Gálatas 5:26 - Dios Iwene

²⁶ Ja̧danö, otiwo̧sa jö̧ba̧löma domukwatoko chömöledö, ja̧danö dömöledönö dödameadabinöma ja̧doko, ja̧danö ö'wiabinöma dedaduwoko chömöledö.

Gálatas 5:26 Iomraidhean Croise

Lucas 14:10

Jejenö ökwödönö baledapji jö̧ba̧lö baikwö ja̧köbaduwo: Ökwödönö pjiesta kwujunobö tja̧debenama, jo̧kwadabedö tjö̧benada kwöbamato, ja̧danö ökwönö a̧debajo̧ teachenama, ökwönö weena, Chömöledöso̧, ichi, otiwanö chösödawö̧ tjö̧benada kwöbamato, jö̧ba̧lö. Jejenö baleditjö̧ma, okobe deinö jobe ba̧ja̧dö tjöba a'otjö i̧sebena, isabenö otiwanö ösödökweja jö̧ba̧lö.

1 Corintios 3:7

Ja̧danö, önebiya lödo̧bi, ojwiyo sa̧sa̧bo̧bi kwösödaduwoböma mikwawöködö chömöledö, sule pokwobö ja̧binada mikwawo̧ma, Diosda mikwawo̧ma kwösödaduwobö chömöledö.

Gálatas 5:15

Jo̧kwaijayonö, jejenö ösödabikwawökönö ja̧nö, wanedö yötawa: Kwömöledöduwinö yö̧yö̧bö, ja̧danö suli̧ waedö kwö̧jaduwitjö̧ma, kwö̧jaduwi̧ waekwena chömöledö. Jo̧kwajabetjö̧ te'ada̧lö kwö̧jaduwo chömöledö, bakwo̧nökwena söbebakwawö loköbaduwapji jö̧ba̧lö.

Filipenses 4:15

Jau chömöledö, kwöwaisaduwa, ajayinö otiwa jawa wene yöbawö chö̧jinama. Kwiteboduwi Macedoniabetjö latebenama, ju'wedö Jesúsnö ösödadö tjö̧baji̧tenia ju̧kwadöma ötjönö pjatjatinokobe, ökwödöda pjakatinaduwobe ötjönöma, ¿jö̧tö? Jau chömöledö, ju'wedöma ötjönö pjatjatinokobe jejenöma, sule ökwödö Filipos jojodöda balada iyö bakobe ötjökwö kwotidinaduwobe chömöledö.

Santiago 4:16

Jo̧kwaijayonö ökwödöma Diosnö omukwatökönö ökwödöda yöka̧laduwobe kwi̧'yaduwakwa̧bi, kwotidaduwakwa̧bi. Jejenö yöka̧laduwi̧ma otiwökö. Sulabenö kwomukwataduwobe chö̧ja̧wo̧dö, jejenö yöka̧laduwena.

1 Pedro 5:5

Ja̧danö ökwödö te'ada̧lakwawa luwedötjö ina möayedödanö ju̧kwadöma damöbedönö kwa̧ja̧kwaduwo. Ja̧danö, okobe deinö ökwödönö baikwö yötawa, möayedödanö te'ada̧lakwawa luwedönöbi, damö te'ada̧lakwawa luwedönöbi: Te'ada̧lakwawa luwedö kwö̧jaduwijayonö, labinö webökönö bakwo̧nökwena pjabatakwawö kwö̧jaduwo, chömöledö tjömöayo̧danöbo̧sa jö̧ba̧lö. Jau chömöledö, jejenö omukwatö kwö̧jaduwobö jo̧be, Dios iwene baikwö laebobetjö̧: Diosma otiwadösa jö̧ba̧lö omukwatadönö ölakwabikwawö ö̧jobe, jo̧kwaijayonö otiwadösa jö̧ba̧lö omukwatöködönö lȩlö̧jinö pjabato̧, jö̧ba̧lö.