Génesis 1:16 - Dios Iwene

¹⁶ Du̧ju̧tajanö ödöbaedö dewinö dejatadönö wa̧pedijetö Diosma. Möle ja̧wo̧nöma tubinö dejato̧nö wa̧pedijetö möle dewobö. Ja̧danö, yö̧te ja̧wo̧nöma tiyuwanö dejato̧nö wa̧pedijetö yö̧te dewobö. Si̧li̧'i̧dönöbi wa̧pedijetö.

Génesis 1:16 Iomraidhean Croise

Génesis 1:15

Ja̧danö, mölejȩbetjö böjȩkwö kwidejataduwakobetjö̧ babibaduwi— jö̧ba̧lö webijetö Diosma. Jejenö Dios wei̧danö babibijadötö, möle jawo̧bi yö̧te ja̧wo̧bi si̧li̧'i̧döbi.

Diosnö ösödo̧ Job mikwo̧ usula emawina jawa 31:26

—Ju'wibi, möle jawo̧ idejatobe edö, jadanö yö̧te jawo̧ otiwi̧ edö,

Diosnö ösödo̧ Job mikwo̧ usula emawina jawa 38:7

Jawa lödawobe tjedinobe angeledöma, ja̧danö edö, tjo̧'wo ösöwachibanö jwötjeba̧linobe, ti inawa ödiniawö̧ jejenö jwötjeba̧linada?

Isaías 13:10

Jau, isabenö jwiinö labikobe ja̧ mölema, sasokwena lö̧jadö si̧li̧'idöbi, okobe deinö ju'wedö si̧li̧'idöbi tjidejati̧ katjatibakwedö, ja̧danö möle jawo̧ laebenama, dejatökönö laebakwo̧, ja̧danö yöte jawo̧bi idejatökakwo̧.

Isaías 24:23

Ja̧ möle yö̧te jawo̧ idejati̧ma, salöökakobe, ja̧danö möle jawo̧ idejati̧ma, dejatökönö ötabakwobedanö jakobe. Jau, ja̧ möle Isabenö Jo̧ Okobe Jwiinö Juluwo̧ Diosma Jerusalennö ö̧jakwo̧, Sion mösa'otjö webö ö̧jakwo̧, jadanö iteda ömöledötjö la'aka luwedö tjöba a'o dewinö dejatinö ö̧jakwo̧, jawo̧ idejati̧ma, idejatokobedanö ichejekwinö.

Isaías 40:26

Mölȩjȩbe edö, si̧li̧'idönö kwomukwataduwo. Tida jobadönö otidinama? Tida bakwo̧nökwena imi jwöbö, yö̧tekwena okobe deinö jobadö inesö ba̧jȩkwadö latjebobö öibobeda? Ötjödasa chömöledö, ja̧danö jwiinö chujuluwobetjö̧, latjebobö jwötenama, bakwo̧bi deökönö, okobe deinö weti̧ a̧ja̧kwö labebadö, jö̧tö? —jö̧ba̧lö abebö a̧ja̧kwobe Diosma ökwödönö.

Isaías 45:7

Jau, ötjödasa dewi̧ otido̧ma, ja̧danö yȩa'wobi otido̧ma ötjödasa. Ötjödasa wene jwiinö tjö̧jobö pjabato̧ma, ja̧danö ju'wibi suli̧ waekwö wene tjujuna̧lobö webo̧bi ötjödasa. Okobe jwiinö ja̧ jawa otido̧ma, ötjö Isabenö Jo̧ Diosda, jö̧ba̧lö yöa̧lobe Diosma, omudawö ujuninökwe Cironö.

Mateo 24:29

Ja̧danö juluwanö ja̧ möle usula tjemawaja̧ ikenama, Jawo̧ yȩatibakobe, ja̧danö yö̧te jawo̧ma idejatökakobe, ja̧danö si̧li̧'i̧döma mölejȩbetjö metjakobe, ja̧danö okobe deinö mölejȩnö la̧jadöma wainö batjibakobe.

Mateo 27:45

Jawo̧ jweinö ö̧jena, böjȩ bakwameachibanö yȩatibinobe, ja̧danö okobe jwiinö yö̧tedanö yȩinobe, wa̧pötakwa hora baledibanö.

1 Corintios 15:41

Jau chömöledö, jawo̧ma, iteda otikwi̧ juna̧lo̧, ja̧danö yö̧te jawo̧ma, iteda otikwi̧ juna̧lo̧, ja̧danö si̧li̧'i̧döbi, idöda tjotikwi̧ juna̧ladö. Ja̧danö, si̧li̧'i̧dötjö, wainökwena tjotikwi̧ juna̧ladö.

Deuteronomio 4:19

Ja̧danö mölejȩbe edö, mölejȩnö la̧jadönö jawo̧nöbi, yö̧te jawo̧nöbi, si̧li̧'idönöbi kwösödaduwoböma omukwatökönaduwi. Ju'wedöma ö'öbönö kwomukwataduwobö öbibö yötja̧lena, –Mölejȩnö la̧jadönö dösödobö otiwa, –jö̧ba̧lö, jo̧kwaijayonö sulabenö öbibö yötja̧li̧ma ösödökönaduwi, ja̧danö jobadönö bȩbachibö ösödökönaduwi. Jau chömöledö, duluwo̧ Isabenö Jo̧ Diosma bö̧jȩ ba̧kwemeachibanö ju̧kwadönö pjabatö, jobadö mölejȩnö la̧jadönö jobe tjö̧lobö öninobe, jo̧kwaijayonö ja'yubebi jobadönö kwösödaduwobö jwiobe, Diosnöda kwösödaduwobö jo̧be.

Apocalipsis 21:23

Ja̧danö, 'yayi̧ Jerusalénnöma möle jawo̧bi yö̧te ja̧wo̧bi tjö̧lajokobe, detjobe. Dios ujulu dewinö idejati̧da dewobe jojodö tjedoböma. Ja̧danö, Obeja Itji̧danö Jo̧ma la̧pa̧la̧yu̧danö, dewinö idejati̧da dewo̧, 'yayi̧ Jerusalénnöma.