Génesis 1:24 - Dios Iwene

²⁴ Ikenama: —Nijitjö̧ babibaduwi böjȩnö kwebachadö a̧ji̧kwakwawedöbi, tebonö ju̧kwadöbi, nijinö töbawadöbi okobe deinö ökwödödada yebawö kwuju̧kwaduwo— jö̧ba̧lö webijetö Diosma. Jejenö Dios wei̧danö babibijadötö.

Génesis 1:24 Iomraidhean Croise

Génesis 1:23

Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö bakwamu mölema.

Génesis 2:19

Ja̧danö, Isabenö Jo̧ Diosma okobe deinö tebonö ju̧kwadönöbi mejenö ju̧kwadönöbi mö köba̧lö ju̧kwadönöbi nijitjö otidijetö. Otidajo̧ma jobadönö öbibö 'yi̧jetö jojo ö̧jobekwö, dakwö imidojobö chedo jö̧ba̧lö. Jojoma Dios ichejebö ujunajawö̧nö tjimibiya midijetö. Ja̧danö okobe deinö böjȩnö ju̧kwadöma jojo imidaja̧nöda mikwijadötö, tjimibiyama.

Génesis 7:14

Ja̧danö, jobadökwö a̧ji̧kwakwawedö ju'wedö ju'wedöbi, ja̧danö, nijinö töbawadö ju'wedö ju'wedöbi, ja̧danö, mö köba̧lö ju̧kwadö ju'wedö ju'wedöbi tebachajadö a̧jijadötö.

Génesis 8:19

Ja̧danö okobe deinö böjȩnö ju̧kwadö Noékwö ju̧kwibajadöma a̧ji̧kwakwawedöbi, ju'wedö nijinö kwebachadöbi, nijinö töbawadöbi, mö köba̧ladöbi bakwo̧nökwena, tjilekwokwena isowitjö labekwijadötö.

Diosnö ösödo̧ Job mikwo̧ usula emawina jawa 39:1

Tupakwö yöa̧linobe Diosma Jobnö: —Tupakwö abebö cha̧ja̧kwakwö Job, isabenö chöwaisi̧danö waiso̧ kwö̧jojobö jö̧ba̧lö: Mösa'onö ju̧kwadö chi̧vo̧dönö kwöwaisiji̧, –Tjitjimunö dianö tjemobejö? –jö̧ba̧lö? Tebonö ju̧kwadö yama tji̧tji̧munö tjemenama, jobadönö kwedobeji̧?

Diosnö ösödo̧ Job mikwo̧ usula emawina jawa 39:19

—Ja̧danö kabayuja? Kabayuma juluwo̧, jö̧tö? Ökwöda ujulu kwiyinaji̧? Kamijido̧ 'dutjati̧danö, kabayu u̧lu̧me'anö öwö'ye ödöa'ye 'duawobö kwiyinaji̧?

Diosnö ösödo̧ Job mikwo̧ usula emawina jawa 39:5

—Ja̧danö tebonö jo̧ buluma, ti ejatö loinadaja, uluwo deinö iteda ösödi̧danö kweachakobetjö̧?

Diosnö ösödo̧ Job mikwo̧ usula emawina jawa 39:9

—Ja̧danö tebonö jo̧ pakayaso̧ma, –Otidi, –jö̧balö weköbökwe, weköbi̧ otidobö ösödö, kwajwimu tjukwapjo meje'yesapjo ö'öbö abenaji̧?

Diosnö ösödo̧ Job mikwo̧ usula emawina jawa 40:15

Tupakwö yöa̧linobe Diosma, Jobnö: —Ju'wibi yöta̧lakwö Job, hipopotamo ötjabökwenö kwomukwato. Hipopotamobedöma, pakayadö tjukwi̧danö meje'ye kwadö, jadanö ökwönö chotidinadanö, ötjöda jo̧banöbi chotidijatö.