Gálatas 6:1 - Dios Iwene

¹ Chömöledö, wanedö yötawa: Ökwödötjö bakwo̧ sulabenö ja̧bö meitjö̧ma, ökwödö Dios O̧'wo̧ Luwo̧ yöawi̧ a̧ja̧kwadöma jo̧banö dösölö̧jinö pjabatö kwa̧lapedaduwonö. Ja̧danö, jejenö kwa̧lapedaduwenama, omukwatönö kwö̧jaduwo, jo̧ba sulabenö ja̧i̧danö ökwödöbi ja̧köbaduwobö kwösödaduwapji jö̧ba̧lö.

Gálatas 6:1 Iomraidhean Croise

2 Samuel 11:2

Ja̧danö, jobe Jerusalennö ö̧jonö, baikwö baledinobe: Ju'wi möle aba̧lajo̧, yi̧benakwö la'aka luwo̧ Davidma a̧la̧ibö kweachinobe, ejutjö mö ba̧ba̧lawobema. Ja̧danö, kweachonö, mötjö edinobe jojosuju jejutjö ojwe ibujunö, jwiinö otiwujunö.

Mateo 11:29

Jau chömöledö, ötjö weti̧ ja̧badö bakibaduwo, ja̧danö ötjö chöba̧ja̧di̧ kwöwaisachaduwo chömöledö, ötjöma isabenö dösölö̧jinö ja̧bo̧chobetjö̧. Jau chömöledö, isabenö ökwödönö pjatatocha. Wanedö yötawa: Kwo̧'wo̧ luwo̧duwitjö kwö̧'wachaduwobö pjatatocha,

Mateo 26:69

Pedro ö'weje pjabatadö la'aka tjuluwo̧ eju a̧petutjö ina ö̧bena, la'aka tjuluwo̧ ömöayedötjö bakwuju ichö yöja̧linobe: —Ökwöbi Jesús Galilea jojokwö kwebachinaja— jö̧ba̧lö.

Mateo 26:75

ja̧danö Pedroma Jesús yöawina omukwatibinobe: —Akala jwöakwa̧ abönö, wa̧pötakwanö ötjönö wajwitökwe jö̧ba̧lö yöka̧lakwo̧ja— jö̧ba̧lö yöawina omukwatibinobe. Ikenama Pedroma jobetjö labebö, jwiinö o̧'wo̧ tjo̧achö ubudekwinobe.

Mateo 9:13

Ja̧danö jemi tupakwö weinobe jobadönö: —Biya̧ Dios iwene laebi̧ jawa waisachajaduwi, okwanö laebi̧ kwöwaisachibaduwobö, baikwö laebi̧ma: Inesö chösödi̧ma ajikwakwawedönö kwabö juwö kwiyaduwobömaökö, inesö chösödi̧ma lȩlö̧jinö edö jojodönö pjakataduwobö, jö̧ba̧lö laebobe. Ja̧danö, ötjöma otiwadösa jö̧ba̧lö omukwatadönö jwöböma ichö̧kö̧sa. Sulabedösa jö̧ba̧lö waisadönö jwöbö icho̧sa— jö̧ba̧lö yöawinobe.

Romanos 14:1

Chömöledö, ju'wedö Jesúsnö ösödadöma, Jesúsnö tjösödijayonö, ina me'dawadö tjo̧'wo̧ luwo̧nöma ichejekwa chömöledö. Jejenö tjo̧'wo̧ luwo̧nö me'dawadönö kwöpöjödaduwoko chömöledö, ina kwösödaduwo jobadönö kwömöledöduwinö. Ja̧danö, jobadökwö jwöjwököbakwawaduwa chömöledö, tjomukwati̧ jawama.

Romanos 15:1

Chömöledö, do̧'wo̧ luwo̧nö ida̧ökö juluwadö dö̧jitjö̧ma, juluwöködönö pjadatobö jo̧be. Jau chömöledö, ökwödö dösödi̧da ja̧doböma domukwatoko,

Romanos 8:6

Jau chömöledö, suli̧ ömöayedödanö ju̧kwadöma, wotjakwedö. Jo̧kwaijayonö, Dios O̧'wo̧ Luwo̧ ömöayedödanö ju̧kwadöma, wene jwiinö ba̧kwȩlö̧jatebö tjuju̧kwakwedö Dioskwö.

