Gálatas 5:12 - Dios Iwene

¹² Baikwö chomukwatobe ökwödönö suli̧ tjöwaedotö jö̧ba̧lö 'wiekwa weba̧ladönöma chömöledö, jobadöma wainö idödada jwiinö 'witjekwo, tjöla'yapobi 'witjekwo jö̧ba̧lö.

Gálatas 5:12 Iomraidhean Croise

Génesis 17:14

Ja̧danö, bakwo̧ 'wibekwö loökötjö̧ma jo̧bama ökwödötjö a'dewö loköbo ötjö weti̧ma a̧ja̧kwokobetjö̧— yöbawijetö Diosma Abrahamnö.

Génesis 30:34

Jejenö jö̧a̧lökwe: —Jao kwatjö̧ma, otiwa, yöka̧li̧danö weto— jö̧ba̧lijetö Labánma.

Éxodo 12:15

Isabenö Jo̧ma ina yöba̧lijetö Moisésnö Aarónnö: Kwejubiya wame chöbaledina omukwatö ba'ali kukwaja̧duwa ikena möle, ju'wi fiesta kwujunaduwo. Ja̧ ba'ali jelemutjö dötölataja möle baledibanö kwujunaduwo. Ja̧ fiesta kwanö pan kwukwaduwakwa̧ma 'ye'yeachö̧kö̧ panda kukwaduwo. Ida̧ökö ja̧ jelemutjö̧ dötölataja mölebiyatjö ajayi mölema kwejubiyaduwi okwa pan otikwa 'ye'yeachi̧ma loköbaduwo kwejuduwitjö okobe jwiinö 'ye'yeachi̧ jawa jwiakobetjö̧. Isabenö, bakwo̧ panpja̧ 'ye'yeachi̧kwö kwo̧nöma kwö̧jaduwemitjö a'dewö loköbaduwonö.

Éxodo 30:33

Ökwödökwö bakwo̧ jobu o̧tesobudanö iteda ösödö otiditjö̧ma ökwödötjö a'dewö lotjökwedanö ö̧jakobe, Israel jojobö̧kö̧ baibanö. Ja̧danö, jenada bakwo̧ jobu o̧tesobuma jelo̧nö, ötjötjö jojodötjö dö'da̧de pjabato̧bö̧kö̧nö toebitjö̧ma, a'dewö lotjökwedanö ö̧jakobe, Israel jojobö̧kö̧ baibanö— webijetö Isabenö Jo̧ma Moisésnöma.

Juan 9:34

Jejenö jö̧a̧lawö̧, tjöpöjödinobe: —Ökwöma ökwödö, waisadönö ¿kwöba̧ja̧diji̧? Ökwöma sulabo̧ja. Kwojo'do jeminena baikwö sulabo̧ja. ¿Dakwö kwöba̧ja̧dobö ökwödönöma?— jö̧tja̧linobe. Ja̧danö, jejenö jö̧ba̧lö labebö lotjinobe jo̧banö, judío jojodö ba̧nö tja̧ja̧kwejutjö.

Hechos 15:24

Belö da̧ja̧kwijatö dömöledötjö ju'wedöma kwiteboduwi 'ya̧nö, ökwödö judío jojodöböködönö jelobenö yötjawiawö̧ kwo̧'wo̧duwinö tjo̧kekwaduwinobe. Dömöledö, ökwödönö yöda̧la. Jobadöma wainö yötjawinobe. Ökwödöma jobadö wainö yöbawadönö wedijökötö jobekwö tji̧'yoböma. Idödada omukwatö tji̧'yinobe.

Hechos 5:5

Ikenama Ananíasma Pedro jö̧a̧li̧ a̧ja̧kwö omönanö mebö ö'wö babibijetö. Jojodöma, ja̧ baledaja̧ a̧ja̧kwö yelösöda yebabijadötö.

Hechos 5:9

Jejenö jatadiökwe Pedroma jö̧ba̧lijetö: —¿Tajawedö ökwödöma Duluwo̧ O̧'wo̧ Luwo̧nö, sulabenö omukwatö ja̧köbinaduwada? ¿Kwomukwataduwaji̧, Aaa, Dios O̧'wo̧ Luwo̧ma ökwödönö lȩebökena, jö̧ba̧lö? ¿Jejenö kwomukwataduwaji̧? A̧ja̧kwitjö. Babema tjȩwa̧ja kwilekwenö lödajadöma. Ökwönöbi lödö tjicha—jö̧ba̧lijetö Pedroma.

