuluwinawö̧ tjitebokwena jojodönö kwomukwato. Gozan niji jojodö tjösödawö̧tjöbi, Jaran niji jojodö tjösödawö̧tjöbi, Resef niji jojodö tjösödawö̧tjöbi, Telasar nijinö ju̧kwadö Eden jojodö tjösödawö̧tjöbi, bakwo̧ diosbo̧ma iteda ömöledö tjö̧jibinö pjaatobö ji̧naji̧, jobadönö dujuluwapji jö̧ba̧löma? Jwiinobe, jö̧tö?

Hebreos 11:8

Ja̧danö, Abrahambi Diosnö o̧'wo̧ wana̧lö ji̧na. Jo̧bama Diosnö o̧'wo̧ öwana̧lobetjö̧ Dios wei̧ a̧ja̧kwinobe, Jelobekwö 'ya̧wi, chiyakwemi jo̧bekwö, jö̧ba̧lö, wei̧ma. Abrahamma i̧'yobema wajwiijayonö, Diosnö o̧'wo̧ öwana̧lobetjö̧ i̧'yinobe.