1 Corintios 10:12

Ja̧danö, ajayinö ju̧kwadönö baledina omukwatö, baikwö wanedö yötawaduwakwö chömöledö: Aaa, juluwadösa, 'diinö waekwökönö ja̧dösa jö̧ba̧lö kwomukwataduwitjö̧ma, ö'wiakwawönö kwö̧jaduwo chömöledö, waekwö meköbaduwapji jö̧ba̧lö.

1 Corintios 14:37

Ja̧danö, baikwö yötawaduwakwö chömöledö, ökwödötjö bakwo̧ Aaa, Dios yöawi̧ yöbawo̧sa̧ jö̧ba̧lö omukwatitjö̧ma, ja̧danö Aaa, ju'wi ja̧bö chö̧jo jö̧ba̧lö Dios iyinökwesa jö̧ba̧lö omukwatitjö̧ma, chiwȩyudaja̧ a̧ja̧kwö ösödo jö̧a̧lobe chömöledö, isabenö Duluwo̧ wei̧ jö̧ba̧lö.

1 Corintios 2:15

Ja̧danö, okobe deinö Dios O̧'wo̧ Luwo̧nö juna̧ladöma, okobe jwiinö edö tjöwaisobö juna̧ladö, Aaa, biya̧ma mikwa ji̧, mikwawökö ji̧ jö̧ba̧lö. Ja̧danö, jejenö edö tjöwaisijayonö, Dios O̧'wo̧ Luwo̧nö juna̧löködöma jobadö juna̧ladönö edö tjöwaisoböma jwibadö, Aaa, bitema mikwawo̧, mikwawö̧kö̧ jö̧ba̧lö.

1 Corintios 3:1

Chömöledö, ökwödö Corintionö ju̧kwadö Jesúsnö ösödadönö yötawenama, ju'wedö Dios O̧'wo̧ Luwo̧nö juna̧ladönö yötawi̧danö yötawobö jö̧ta̧lijayonö, waekwijatö. Jejenö yötawoböma jwiijatö chömöledö. Jau chömöledö, ökwödönö yötawenama, böjȩ jojodönö yötawi̧danö, ja̧danö iya̧nö Cristonö ösödadönö yötawi̧danö yötawijatö.

1 Corintios 4:21

Ja̧danö, ökwödönö edö chichenama, ¿dakwö chichobö kwösödaduwa chömöledö, labinö ökwödönö kwakwabödanö chichoböö̧kö̧, dösölö̧jinö ökwödönö ösödö chichoböö̧kö̧? Lȩtebi̧ kwa̧ja̧kwaduwitjö̧ma dösölö̧jinö ösödanö chichena, jo̧kwaijayonö kwa̧ja̧kwaduwökötjö̧ma kwakwabödanö jwebebö chichocha chömöledö.

1 Corintios 7:5

Jo̧kwajabetjö̧, kwi̧lȩkwa̧mubedökwö bakobe bakibaduwoböma kwöpöjödaduwa chömöledö. Chömöledö, ökwödötjö ju'wedö tji̧lȩkwa̧munö ju̧kwadöma kwomukwataduwena, jwaikwöda Diosnö abebö chö̧jo jö̧ba̧lö, ö̧tö̧chödanö ja'yubenö lekwe chilekwokwö bakobe babibökönö jwaikwöda Diosnö abeböda chö̧jobö chösöda jö̧ba̧lö kwomukwataduwena. Jejenö ja̧baduwi jö̧ba̧löma wetökö chömöledö, jo̧kwaijayonö jejenö kwösödaduwitjö̧ma, baikwö yötawa. Ökwöbi, kwilekwobi bakobe jejenö ö̧tö̧chödanö bakobe babibökönö Diosnö abebö kwö̧jaduwobö kwösödaduwitjö̧ma, jo̧kwada, kwösödaduwi̧danö ja̧köbena. Jo̧kwaijayonö lekwema kwilekwokwö babibökönö kwö̧jaduwa chömöledö, Awetja sulabenö ja̧köbaduwojobö ja̧iawö̧, sulabenö kwösödaduwi̧danö kwilekwobökujukwö ja̧köbapji jö̧ba̧lö.

