Génesis 10:25 - Dios Iwene

²⁵ Ja̧danö, Heberma i̧tji̧mu ömadönö dujutajanö 'yabebijetö. Jobadötjö bakwo̧ Peleg mikwijetö. Imi, Peleg, jö̧ba̧löma, 'Da̧bachibö wainökwena ja̧kwawa, jö̧ba̧lö wanekwachobe. Ja̧danö, ja̧ mölema böjȩnö ju̧kwadöma ju'wedötjö ju'wedötjö 'da̧tja̧kwachajinö wainökwena ju̧kwijadötö. Ja̧danö, Heber itji̧ jelo̧ma Jactán mikwijetö.

Génesis 10:25 Iomraidhean Croise

Génesis 10:21

Ja̧danö, Noé itji̧ Sem, Jafet öpöema i̧tji̧munö 'yabebijetö. Ja̧danö, Semtjö̧ tupadanö jojodöma, Heber jojodö. Jau, Heber jojodöma Semnö öbabijadötö, Da'dömine, jö̧ba̧lö.

Génesis 10:26

Ja̧danö, Jactántjö tupadanö jojodöma Almodad jojodö, Selef jojodö, Hazar-mavet jojodö, Jera jojodö,

Génesis 10:32

Ja̧danö, Biya̧ wȩyukwi̧ma Noé i̧tji̧mu ömadö, Sem, Cam, Jafet mikwadötjö tupadanö jojodö tji̧mi̧biya ba̧ji wȩyukwi̧. Dios ojwe okwatinö weina okobema, jobadö Noé i̧tji̧mutjö tupadanö jojodöma böjȩ ba̧kwemeachibanö ju̧kwijadötö, bakwasokwena.

Génesis 10:5

Ja̧danö, jobadö Jafettjö tupadanö jojodöma ojwe ö'öbönö jelobe, jelobebi ja̧danö, ö'wejesa'onö jelobe, jelobebi ju̧kwijadötö wainökwena tjitebokwena. Ja̧danö, bakwasokwena ju̧kwijadötö, idöda yö̧ne tjömöledökwö. Ja̧danö, bakwasokwena idöda tjiwenekwena yöba̧lö ju̧kwijadötö Jafettjö tupadanö jojodöma.

1 Crónicas 1:19

Ja̧danö Heberma, itji̧mu ömadö du̧ju̧tajanö 'yaebinobe. Itji̧mutjö bakwo̧ Peleg jö̧ba̧lö mikwina, 'Da̧bachibö wainökwena ja̧kwawa jö̧ba̧lö. Jo̧ba ö̧jina mölema, bö̧jȩ jojodöma ju'wedötjö ju'wedötjö 'da̧bachibö wainökwena tjipjelekwachinobe, jo̧kwajabetjö jo̧banö Peleg jö̧ba̧lö imidinobe. Ja̧danö Peleg öjawo̧ma, Joctan mikwina.

Hechos 17:26

Ja̧danö, jo̧bama ajayinöma bakwo̧ jojonö otidijetö. Jo̧batjö̧ma jojodöma ba̧jekwachinö ja̧bijetö böjȩ bakwameachibanö, tjitjebokwenada tjuju̧kwobö. Jo̧bada jojodö tjöbötjachakwa̧bi, wotjakwa̧bi, tjuju̧kwakwemibi yöbawö juno̧ma.

Deuteronomio 32:8

Jau chömöledö, okobe deinö la'aka luwedötjö inesö La'aka Luwo̧ Diosma jojodönö 'da̧batö ujuninobe, tjitebokwena jojodö batjibanö, ja̧danö tjitebo bakwachobekwena omukwatö ujuninobe. Jau, teada̧ladö angeledö tjö̧ba̧jekwi̧danö, tjitebokwena jojodönö 'da̧'yö ujuninobe.