Génesis 10:19 - Dios Iwene

¹⁹ Ja̧danö, Canaántjö tupadanö jojodö tjiteboma jalobe yelösöda, Sidón comunidadtjö a̧li̧kwöchobekwö Gaza comunidad ichibanö ji̧jetö. Ja̧danö, jobetjö tebokwöchobe Gerar comunidad ichibanö ji̧jetö, Canaántjö tupdadanö jojodö tjiteboma. Ja̧danö, ja̧wo̧ laebobekwö, Sodoma, Gomorra, Adma, Zeboim comunidades, Lasa comunidad ichibanö ji̧jetö, Canaántjö tupadanö jojodö tjiteboma. Jalobe yelösöda.

Génesis 10:19 Iomraidhean Croise

Génesis 10:18

arvadeo jojodö, zemareo jojodö, hamateo jojodö. Ja̧danö, tupakwöma jobadö Canaántjö tupadanö jojodötjö ju'wedöma jelobebi, ju'wedöma jelobe 'ya̧nö wainökwena ju̧kwijadötö, böjȩ bakwemeachibanö.

Génesis 10:20

Jejenö ju̧kwijadötö Camtjö tupadanö jojodöma, yö̧ne tjömöledökwena, ja̧danö, idöda tji̧wenekwena yöba̧lö, ja̧danö, tjitebotenia bakwasokwena ja̧nö.

Génesis 18:20

Ikenama Isabenö Jo̧ Diosma Abrahamnö jö̧ba̧lijetö: —Abraham, Sodoma comunidad jojodönö, Gomorra comunidad jojodönö ju'wedö labinö jwötjeba̧li̧ cha̧ja̧kwijatö, jwiinö sulabe ja̧bö ju̧kwadö, jö̧ba̧lö.

Génesis 20:1

Ja̧danö, ju'wi möle Abrahamma ö̧jelö Mamretjö labebö a̧li̧kwöchobe Neguev niji jobekwö 'yi̧jetö ömöledökwö, ömöayedökwö, a̧jwi̧mukwö. 'Ya̧jadöma Betel niji, Shur niji 'da̧denö ju̧kwijadötö. Ju'winö jobetjö labebö 'ya̧jadöma Gerar comunidadnö ichibijadötö jobe tjuju̧kwobö.

Génesis 26:1

Ja̧ möle jobema okobe jwiinö batjiju junawa wobö loobetjö̧ jojodöma a̧wi̧chö tjöbijadötö. Ajayinö, Abraham ö̧jena kwakwawa jwiinadanö jemitupakwöma yemidanö Isaac ö̧jenama jejenö baibijetö, kwakwawa jwiinö, jojodöma a̧wi̧chö tjötjinö. Ja̧danö, jobetjö a̧wi̧chi̧ tjöbö tjö̧jiökwe Isaacma, ömöledökwö Gerar nijibe 'yi̧jetö tjuju̧kwobö. Jobe la'aka luwo̧, Abimelec mikwo̧ma webö bi̧jetö, filisteos jojodö tjuluwo̧.

Diosnö ösödo̧ Job mikwo̧ usula emawina jawa 38:20

Ökwöma dewi̧bi, yȩa'wobi tjebatö, ajayinö laebinelö ȩwa̧ji̧nö weköboböma kwöwaisobeji̧? Jobe 'ya̧kwawama kwi̧sȩbobö kwöwaisobeji̧?

Isaías 23:11

—Baledaja̧ baikwö wanedö yöta̧la: Isabenö Jo̧ma, jwaibalawa wame iteda ömamu kabebö i̧sȩbajabe, ja̧danö la'aka luwedö tjitebokwena ju̧kwadönö tjö̧bawadö batjibanö ya̧ebajabe. Ja̧danö ju'wibi, Diosma weajabe, Canaan niji tjöekwemikwena söbebö lotjobö.

Isaías 23:4

Jo̧kwaijayonö babe tabakwö kwö̧jaduwobö jö̧baladöja ökwödö Sidon niji jojodöma, inesö kwösödaduwemi, ö'wejesa'o comunidad Tiroma söbebö loawemida baibajobetjö̧. Jau, jwaibalawa ö'wejetjö, ajayinö ba̧jȩkwadö tjuju̧kwemi ji̧najayonö, jojodö deobeda baibajabe Tiro comunidadma, jojosuju la'akatjöda jitji̧munö eminökujudanö baibajabe, jitji̧mu möayedönö la'akatjöda da̧pedinökujudanö baibajabe, jwaibalawa ö'wejesa'o Tiro comunidadma.

Hechos 8:26

Ju'wi möle Duluwo̧ weajökwe ángelma webijetö Felipenö, Samarianö jo̧nö: —Felipe, a̧li̧kwö 'ya̧wi. Jobe mananö, Jerusaléntjö Gazabe 'ya̧kwawamanö 'ya̧wi— webijetö ángelma Felipenö. Ja̧ma jojodö ba̧jekwadö tjuju̧kwokobe 'ya̧kwawama.

Deuteronomio 2:23

Ja̧danö, aveos jojodöma ajayinö Gaza nijinö tjö̧jinobe, jo̧kwaijayonö filisteo jojodöma Cretatjö ichö, jobadönö söbebö lotjinobe, ja̧danö söbebö lobajadö, aveos jojodö tjiteboinemi nijinö tjö̧jinobe, idöda tjitebo niji baibanö.

Deuteronomio 32:8

Jau chömöledö, okobe deinö la'aka luwedötjö inesö La'aka Luwo̧ Diosma jojodönö 'da̧batö ujuninobe, tjitebokwena jojodö batjibanö, ja̧danö tjitebo bakwachobekwena omukwatö ujuninobe. Jau, teada̧ladö angeledö tjö̧ba̧jekwi̧danö, tjitebokwena jojodönö 'da̧'yö ujuninobe.

Josué 19:28

ja̧danö jemi tupakwö Abdon comunidadbebi, Rejob comunidadbebi, Hamon comunidadbebi, Cana comunidadbebi dötewinobe Aser niji bakwachobema, bajalianö inesö jalobe comunidad Sidon ö'öböbe ichibanö.

Jueces 16:1

Ju'wi möle, Sansonma filisteo jojodö tjitebo comunidad Gazabe i̧'yinobe, ja̧danö jobe bakwuju jilekwamuböködökwö 'da̧'da̧bakwawö ju̧junö edinobe, ja̧danö edajo̧, jeju teachinobe, jobujukwö ö̧jobö.

Jueces 6:4

Ichibö, jobadöma tjabakwemi israel nijinö juniatjinobe, ja̧danö jobe ja̧nö, israel jojodö tjitea emö okobe jwiinö tjöbatjiju söbebö lobiatjinobe, Gaza comunidad ö'öbö nijibe ichibanö. Okobe jwiinö israel nijinö ji̧ batjo jawa jwienanö baibanö jejenö ja̧biatjinobe, ja̧danö ju'wibi okobe deinö tjajwi̧munöbi emiatjinobe, obejadönöbi, pakayadönöbi, bu̧lö̧dönöbi.

1 Samuel 13:18

jeleso jawo̧ meajobekwö Betsoronbe 'ya̧kwawamabenö tji̧'yinobe, ja̧danö jeleso ja̧wo̧ ichobekwö israel niji bakwachobe, Zeboim wabeko ötjabobe, jojodö deobekwö 'ya̧kwawamabenö tji̧'yinobe.