2 Corintios 10:1

Chömöledö, Cristoma lȩlö̧jinö ja̧danö dösölö̧jinö ja̧bö jo̧, ¿jö̧tö? Ja̧danö, ötjö Pabloma jo̧ba Cristo iminö dösölö̧jinö abebö wetaduwakwö, ökwödönö wȩyudö yötawi̧ kwa̧ja̧kwaduwobö, kwiteboduwibe chichibena ökwödönö lȩtebapji jö̧ba̧lö. Jau chömöledö, ju'wedö ötjönö yötja̧lena, Aaa, Pablo ökwödökwö ö̧jenama, labinöma yöba̧lö̧kö̧, sule jelobetjö iwȩyudenada labinö yöbawö wȩyudo̧ Pabloma, jo̧kwajabetjö̧ ichakwa̧ yedabökö jö̧ba̧lö yötja̧lena.

2 Corintios 2:7

Babe yemidanö jo̧banö kwösödaduwo, sulabenö ja̧ina omukwatökönö, ja̧danö o̧'wo̧ tjo̧achaja̧ ösödachibanö pjakataduwonö, nöinö o̧'wo̧ tjo̧achapji jö̧ba̧lö.

2 Corintios 2:8

Jo̧kwajabetjö̧, atebaduwakwö, jo̧banö kwösödaduwi̧ kwi̧sebaduwobö, kwösödaduwi̧ öwaisachibakobetjö̧.

Gálatas 5:23

jojodönö labinöma webökönö ja̧awabi, tjösödi̧da ja̧bökönö biya̧ma otiwanö ja̧awa jö̧ba̧lö tjöwaisi̧danö ja̧awabi. Ja̧ jawa i̧sekwö dö̧jo jö̧ba̧lo̧ do̧'wo̧ luwo̧nö otidobe Dios O̧'wo̧ Luwo̧ma. Jau chömöledö, jejenö ja̧bö ja̧kwawama otiwa, ja̧danö jojodönö weawama jwia jejenö ja̧köbaduwa jö̧ba̧löma chömöledö.

Gálatas 6:18

Duluwo̧ Jesucristoma kwo̧'wo̧ luwo̧duwinö lȩlö̧jinö edobö chösöda chömöledö, jejenö otiwa. Biya̧data

1 Tesalonicenses 4:1

Chömöledö, belö ökwödönö yödawijatö, Dios ösödi̧danö ja̧kwawama, baikwö ja̧bö kwö̧jaduwo jö̧ba̧lö, ¿jö̧tö? Ja̧danö babema Duluwo̧ Jesús iminö budekwödanö wedaduwakwö, yödawinadanö ja̧bö kwö̧jaduwo jö̧ba̧lö. Isabenö jejenö ja̧bö ju̧kwadöja ida̧ökö chömöledö, jo̧kwaijayonö jemi tupakwöbi jejenö ja̧bö kwö̧jaduwo chömöledö.

2 Tesalonicenses 3:15

Jo̧kwaijayonö jo̧banö omukwatökönaduwi, döpöjojo jö̧ba̧löma chömöledö, bitema döjawo̧ jö̧ba̧lö pjabatö lȩkebaduwonö chömöledö.

2 Timoteo 2:25

Ja̧danö, Dios jawa öpöjödadö jobadönö öpöjödakwawö tjö̧jena, jobadökwö jwöjwöbakwawökönö dösölö̧jinö jwetjebobö jo̧be, Dios pjaatitjö̧ma bidöma sulabenö tjomukwati̧ kabatibö tjöbalewachena, ja̧danö isabenö wene tjösödena jö̧ba̧lö.