Gálatas 2:4

Jau chömöledö, ajayinöma ju'wedö Jesúsnö ösödöködöma Jesúsnö ösödöködötjijayonö, Jesúsnö ösödadödanö ichejekwö ökwödö Jesúsnö ösödadö dö'da̧de tjichibinobe, Cristo Jesúsnö ösödadö dö̧ji̧, Cristo Jesús midawö woinobetjö̧ Moisés iwȩyudina jawatjö dö̧jibina tjedo jö̧ba̧lö. Jobadöma ökwödönö suli̧ tjöwaedotö jö̧ba̧lö, yemidanö Moisés iwȩyudina jawatjö ömöayedödanö badibanö ja̧tjotö jö̧ba̧lö tjichinobe chömöledö,

Gálatas 5:10

Jo̧kwaijayonö, ötjöma Duluwo̧nö cho̧'wo̧ wana̧lö chö̧jobe chömöledö, isabenö ökwödönö pjaatakwo̧ ötjö chomukwati̧danö ökwödöbi kwomukwataduwo jö̧ba̧lö, ja̧danö ökwödönö suli̧ waedö sulabenö yöbawo̧nö lȩebakwo̧ jö̧ba̧lö.

Deuteronomio 23:1

Tupakwö yöawinobe Moisesma, israel jojodönö: —Chömöledö, israel jojodötjö bakwo̧ öla'yapo 'dainökwe ö̧jitjö̧bi, ötade 'wibekwo̧ ö̧jitjö̧bi, Isabenö Jo̧ öba a'o ichibobö jwiakobe. Ju'wedö israel jojodö Isabenö Jo̧ öba a'o tjo̧ko̧kwenama, jo̧bajayo̧ ju'wedökwö o̧ko̧kokwobö jwiakobe.

Tito 3:10

Tito, Jesúsnö ösödadötjö bakwo̧ma Jesúsnö ösödadö ju'wedö Jesúsnö ösödadökwö tjölakwabikwawobö ja̧bo̧ ö̧jitjö̧ma, jo̧banö weköbo, jejenö ja̧bö ö̧ji̧ kaatibobö. Bakwötanö weköbajökwe ina a̧ja̧kwökötjö̧ma, yemidanö weköbonö, kaatibobö. Ja̧danö, dötölatajanö kaatibobö weköbajökwe ina a̧ja̧kwökönö jwaikwöda sulabenö tjölakwabikwawobö ja̧bo̧ ö̧jitjö̧ma, jo̧batjö 'da̧bachibö kwö̧jaduwo ökwödö Jesúsnö ösödadöma.

Josué 7:12

Jo̧kwajabetjö̧, yötawinadanö baibajabe, tjöpöjojodö tjöba a'o tjö̧jobö tjujuluwokobe, ja̧danö tjöba a'otjö dötjibajobe. Isabenö yötawakwö, ajayinö Jerico jawa söbebö loköbaduwobö wetina jawa söbebö loköbaduwökötjö̧ma, la'akatjöda ökwödökwö ja̧nö pjatatökakwo̧sa, wetinadanö söbebö loköbaduwobö jo̧be.

Josué 7:25

Ja̧danö, wabekobe ichibö, Josuema Acannö yöa̧linobe, —Acan, ökwöma sulabenö ökwödö israel jojodönö wene jwökebajabetija, ja̧danö jejenö ökwödönö wene jwökebiökwe, Isabenö Jo̧ma balekwa mikwa ökwönö wene weajabe, ja̧danö babe möle ökwönö lȩebobe, —jö̧ba̧lö. Ikenama, jejenö jö̧a̧laja̧ ikenama, okobe deinö israel jojodöma Acannöbi, itji̧munöbi, ajwimunöbi inawiya ikwawö kwabö lotjinobe. Ikenama, kwabö lobajadö, tjiteba'o ökwölanö juwö lotjinobe.