Génesis 1:11 - Dios Iwene

¹¹ Ikenama: —Nijitjö okobe jwiinö pokwi̧ma pokwinö babibi. Ja̧ pokwi̧ wa̧aja̧ma önebiya opijutjö libö i̧ya̧jakwada pokwinö babibi. Towibiya wa̧ji̧owibiyabi opo okwa a̧ji̧ önebiyatjö i̧ya̧jakwada pokwinö babibi— jö̧ba̧lö webijetö Diosma. Jejenö baibijetö, Dios wei̧danö.

Génesis 1:11 Iomraidhean Croise

Génesis 1:12

Ja̧danö, nijitjö okobe jwiinö pokwi̧ma pokwijetö. Ja̧ pokwi̧ma önebiya opijutjö libö i̧ya̧jakwada pokwijetö. Towibiya wa̧ji̧owibiyabi opo okwa a̧ji̧ önebiyatjö pokwijetö, i̧ya̧jakwada. Diosma ja̧ pokwaja̧ edinö ösödijetö, otiwa jö̧ba̧lö.

Génesis 1:29

Ja̧danö, yöba̧lijetö: —Okobe jwiinö önebiya opijutjö libö böjȩnö pokwi̧ma, ja̧danö okobe jwiinö towibiyanö opo okwa a̧ji̧ önebiyatjö pokwö waji̧ma kukwaduwakwa̧ baibanö ökwödönöma chiya— jö̧ba̧lijetö Diosma otidajawö̧nöma—.

Génesis 2:16

Ja̧danö: —Biyu batjo okobe jwiinö towibiyanö wa̧ji̧ kukwobö wetijayonö bakwowi towi wa̧ji̧tjö, otiwi̧bi sulabebi waisachibakwawa towi wa̧ji̧tjöma kukwoko. Jowi wa̧ji̧tjö kukwitjö̧ma i̧ya̧da möle woköbakwo̧ja— jejenö jö̧ba̧lö junijetö Isabenö Jo̧ Diosma jojonöma.

Génesis 2:5

ina nijitjöma pokwijökötö pokwi̧ma, kwakwawabi kwakwawö̧kö̧bi. Isabenö Jo̧ Diosma ina ojwiyo o̧binö weokobetjö̧, ja̧danö jojo, batjo niji soawa otido̧ ina deobetjö̧ pokwijökötö pokwi̧ma.

Génesis 2:9

Ja̧danö, Isabenö Jo̧ Diosma towibiya okobe jwiinö ju'wiowibi, ju'wiowibi, otiwi̧owibiya, ja̧danö wa̧ji̧ kwakwawanö o̧ti̧owibiya pokwobö ja̧bijetö. Ja̧danö ja̧yu ö'wejenö bakwowi, ja̧kwawa towi ji̧jetö. Jowitjö kwadöma ba̧kwelöjatebö tjuju̧kwakwedö. Ja̧danö, jelowibi ji̧jetö jayu ö'wejenö, otiwi̧bi sulabebi waisachibakwawa towima. Jowitjö kwadöma otiwi̧bi sulabebi̧ tjöwaisachibakwedö.

Diosnö ösödo̧ Job mikwo̧ usula emawina jawa 28:5

—Jau, nijima kwakwawa pokwö wa̧jemi, jo̧kwajayonö ju'wibi niji okwa ju'wi jaye jȩmi, nöinö mikwawawa zafirosbi, orobi. Niji okwa söbibajadö, ökwölanö inawiya 'dabö, ja̧ jaye tjemobö waisadö jojodöma.

Isaías 61:11

Isabenö otiwanö pjabato̧ Diosma, baikwö yöta̧la: Pokwi̧ jawa nijitjö pokwö öwawi̧danö, ja̧danö batjonö tjödaja̧ jawa öwawi̧danö, Isabenö Jo̧ Dios iteda ujulunö dö̧jibanö pjaatakwa̧ öwawinö i̧sȩbakobe, tjitebotenia jojodö tjöba a'otjö, ja̧danö jobekwö pjaatiawö̧, okobe deinö Diosnö tjösödakwedö, —Ökwöma otiwanö pjabato̧ja, —jö̧ba̧lö.