Hebreos 12:13

Ja̧danö chömöledö, ökwödö jwaikwöda me'dawachibökönö kwi̧'yaduwi̧ma kwö̧ja̧wo̧döduwi me'dawadönö pjaatobe jobadö otiwanö tji̧'yobö. Wanedö yötawaduwakwö: Jwaikwöda kwi̧'yaduwi̧ma mana jweinö 'wibiabö i̧'yi̧danö ji̧. Ja̧danö, jwaikwöda juluwachibö kwi̧'yaduwena, mana jweinö 'wibiabö 'yo̧ i̧'yi̧danö, kwö̧ja̧wo̧döduwi me'dawadö, ji̧ka ji̧ka kwetjachobedanö kwebachadöma kwökömaduwinö jweinö 'ya̧dö, jama jweamanö. Jejenö me'dawadöma otiwanö kwökömaduwinö 'ya̧dö, mebökönö, tji̧bȩjwi̧yabi 'debawökönö. Ja̧ wanedö yötawi̧ma wanekwachobe, Ökwödöma juluwachibanö, jwaikwöda kwi̧'yaduwobö jo̧be, ju'wedö me'dawadöma ökwödönö edö jobadöbi tjo̧'wo̧ luwo̧nö juluwachibanö, jwaikwöda tji̧'yakobetjö̧.

Hebreos 13:3

Ja̧danö, kwö̧ja̧wo̧döduwi ka̧lena ba̧kwawejunö ba̧jadönö pjakataduwo. Jobadönö kwo̧'wo̧duwi tjo̧bekwö edö, Ökwödöbi domajade okwanö jobadökwö bakobe usula emawö tjö̧baji̧danö ka̧lena ba̧kwawejunö ba̧jadösa, jö̧ba̧lö. Ja̧danö, ju'wedö usula emawadönöbi jejenö kwomukwataduwo, Jobadökwö bakobe usula tjemawi̧danö usula emawadösa domajade okwanö, jö̧ba̧lö. Chömöledö, ökwödöbi jojodököbaduwobetjö̧ kwöwaisaduwa, ja̧ usula emawakwawama jwiinö nii̧, jö̧ba̧lö.

Santiago 3:13

Chö̧ja̧wo̧dö ökwödötjö bakwo̧, waisanö omukwato̧ma, ja̧danö, Dios iwene jweinö waiso̧ma jo̧ba öwaisi̧ma i̧sekwobö jo̧be. Ja̧danö ¿dakwö i̧sekwobö jo̧beda? Biya̧ chö̧ja̧wo̧dö: Bakwo̧, jweinö waiso̧ma jojodönö dösölö̧jinö pjabato̧. Jejenö dösölö̧jinö pjabatö i̧sekwobe, Ötjöma Dios öibökwesa waisanö chomukwatobö, jö̧ba̧lö.

1 Juan 5:16

Jau chö̧ja̧wo̧dö, Diosma ökwödö adebi̧ isabenö a̧ja̧kwö pjabato̧, jo̧ba ösödi̧danö adebena. Ja̧danö, ökwödönö yötawobö jö̧ta̧la̧duwakwö Diosnö adebi̧ dö̧ja̧wo̧dönö, sulabenö omukwatö ja̧dönöma. Chö̧ja̧wo̧dö, bakwo̧ Cristotjö döjawo̧ sulabenö omukwatö ja̧obe dedenama Diosnö adebobö jo̧be jo̧banöma. Isabenö, adebobö jo̧be chö̧ja̧wo̧dö, Diosma jo̧banö pjaatobö yemidanö o̧'wo̧ luwo̧nö otiwanö ö̧jobö, 'yabayo̧danö. Ja̧danö chö̧ja̧wo̧dö, yöta̧laduwakwö. Jo̧ba döjawo̧, Diosnö adebo pjaatobö jö̧ta̧lökwema, Diosnö öpöjödö kabatibö̧kö̧. Jo̧bama Diostjö 'da̧bachibö̧kö̧, sulabenö omukwatö i̧'yijayonö. Jo̧kwaijayonö chö̧ja̧wo̧dö, döwaisa, ju'wedöma tjö̧jobe Diosnö jwiinö öpöjödö, jo̧batjö 'da̧bachibö 'ya̧dö. Bakwo̧, jejenö Diosnö öpöjödö kabatibö 'yo̧ma jwiinö sulabenö ja̧bo̧. Ja̧danö, jwiinö sulabenö ja̧obetjö̧ o̧'wo̧ luwo̧ okwanö wobinada jo̧, Diostjö 'da̧bachibö. Jo̧banöma Diosnö adebobö jwiobe chö̧ja̧wo̧dö.