Gálatas 6:5 - Dios Iwene

⁵ Jau chömöledö, okobe deinö bakwo̧nökwena dotidawakwena dotidobö jo̧be.

Gálatas 6:5 Iomraidhean Croise

Proverbios 9:12

Jao chömöledö, jweinö omukwatö kwö̧jaduwitjö̧ma otiwanö kwö̧jaduwakwedöja. Jobekwö kwö̧jaduwokobe jweinö omukwatö ja̧kwawa yötjawi̧ kwöpöjödaduwitjö̧ma. Isabenö, jweinö omukwatö ja̧kwawa yötjawi̧ oböda kwöpöjödaduwitjö̧ma usula kwemawaduwakwedöja— jobekwö yöawinobe Salomónma.

Mateo 16:27

Jau chömöledö, ötjö jojo baibanö jeminökwema, Chabe'do Dios ujulunö chömöayedö ángelesdökwö yemidanö chichocha, ja̧danö jejenö chichenama, lȩbebö chichocha, jojodö ja̧tjaja̧ mikwa baibanö.

1 Corintios 3:8

Jau chömöledö, önebiya lödo̧bi, ojwiyo sa̧sa̧bo̧bi bakweminö Dios wei̧ otidadö. Ja̧danö, Dios wei̧ ja̧bö tjotidobetjö̧, bakwo̧nökwena tjotidaja̧ mikwa iyakobe Diosma.

1 Corintios 4:5

Ja̧danö, Duluwo̧da yöawakwo̧obetjö̧, Duluwo̧ yöawakwa̧ abönöma, ju'wedönö yöbawökönaduwi, Aaa, Duluwo̧ wei̧ otiwanö ja̧badö, sulabenö ja̧badö jö̧ba̧lö. Jau chömöledö, Duluwo̧ ichakwa̧ möle badekwachenama, jo̧bada yöawakobe. Baikwö wanedö yötawa: Okobe jwiinö yȩa'wo okwa jawa Duluwo̧ma idejatakobe, otiwanö öwawinö baibanö, ja̧danö, jojodö tjomajadenö tjomukwati̧ i̧sebakobe Duluwo̧ma. Ja̧danö, iya̧da möleda Diosma jojodönö bakwo̧nökwena yöawakwo̧ otiwanö tjotidinama.

Apocalipsis 2:23

Ja̧danö, jobuju jömöayedönö, jobuju yöjawi̧ ösödadönöma omönanö ö'wö batjibanö wetakwo̧sa. Ötjöma jobadö tjo̧'wo̧ luwo̧ okwanö tjomukwati̧bi waiso̧sa. Ja̧danö, jobadö ö'wö batjibiawö̧ okobe deinö ötjönö ösödadöma, okobe jwiinö tjö̧baji̧tenia, jweinö tjöwaisachibakobe ötjönöma. Ötjönö jweinö tjöwaisachibakobe, ¡Ayö! Jesúsma jojodö tjo̧'wo̧ luwo̧ okwanö tjomukwati̧bi okobe jwiinö waiso̧, jö̧ba̧lö. Ja̧danö, tjöwaisachibakobe lȩtebakwa̧ma jweinö omukwatö lȩtebakwo̧sa, jojodö bakwo̧nökwena ja̧tjaja̧ mikwama. Jau, jojodö ja̧tji̧ mikwama lȩtebocha, sulabenö omukwatö ja̧badönöma.

Apocalipsis 22:12

Ikenama Jesús yöawijatö ötjönöma: —Lekwökö ötjö yemidanö chichakwa̧ma. Chichenama otiwa jawa chiyakwo̧sa otiwanö ju̧kwadönöma. Ja̧danö, sulabe ja̧badönöma balekwa mikwa lȩbebö ja̧takwo̧sa.