Génesis 1:21 - Dios Iwene

²¹ Diosma jwai balawa okwanö kwebachö lö̧jadönö ödöbaedönöbi, ju'wedönöbi okobe deinö wa̧pedijetö. Idödada yetjawobö wa̧pedijetö. Ja̧danö, okobe deinö mö köba̧lö ju̧kwadöbi idödada yetjawobö wa̧pedijetö. Diosma wa̧pedajawö̧nö edinö ösödijetö, otiwadö jö̧ba̧lö.

Génesis 1:21 Iomraidhean Croise

Génesis 1:18

Ja̧danö, bakwo̧nöma möleda idejatobö ja̧danö, jelo̧nöma, si̧li̧'i̧dönöbi yö̧teda tjidejatobö nönijetö Diosma. Mölebi yö̧tebi wainö ja̧kobetjö̧ nönijetö. Ja̧danö, Diosma önajawö̧nö edinö ösödijetö, otiwadö jö̧ba̧lö.

Génesis 1:20

Ikenama: —Jwai balawa okwanö kwebachö lö̧jadö ba̧jekwadö babibaduwi. Ja̧danö, mö köba̧lö ju̧kwadöbi böjȩ wamenö babibaduwi— jö̧ba̧lö webijetö Diosma. Jejenö babibijadötö Dios wei̧danö.

Génesis 1:22

Ikenama Diosma jö̧ba̧lijetö öwa̧pedajawö̧nö, Ökwödönöma kwöba̧jekwachaduwobö ösödanö edö pjatatakwo̧sa, jö̧ba̧lö. Jejenö jö̧ba̧lö webijetö: —Nöinö yebawaduwi kwöba̧jekwachaduwo. Ökwödö jwai balawa okwanö kwebachö lö̧jadö kwöba̧jekwachaduwo jwai balawa okwatjö, böjȩ bakwemeachibanö. Ja̧danö, ökwödö mö köba̧lö ju̧kwadöbi kwöba̧jekwachaduwo böjȩ ba̧kwemeachibanö— webijetö Diosma jwai balawa okwanö kwebachö lö̧jadönöma, ja̧danö, mö kö̧ba̧lö ju̧kwadönöma, dösölö̧jinö edö pjatatakwo̧sa, jö̧ba̧lö.

Génesis 1:25

Okobe deinö tebonö ju̧kwadönöbi, a̧ji̧kwakwawedönöbi, nijinö töbawadönöbi otidijetö Diosma, idödada yetjawobö. Ja̧danö, Diosma otidajawö̧nö edinö ösödijetö, otiwadö, jö̧ba̧lö.

Génesis 1:31

Diosma okobe jwiinö otidaja̧ edinö jwiinö ösödijetö, otiwa, jöba̧lö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö jelemutjö bakwöta mölema.

Génesis 2:19

Ja̧danö, Isabenö Jo̧ Diosma okobe deinö tebonö ju̧kwadönöbi mejenö ju̧kwadönöbi mö köba̧lö ju̧kwadönöbi nijitjö otidijetö. Otidajo̧ma jobadönö öbibö 'yi̧jetö jojo ö̧jobekwö, dakwö imidojobö chedo jö̧ba̧lö. Jojoma Dios ichejebö ujunajawö̧nö tjimibiya midijetö. Ja̧danö okobe deinö böjȩnö ju̧kwadöma jojo imidaja̧nöda mikwijadötö, tjimibiyama.

Génesis 7:14

Ja̧danö, jobadökwö a̧ji̧kwakwawedö ju'wedö ju'wedöbi, ja̧danö, nijinö töbawadö ju'wedö ju'wedöbi, ja̧danö, mö köba̧lö ju̧kwadö ju'wedö ju'wedöbi tebachajadö a̧jijadötö.

Génesis 8:17

Ja̧danö, labebö a'dewaduwi okobe deinö ökwökwö ju̧kwibajadönöma, mö köba̧lö ju̧kwadönöbi, a̧ji̧kwakwawedönöbi, ju'wedö nijinö kwebachadönöbi, nijinö töbawadönöbi, böjȩnö ja̧nö idöda yebawö tjöba̧jekwachakobetjö̧— webijetö Diosma.