Mateo 3:10

Dios lȩebakwa̧ma isabenö yöneawachibobe, baikwö wanedö yötawa: Sulabenö tjomukwati̧ kabatibö balewachöködöma, towi wa̧jokowidanö ichejekwadö, ja̧danö Dios lȩebakwa̧'a o̧to̧mö'ama, juluwanö wa̧jokowi la'aka jubö loakwa̧'a jo̧be. Ja̧danö, okobe jwiinö wa̧jokowibiyama, Diosma jubö lobö ökwölanö ujuwakobe— jö̧ba̧lö wanedö yöawinobe Juanma.

Mateo 6:30

Jau chömöledö, ja̧ o̧bubiyama, babe ji̧jayonö, itekwayi juwö lotjakwa̧, lekwökö ji̧ o̧bubiyama. Ja̧danö, ja̧ lekwökö ji̧ o̧bubiya Dios otiwanö ite'ada̧litjöma, ökwödönöbi ite'ada̧lökenaji̧? Isabenö otiwanö ökwödönöbi pjabatö te'ada̧lo̧ chömöledö. Jau chömöledö, Diosma otiwanö pjabatö chite'ada̧lakwo̧sa, jö̧ba̧lö yöbawö ujuninobe, jo̧kwaijayonö ina dö̧ji̧ jawa dakwö ja̧dakwa̧jö jö̧ba̧lö omukwatadöja chömöledö. Ja̧danö, jejenö omukwatö kwi̧sebaduwobe, ina Dios chite'ada̧lakwo̧sa, jö̧ba̧lö yöawi̧ omukwatökönö kwö̧jaduwi̧ma.

Marcos 4:28

A̧dekwanö niji okwatjö pokwobe. Ajayima pokwi̧. Jemi ikena ida̧ökö ö̧bubiya bo̧bö, ochobiya wa̧ji̧. Jemi ikena ida̧ökö yȩi̧.

1 Corintios 15:38

Jo̧kwaijayonö, wainö ichejekwijayonö, Diosma iteda omukwati̧danö ja̧de iteba'odanö iyobe, ¿jö̧tö? Jau chömöledö, bakwadekwena wainö iteba'okwena iyobe.

Hebreos 6:7

Chömöledö, wanedö yötawaduwakwö, batjonö wanedö, bakwo̧ Jesúsnö kabatibö 'yo̧ma yemidanö tjeachajoböma jwiobe, jö̧ba̧lö: Ja̧danö, bakwo̧ omukwati̧ balewachökönö tjebachajö̧kö̧ma batjonö pokwi̧nö wanekwachobe. Ju'wedöma batjo tjujuwinobe. Ikenama tjujuwinayu tjö'dawödinobe. Jemi ikenama tjö'dawödajayu sotjinobe tjujunobö. Jemi ikenama, jayu otiwanö tjujuninayunö ojwiyo nöinö o̧binobe. Ja̧danö, jemi tupakwö otiwanö pokwinobe, jojodö tjukwakwa̧ma. Ja̧danö Diosma, jayu otiwanö pokwayu edö ösödo̧, Biyu batjoma otiwa, jö̧ba̧lö.

Santiago 3:12

Ja̧danö, ju'wi wanedö yötawa: Towi, higuera mikwowima higo opobiyada wa̧ji̧. Ju'wi aceituna opobiyama wa̧jökö. Ja̧danö uba sa'banö higo opobiyama wa̧jökö. Ja̧danö, ju'wi wanedö yötawa: Ja̧danö, ojwiyo o̧tödökwöma ojwiyo leökökwöma pjabacha̧löma jö̧kö̧. Chö̧ja̧wo̧dö jejenö, ökwödö dinenenö bakwanenöda yöda̧lobö jo̧be, sule otiwanöda.