Génesis 10:32 - Dios Iwene

³² Ja̧danö, Biya̧ wȩyukwi̧ma Noé i̧tji̧mu ömadö, Sem, Cam, Jafet mikwadötjö tupadanö jojodö tji̧mi̧biya ba̧ji wȩyukwi̧. Dios ojwe okwatinö weina okobema, jobadö Noé i̧tji̧mutjö tupadanö jojodöma böjȩ ba̧kwemeachibanö ju̧kwijadötö, bakwasokwena.

Génesis 10:32 Iomraidhean Croise

Génesis 10:1

Biya̧ wȩyukwi̧ma Noé i̧tji̧mu ömadö Sem, Cam, Jafet mikwadötjö tupadanö jojodö tji̧mi̧biya ba̧ji̧ wȩyukwi̧. Ja̧danö, jobadö Sem, Cam, Jafet, ojwe okwatina jemi tupakwöma tji̧tji̧munö 'yabebijadötö.

Génesis 10:20

Jejenö ju̧kwijadötö Camtjö tupadanö jojodöma, yö̧ne tjömöledökwena, ja̧danö, idöda tji̧wenekwena yöba̧lö, ja̧danö, tjitebotenia bakwasokwena ja̧nö.

Génesis 10:25

Ja̧danö, Heberma i̧tji̧mu ömadönö dujutajanö 'yabebijetö. Jobadötjö bakwo̧ Peleg mikwijetö. Imi, Peleg, jö̧ba̧löma, 'Da̧bachibö wainökwena ja̧kwawa, jö̧ba̧lö wanekwachobe. Ja̧danö, ja̧ mölema böjȩnö ju̧kwadöma ju'wedötjö ju'wedötjö 'da̧tja̧kwachajinö wainökwena ju̧kwijadötö. Ja̧danö, Heber itji̧ jelo̧ma Jactán mikwijetö.

Génesis 10:31

Jobadö Semtjö̧ tupadanö jojodöma, yö̧ne tjömöledökwena, ja̧danö, tjiwenekwena yöba̧lö, ja̧danö, tjitebokwena, ja̧danö, bakwasokwena ju̧kwijadötö.

Génesis 10:5

Ja̧danö, jobadö Jafettjö tupadanö jojodöma ojwe ö'öbönö jelobe, jelobebi ja̧danö, ö'wejesa'onö jelobe, jelobebi ju̧kwijadötö wainökwena tjitebokwena. Ja̧danö, bakwasokwena ju̧kwijadötö, idöda yö̧ne tjömöledökwö. Ja̧danö, bakwasokwena idöda tjiwenekwena yöba̧lö ju̧kwijadötö Jafettjö tupadanö jojodöma.

Génesis 11:1

Ja̧danö, jojodöma okobe deinö ina böjȩnö bakobe tjuju̧kwena tjiwenema bakwainöda yöba̧lö ju̧kwijadötö.

Génesis 9:1

Ja̧danö, Diosma Noénöbi, i̧tji̧munöbi, dösölö̧jinö edö pjatatakwo̧sa, jö̧ba̧lö webijetö: —Nöinö yebawö kwuju̧kwaduwo böjȩ ba̧kwemeachibanö kwöba̧jekwachaduwakobetjö̧— jö̧ba̧lijetö—.

Génesis 9:19

Jobadö Noé i̧tji̧mu wa̧medukwama okobe deinö böjȩ ba̧kwemeachibanö ju̧kwadö abönö ji̧nadö.

Génesis 9:7

Ina jö̧ba̧lijetö: —Ja̧danö Noé, ökwödönö weta. Nöinö yebawö kwuju̧kwaduwo böjȩ ba̧kwemeachibanö kwöba̧jekwachaduwakobetjö̧— jö̧ba̧lö webijetö Diosma Noénö, Noé i̧tji̧munö.

Hechos 17:26

Ja̧danö, jo̧bama ajayinöma bakwo̧ jojonö otidijetö. Jo̧batjö̧ma jojodöma ba̧jekwachinö ja̧bijetö böjȩ bakwameachibanö, tjitjebokwenada tjuju̧kwobö. Jo̧bada jojodö tjöbötjachakwa̧bi, wotjakwa̧bi, tjuju̧kwakwemibi yöbawö juno̧ma.