Génesis 8:19

Ja̧danö okobe deinö böjȩnö ju̧kwadö Noékwö ju̧kwibajadöma a̧ji̧kwakwawedöbi, ju'wedö nijinö kwebachadöbi, nijinö töbawadöbi, mö köba̧ladöbi bakwo̧nökwena, tjilekwokwena isowitjö labekwijadötö.

Génesis 9:2

Okobe deinö tebonö ju̧kwadöbi, mö köba̧lö ju̧kwadöbi, nijinö töbawadöbi, ojwe okwanö ju̧kwadöbi ökwödönö edö yetjabikwedö. Ökwödönöma jobadö tjuluwedö baibanö 'da̧batö chujunawö̧ja.

Génesis 9:7

Ina jö̧ba̧lijetö: —Ja̧danö Noé, ökwödönö weta. Nöinö yebawö kwuju̧kwaduwo böjȩ ba̧kwemeachibanö kwöba̧jekwachaduwakobetjö̧— jö̧ba̧lö webijetö Diosma Noénö, Noé i̧tji̧munö.

Diosnö ösödo̧ Job mikwo̧ usula emawina jawa 12:7

—Kwedaduwemi, babe wene chöbaledi̧ma, ötjöda jawa, jö̧ba̧lö, jo̧kwaijayonö ja̧maökö, baikwö yötawa: Tebonö ju̧kwadöbi, mönö köba̧ladö pji̧yu̧bi, bö̧jȩnö pokwi̧bi, jwaibalawanö ju̧kwadö ba̧ibi waisadö, ötjönö baledi̧ma, Isabenö Jo̧ weobetjö̧, baledobe jö̧ba̧lö. Jobadönö abebö kwa̧ja̧kwaduwitjö̧ma, yötjawo jö̧tja̧lena, ökwödönö tjö̧ba̧ja̧do jö̧tja̧lena, jobadöma okobe deinö isabenö tjöwaisobetjö̧, –Diosda weobetjö̧ baledajabe, –jö̧ba̧lö.

Diosnö ösödo̧ Job mikwo̧ usula emawina jawa 26:5

Tupakwö yöa̧linobe Jobma: —Isabenö okobe deinö yetjaibanö juluwo̧ Diosma. Jwiinö juluwiawö̧, ida̧ökö debö 'yi̧nadöbi yebabinö tjö̧bawadö, jwaibalawa teebe tju̧ju̧kwemi ja̧nö, Diosnö yebabinö tjö̧bawadö.

Diosnö ösödo̧ Job mikwo̧ usula emawina jawa 7:12

Tajawedö bejenö usula chemawobö weköbobeda chuluwo̧? Kwedemi jwaibalawanö jo̧ inesö labo̧danö chichejekwobeji? Jo̧bajayo̧ chichejekwobetjö̧, ötjönö pje'data̧lö kwujunobeji̧?

Éxodo 1:7

Jo̧kwaijayonö jobadö Israeltjö tupadanö jojodöma tji̧tji̧munö yebawö, yebawö nöinö yebawijadötö, jwaikwöda ba̧jekwachadö, ja̧danö juluwadö batjibinö. Jobadöma okobe jwiinö Egipto nijinö ju̧kwijadötö jwiinö tjöba̧jekwachobetjö̧.

Éxodo 8:3

Nilo ojwetjöma jwo̧i̧döda tjuju̧kwakobe su̧'bȩ baibanö chömöledönö kakatakwawökötjö̧ma. Ja̧danö, jödötjö labekwö kweju okwa tjetjachakobe, kwö̧lȩko̧nöbi tebachö, ja̧danö ku̧kwa kamapjonö wa̧jö. Ja̧danö, kwömöayedö tjejunöbi, kwömöledö tjejunöbi tjetjachakobe jwoi̧döma. Ba̧i̧ toawakiju okwabi, pan yo̧awa'di̧ju okwabi tja̧jakobe jwo̧i̧döma.

Mateo 12:40

Jonás mikwo̧ma wa̧pötakwa mölebi wa̧pötakwa yö̧tebi baledibanö ba̧i̧so̧ nöbo̧ ukwa'wo okwa a̧jö öbaledinobe, ¿jö̧tö? Ja̧danö, ötjö jojo baibanö jeminökwebi wa̧pötakwa mölebi, wa̧pötakwa yö̧tebi baledibanö, nijinö tjo̧tjajökwe niji okwa ba̧nö chöbaledakwo̧sa— jö̧ba̧lö yöawinobe Jesúsma.