Génesis 10:15 - Dios Iwene

¹⁵ Ja̧danö, Cam itji̧ Canaán i̧tji̧mu ömadöma bidö: Abönö pöe Sidón mikwijetö. Ikena itji̧ Het mikwijetö.

Génesis 10:15 Iomraidhean Croise

Génesis 23:3

Ikenama ilekwonö budekwabinö ba̧jo̧ma a̧laibö ö'wö babibajajunö tjödajejutjö labebijetö. Labebö yemida jojodö, Hettjö tupadanö jojodö tjö̧jobekwö yöalakwawobö 'yi̧jetö. Ichibö jö̧ba̧lijetö jobadönöma:

Génesis 49:13

Ikenama Jacobma yöbawijetö itji̧ Zabulónnö: —Zabulón, ökwötjö tupadanö jojodöma ojwe ö'öbö kwö̧jaduwakwedöja, Sidón niji ichibanö. Jemi tjolanöma isowibiya owiawi ichö lamatakwemi— yöbawijetö Jacob Zabulónnö.

2 Samuel 11:3

Jobujunö edajo̧, Davidma ömöayo̧nö weinobe, isujuma disujayuda jö̧ba̧lö abebö a̧ja̧kwobö. Abebö a̧ja̧kwajo̧, —Isujuma Elian itji̧ju Betsabe mikwuju, hitita jojo Urias mikwo̧ ilekwo, —jö̧ba̧lö yöawinobe Davidnö.

2 Samuel 24:6

Ikenama, jobe ba̧ja̧dadö, tupakwö Galaad nijibenö tji̧'yinobe, hitita jojodö tjitebo comunidad Kedesbe. Ikenama tupakwö Dan comunidadbe ba̧ja̧diabö tji̧'yinobe. Ikenama Dantjö labebö, ja̧wo̧ meajobekwö Sidon comunidadbe ba̧ja̧diabö tji̧'yinobe.

1 Crónicas 1:13

Ja̧danö Cam itji̧ Canaan itji̧mu tupadanö jojodöma bidö: Abönö pöema, sidonio jojodötjö ajayinö ji̧na Sidom mikwo̧. Ja̧danö ju'wedö itji̧mu tupadanö jojodöma, Hitita jojodöbi,

Éxodo 3:8

Jo̧kwaitjö̧ mölejebetjö chichatö chömöledönö pjatatobö, Egipto jojodötjö tjö̧jibinö. Ja̧danö, Egiptotjö latjebinö pjatatobö chichatö, jelobe tji̧'yobö. Tji̧'yakwemima jwiinö otiwobe, ja̧danö jalobe, ja̧danö, a̧ji̧kwakwawedönö tjöbötjatemi otiwobe, ja̧danö batjo tjujunakwemibi otiwobe. Jobema ju'wedö tjitebo: Cananeo, heteo, amorreo, ferezeo, heveo, jebuseo jojodö tjiteboma— jö̧ba̧lijetö Isabenö Jo̧ma—.

Éxodo 34:11

Ina yöba̧lijetö: —Ökwödö bakwo̧nökwena babe mölȩ weti̧ a̧ja̧kwö kwö̧jaduwobö jobe. ¡A̧ja̧kwi! Jejenö weti̧ a̧ja̧kwö kwö̧jaduwitjö̧ma ju'wedönö a'dewö lotocha kwi̧'yaduwakwemitjö, amorreo jojodönö, cananeo jojodönö, heteo jojodönö, ferezeo jojodönö, heveo jojodönö, jebuseo jojodönö.

Isaías 23:4

Jo̧kwaijayonö babe tabakwö kwö̧jaduwobö jö̧baladöja ökwödö Sidon niji jojodöma, inesö kwösödaduwemi, ö'wejesa'o comunidad Tiroma söbebö loawemida baibajobetjö̧. Jau, jwaibalawa ö'wejetjö, ajayinö ba̧jȩkwadö tjuju̧kwemi ji̧najayonö, jojodö deobeda baibajabe Tiro comunidadma, jojosuju la'akatjöda jitji̧munö eminökujudanö baibajabe, jitji̧mu möayedönö la'akatjöda da̧pedinökujudanö baibajabe, jwaibalawa ö'wejesa'o Tiro comunidadma.

Josué 11:8

ja̧danö Isabenö Jo̧ma israel jojodönö iyinobe, jwiinö jobadönö tjujuluwobö. Jwiinö jobadönö tjujuluwinobe israel jojodöma, jobetjö dötjibajenanö, ja̧danö israel jojodöma jobadönö lubö kwabawö lotjinobe, u'dakwö jalobe comunidad Sidonbebi, jawo̧ meajobekwö Misrefot Mayin comunidadbebi, jawo̧ laebobekwö Mizpa wabekobebi. Jwiinö jobadönö tjujuluwinobe, ölakabikwawadötjö bakwo̧bi ö̧jibökenanö baibanö.

1 Samuel 26:6

Edajo̧, Davidma ömöayo̧ heteo jojo Ahimelecnöbi, Sarvia jitji̧ Joab öjawo̧ Abisai mikwo̧nöbi yöa̧linobe, —Ökwödötjö diteda ötjökwö Saul abobe yutubajö i̧'yakwo̧ma? —jö̧ba̧lö. Aebökwe, Abisaima atadinobe, —Ötjöma ökwökwö yutubajö chi̧'yocha, —jö̧ba̧lö.