Génesis 10:5 - Dios Iwene

⁵ Ja̧danö, jobadö Jafettjö tupadanö jojodöma ojwe ö'öbönö jelobe, jelobebi ja̧danö, ö'wejesa'onö jelobe, jelobebi ju̧kwijadötö wainökwena tjitebokwena. Ja̧danö, bakwasokwena ju̧kwijadötö, idöda yö̧ne tjömöledökwö. Ja̧danö, bakwasokwena idöda tjiwenekwena yöba̧lö ju̧kwijadötö Jafettjö tupadanö jojodöma.

Génesis 10:5 Iomraidhean Croise

Génesis 10:20

Jejenö ju̧kwijadötö Camtjö tupadanö jojodöma, yö̧ne tjömöledökwena, ja̧danö, idöda tji̧wenekwena yöba̧lö, ja̧danö, tjitebotenia bakwasokwena ja̧nö.

Génesis 10:25

Ja̧danö, Heberma i̧tji̧mu ömadönö dujutajanö 'yabebijetö. Jobadötjö bakwo̧ Peleg mikwijetö. Imi, Peleg, jö̧ba̧löma, 'Da̧bachibö wainökwena ja̧kwawa, jö̧ba̧lö wanekwachobe. Ja̧danö, ja̧ mölema böjȩnö ju̧kwadöma ju'wedötjö ju'wedötjö 'da̧tja̧kwachajinö wainökwena ju̧kwijadötö. Ja̧danö, Heber itji̧ jelo̧ma Jactán mikwijetö.

Génesis 10:32

Ja̧danö, Biya̧ wȩyukwi̧ma Noé i̧tji̧mu ömadö, Sem, Cam, Jafet mikwadötjö tupadanö jojodö tji̧mi̧biya ba̧ji wȩyukwi̧. Dios ojwe okwatinö weina okobema, jobadö Noé i̧tji̧mutjö tupadanö jojodöma böjȩ ba̧kwemeachibanö ju̧kwijadötö, bakwasokwena.

Génesis 10:4

Ja̧danö, Javántjö tupadanö jojodöma bidö: Elisa jojodö, Tarsis jojodö, Quitim jojodö, Dodanim jojodö.

Génesis 10:6

Ja̧danö, Noé itji̧ Cam i̧tji̧mu ömadöma bidö: Cus, Mizraim, Fut, Canaán.

Génesis 9:19

Jobadö Noé i̧tji̧mu wa̧medukwama okobe deinö böjȩ ba̧kwemeachibanö ju̧kwadö abönö ji̧nadö.

Isaías 11:11

Ja̧danö, damötjö iteda ömöledö israel jojodönö pjaatinadanö, ja̧ möle chuluwo̧ Diosma yemidanö iteda ömamu deatakobe, iteda ömöledö israel jojodötjö ina 'yaba̧ladönö ko̧ko̧dibö israel nijibe tjeatakobetjö̧. Jau, Dios lȩebinatjö ji̧binadö Asiria nijinö ju̧kwadönöbi, Egipto nijinö ju̧kwadönöbi, Patros nijinö ju̧kwadönöbi, Etiopia nijinö ju̧kwadönöbi, Elam nijinö ju̧kwadönöbi, Sinar nijinö ju̧kwadönöbi, Hamat nijinö ju̧kwadönöbi, jwaibalawa ö'öbötenia niji ju̧kwadönöbi o̧ko̧ko̧dakobe, yemidanö tjitebo israel nijinö tjö̧jakobetjö̧.

Isaías 24:15

Jawo̧ laebobekwö ju̧kwadöbi Isabenö Jo̧nö ösödö yötja̧lakwedö, ja̧danö jwaibalawa ö'öbö ju̧kwadöbi Diosnö tjösödakwedö, —Israel jojodö tjösödökwe, Isabenö Jo̧ Diosma jwiinö otiwo̧, —jö̧ba̧lö.

Isaías 40:15

Jau, Dios öba a'otjö, okobe deinö tjiteboteniama, sule balde'dotjö to̧i̧danö ichejekwadö, ja̧danö sule i̧so̧pja̧ tjö̧ba̧ja̧daja̧ ikena nönawakanö okobe a̧ji̧baja̧pja̧danö ichejekwadö. Jau, jwaibalawa ö'öbö niji emitjö̧ma, nijiso̧pja ja'yuwopjada ichejekwena.

Isaías 41:5

Tupakwö laebobe Dios yöa̧li̧: Jobekwö wetökwe ichobe edö, jwiinö yebabidö jwaibalawa ö'öbö ju̧kwadöma, bö̧jȩ bakwachö̧je ju̧kwadöbi jwiinö yebabinö ko̧ko̧kwadö.

Isaías 42:10

Okobe deinö Isabenö Jo̧ Diosnö lo̧köbaduwo, 'yayi jawa lo̧awa jo̧banö lo̧köbaduwo. Bö̧jȩ ba̧kwemeachibanö ju̧kwadö ösödö lo̧köbaduwo, —Diosma otiwo̧, —jö̧ba̧lö. Bö̧jȩ bakwachö̧je ju̧kwadöbi, jwaibalawabe kwebachadöbi, jwaibalawanö ju̧kwadöbi, ödö ju̧kwadö jwaibalawa ö'öbö ju̧kwadöbi, okobe deinö lo̧köbaduwo.

