Génesis 1:14 - Dios Iwene

¹⁴ Ikenama: —Möle ja̧wo̧bi yö̧te ja̧wo̧bi si̧li̧'i̧döbi babibaduwi, mölebi yö̧tebi wainö ja̧kobetjö̧. Ja̧danö, ökwödö mölejȩ lö̧jadöma, mölebiya baledi̧, ja̧danö o̧ba, imiyame baledi̧ kwi̧sebaduwakobetjö̧ babibaduwi.

Génesis 1:14 Iomraidhean Croise

Génesis 1:13

Ikenama yi̧böbi yi̧bijetö. Ja̧danö dewachöbi dewachijetö. Jejenö baibijetö wa̧pötakwa mölema.

Génesis 1:15

Ja̧danö, mölejȩbetjö böjȩkwö kwidejataduwakobetjö̧ babibaduwi— jö̧ba̧lö webijetö Diosma. Jejenö Dios wei̧danö babibijadötö, möle jawo̧bi yö̧te ja̧wo̧bi si̧li̧'i̧döbi.

Génesis 8:22

Ina jö̧ba̧lijetö: —Böje ötjö chotidinöjema 'dö̧ibajenanö baibanö baikwö jobö webo̧sa: Jojodöma batjo junawa tjujunakwedö ja̧danö, batjo 'wiawa 'witjakwedö. Ja̧danö, tiyuwi̧bi, tubi̧bi, o̧babi, imiyamebi baledakobe. Ja̧danö, mölebi, yö̧tebi baledakobe. Böjȩma jejenö baledobö wetakwo̧sa böje 'dö̧ibajenanö baibanö— jö̧ba̧lijetö Isabenö Jo̧ma.

Diosnö ösödo̧ Job mikwo̧ usula emawina jawa 25:3

Isabenö inesö la'aka luwo̧ Diosma, iteda ömöayedö ölakwabikwawadöma, ba̧ja̧dakwawökenanö tjö̧ba̧jȩkwachobe, isabenö juluwo̧obetjö̧. Ju'wibi yöta̧la, isabenö dejatinö juluwo̧obetjö, iteda dewi̧ma, bö̧jȩ ba̧kwemeachibanö dejatobe.

Diosnö ösödo̧ Job mikwo̧ usula emawina jawa 25:5

Deobe Job, baikwö yötawa: Diosma inesö dewinö jo̧, ja̧danö jo̧ba öba a'otjö, yö̧te jawo̧bi, si̧li̧'idöbi dejatöködödanö ichejekwadö, jö̧tö?

Diosnö ösödo̧ Job mikwo̧ usula emawina jawa 3:9

Si̧li̧'idö ja̧ möle dewachakwa̧ abönö dejatadö si̧li̧'idö tjidejatinökötjö̧ma, otiwo jö̧a̧lena. Ja̧ möle dewacho jö̧a̧lena, dewachinökötjö̧ma, otiwo jö̧a̧lena, ja̧ möle yȩayi la'akatjöda dewachinökötjö̧ma, otiwo jö̧a̧lena.

Isaías 40:26

Mölȩjȩbe edö, si̧li̧'idönö kwomukwataduwo. Tida jobadönö otidinama? Tida bakwo̧nökwena imi jwöbö, yö̧tekwena okobe deinö jobadö inesö ba̧jȩkwadö latjebobö öibobeda? Ötjödasa chömöledö, ja̧danö jwiinö chujuluwobetjö̧, latjebobö jwötenama, bakwo̧bi deökönö, okobe deinö weti̧ a̧ja̧kwö labebadö, jö̧tö? —jö̧ba̧lö abebö a̧ja̧kwobe Diosma ökwödönö.

Mateo 2:2

—Judío jojodö la'aka tjuluwo̧ baibanö jeminökwema, ¿daida? Ina jawo̧ laebobekwö dö̧jayi, jo̧ba jawa sili'inö dedijatö, jo̧kwajabetjö̧ jo̧banö ösödö dichajabe. ¿Dai ö̧jobeda?— jö̧ba̧lö abebö tja̧ja̧kwinobe.

Mateo 24:29

Ja̧danö juluwanö ja̧ möle usula tjemawaja̧ ikenama, Jawo̧ yȩatibakobe, ja̧danö yö̧te jawo̧ma idejatökakobe, ja̧danö si̧li̧'i̧döma mölejȩbetjö metjakobe, ja̧danö okobe deinö mölejȩnö la̧jadöma wainö batjibakobe.

Marcos 13:24

Jemi tupakwö yöbawijetö Jesúsma: —Ja̧ baledenama, inia tjötji̧ baledaja̧ okobema möle ja̧wo̧bi yȩakobe. Ja̧danö, yö̧te ja̧wo̧bi idejatökakobe.

Deuteronomio 4:19

Ja̧danö mölejȩbe edö, mölejȩnö la̧jadönö jawo̧nöbi, yö̧te jawo̧nöbi, si̧li̧'idönöbi kwösödaduwoböma omukwatökönaduwi. Ju'wedöma ö'öbönö kwomukwataduwobö öbibö yötja̧lena, –Mölejȩnö la̧jadönö dösödobö otiwa, –jö̧ba̧lö, jo̧kwaijayonö sulabenö öbibö yötja̧li̧ma ösödökönaduwi, ja̧danö jobadönö bȩbachibö ösödökönaduwi. Jau chömöledö, duluwo̧ Isabenö Jo̧ Diosma bö̧jȩ ba̧kwemeachibanö ju̧kwadönö pjabatö, jobadö mölejȩnö la̧jadönö jobe tjö̧lobö öninobe, jo̧kwaijayonö ja'yubebi jobadönö kwösödaduwobö jwiobe, Diosnöda kwösödaduwobö jo̧be.

Apocalipsis 6:12

Ja̧danö, Obeja Itji̧danö Jo̧ma ösöja tö'awi̧ ö'be pöekwatjö jelemutjö bakwa'be baibanö kaebobe chedijatö. Ja̧'be kaebena böjȩ niji okobe jwiinö tjö̧bebö lileibobe chedijatö. Ja̧danö, ja̧wo̧ma jwiinö yȩijatö, 'diötadanö. Ja̧danö, yö̧te ja̧wo̧ma, nöbo̧ma, jwiinö duwijatö, tjökwösobu kwukwi̧danö duwinö.

Apocalipsis 8:12

Jemi ikena pjubo̧ pjuenama möle ja̧wo̧tjöbi, yö̧te ja̧wo̧tjöbi, ö'wedöda, si̧li̧'i̧dötjöbi ö'wedöda suli̧ tjöwaekwibobe chedijatö, juluwanöda dejatadö baibanö. Ja̧danö, möle ja̧wo̧ma, möle ja'ö baibenama yȩatibobe chedijatö, dejatökönö baibanö. Ja̧danö, yö̧te jawo̧bi, si̧li̧'i̧döbi, yö̧te ja'ö baibenama yȩtjatibobe chedijatö, tjidejatökönö.

Apocalipsis 9:2

Ja̧danö, jo̧ba sili'idanö ichejekwo̧ma, jaju apjude po̧ebemi lajutjö imiyu'wo nöinö kaamobe chedijatö. Jejenö nöinö kaamobetjö̧ ja̧wo̧bi, möbi okobe jwiinö yȩatibobe chedijatö, ja'wo imiyu'wotjö.