Isaías 42:4

Jwaikwöda me'dawachibökönö, waekwökönö lȩekwa yöbawö ö̧jakwo̧, bö̧jȩ ba̧kwemeachibanö ju̧kwadöma, lȩekwa yöawi̧ a̧ja̧kwö tjö̧jenanö baibanö. Ja̧danö ja̧ möle jwaibalawa ö'öbö ju̧kwadöbi jo̧ba wei̧ tja̧ja̧kwobö tjiteada̧lakwedö, —Dios ömöayo̧ webö ö̧ba̧ja̧dakwa̧ da̧ja̧kwaduwo, —jö̧ba̧lö, laebobe Dios iteda ömöayo̧nö yöa̧li̧ma.

Isaías 49:1

Baikwö laebobe Dios ömöayo̧ yöa̧li̧ma: Ökwödö ödö ju̧kwadö jwaibalawa ö'öbö ju̧kwadöbi ju'wedö bö̧jȩ bakwachö̧jȩ ju̧wkadöbi, yötawi̧ kwa̧ja̧kwaduwo. Chojo'do jukwa'wo ina cha̧ja̧yi, Isabenö Jo̧ma ötjönö jwöinobe, iteda ömöayo̧ batibakobetjö̧, ina ötjönö jemakwa̧ abönö, chimi imidinobe Isabenö Jo̧ma.

Isaías 51:5

Chujulu chi̧sȩbakwa̧ möle juluwanö badekwachakobe chömöledö, ökwödönö kwö̧jibaduwinö pjatatakwa̧ma juluwanö badekwachakobe. Ötjöda chujulunö, juluwanö tjitebotenia jojodönö webö chö̧jakwo̧sa chömöledö, ja̧danö otiwanö webö chö̧jiawö̧, ödö ju̧kwadö jwaibalawa ö'öbö ju̧kwadöbi ötjönö tjo̧'wo tjö̧wa̧nalakwedö, ja̧danö chotidakwa̧ tjiteada̧lakwedö, inesö chujulunö otiwanö chotidakobetjö̧.

Isaías 59:18

Isabenö jweinö lȩebakwo̧ Diosma, jo̧ba öpöjojodö sulabenö ja̧badönö. Sulabenö ja̧tja̧ja̧ badekwachinö, balekwa mikwa jweinö lȩebakwo̧. Dameakwö lȩebakwo̧ öpöjojodönö, sulabenö ja̧tjiökwe balekwa mikwa lȩebakwo̧, bö̧jȩ bakwachö̧jȩ ju̧kwadö öpöjojodönöbi jweinö lȩebakwo̧.

Isaías 60:9

Ja̧ kwedaduwakwa̧ma baikwö yöta̧la, jwaibalawa bakwachawa ju̧kwadö ötjönö ösödö tjichakwedö, —Diosma isabenö pjaatakwo̧, —jö̧ba̧lö. Ja̧danö ju'wedö tjabönö, Tarsis niji isowibiyanö, kwitji̧muduwi ödö ju̧kwadönö ichejebö tjichakwedö, ja̧danö ju'wibi tjitea orobi, platabi iyö tjichakwedö. Jau, ötjö kwuluwo̧duwi Isabenö Jo̧, Israel jojodö tjösödökwe Suli̧ Jwibo̧ Diosnö otiwanö omukwatö tjösödobetjö̧, jobekwö tjichakwedö. Jau chömöledö, ja̧ möle okobe deinö otiwanö ökwödö israel jojodönö otiwanö tjomukwatobö pjatatocha, ja̧danö jobekwö pjatatiawö̧, jobekwö kwö̧jaduwobekwö tjichakwedö.

Daniel 11:18

Jemi ikenama, jwaibalawa ö'öbö niji ujuluwobö isakwakobe, ja̧danö jobetjö ju'wi comunidadkwenada ujuluwakobe. Ja̧danö, bajalianö öpöjojodötjö bakwo̧ guardia luwo̧ma jo̧banö ujuluwakobe, ja̧danö Siria luwo̧ juluwo̧sa̧ jö̧ba̧lö omukwati̧ kaatibobö ja̧akobe. Siria la'aka luwo̧ma, ajayinö jo̧banö ujuluwakwo̧nö omukwatinobe, mikwawö̧kö̧, ötjödanö juluwö̧kö̧ jö̧ba̧lö. Jo̧kwaijayonö jejenö omukwati̧ kaatibobö ja̧akobe öpöjojoma, ja̧danö balekwa mikwa Siria luwo̧ ujulu jwii̧ wene öwawatö i̧sebakobe, mikwawö̧kö̧ja, ötjödanö juluwö̧kö̧ja jö̧ba̧lö.

Deuteronomio 32:8

Jau chömöledö, okobe deinö la'aka luwedötjö inesö La'aka Luwo̧ Diosma jojodönö 'da̧batö ujuninobe, tjitebokwena jojodö batjibanö, ja̧danö tjitebo bakwachobekwena omukwatö ujuninobe. Jau, teada̧ladö angeledö tjö̧ba̧jekwi̧danö, tjitebokwena jojodönö 'da̧'yö ujuninobe.