Baikwö wanedö yöawobe Diosma, israel jojodönö: Chitji̧mu, kwojo'donö, tajawedö jelobekwö öbibö tje'ewinada? Jobujunö kabatibö, chilekwonö katatibobö wȩyukwöja chi̧wȩyudajabetjö̧, jobujunö öbibö tje'ewinaji̧? Ja̧danö ökwödö chi̧tji̧mubedö, ju'wedö tjömöayedö bakibaduwanö kwö̧jaduwi̧ma, ju'wedönö chumusidobetjö̧, ju'wedö tjömöayedö bakibaduwanö iyö lotinaji̧? Ja̧maökö chitji̧mu, ökwödö sulabenö ja̧bö kwö̧jaduwobetjö̧, iyö lotinawö̧ja. Kwojo'doduwibi ja̧danö, sulabenö ja̧bö jö̧jinobetjö̧, jelobekwö öbibö tje'ewinoko.
Gálatas 4:26 - Dios Iwene26 Jo̧kwaijayonö, jeluju midö emawökuju Sarama, mölejȩbetjö Jerusalén comunidad badekwachuju, jobe ju̧kwadöma ömöayedöböködö tjuju̧kwobetjö̧. Ja̧danö, jobuju midö emawökujuda ökwödö dojo'doma chömöledö. Faic an caibideil |
Gálatas 4:26
27 Iomraidhean Croise
Jau chömöledö, suli̧ma ökwödönö juluwoböma jwiobe yelösöda babema, Diosma suli̧tjö kwö̧jibaduwanö ja̧inobetjö̧. Jo̧kwajabetjö̧, jwaikwöda otiwanö ja̧bö kwö̧jaduwo, sulabenö ja̧bökönö. Jau chömöledö, Diosma ökwödönö weinokobe, Okobe jwiinö Moisés iwȩyudina ja̧bö kwö̧jaduwo, jö̧ba̧lö. Ju'wida ja̧inobe, itedada mikwa jwiinö otiwa jawa iyö, suli̧tjö kwö̧jibaduwanö ja̧inobe. Ja̧danö jejenö pjaatinobetjö̧, suli̧ma ja'yubebi ökwödönö juluwoböma jwiobe chömöledö.
Jejenö kwösödaduwiökwe, suli̧tjö kwö̧jibaduwanö ja̧inobe Diosma, iteda ömöayedö bakibaduwanö. Ja̧danö, Dios ömöayedö babibö, otiwa jawa ja̧tjakwedö bakibinaduwobe. Jau chömöledö, Diosma otiwanö pjaatinobe ökwödönöma. Ja̧danö, otiwanö pjaatina omukwatö, jo̧banöda dösödena, otiwanö pjabato̧ja jö̧ba̧lö.
Jejenö ji̧nobe da'dödömine Dios ö̧jobekwö tjichibinama. Ja̧danö, ja̧ baledina ökwödönö i̧sebobe Dios ajayinö yöbawö ujunina wei̧ jamatö 'yi̧na, Dios wei̧ Moisés iwȩyudinama. Jo̧kwaijayonö chömöledö, jejenö baledinokobe ökwödö, Jesúsnö ösödadönöma. Dios 'yayi̧ balekwa yöbawö ujuni̧ma jejenöma jamatö 'yi̧nokobe, ökwödö Dios ö̧jobekwö kwichibinaduwama. Ökwödö Dios ö̧jobekwö kwichibinaduwama, da'dödömine ja'o mö'ösa'o yebabinö tjichibinadanömaökö. Ökwödöma jele'o, Sión mikwa'o, ja̧danö mölejȩbe Jerusalén mikwa'o jo̧bekwö ichibinadöja, 'yaba̧lo̧ Dios ö̧jobe wanekwacha'o jo̧bekwö. Chömöledö jobe kwo̧'wo̧ luwo̧duwinö ichibö Dioskwö ju̧kwadöja. Ja̧danö, jobema ángelesdö ba̧jekwadö ko̧ko̧kwa̧lö, tjo̧'wo̧ ösöwö, Diosnö jwiinö ösödö tjö̧jobe.
Jau chömöledö, kwöwaisaduwa, ju'wedö Cristonö ösödadöma yötja̧lena, Aaa, Cristonö chösödobetjö̧, ida̧ökö mölejȩ jojosa, böjȩ jojobö̧kö̧sa, jo̧kwajabetjö̧ luwedö wetji̧ cha̧ja̧kwobö jwibo̧sa, mölejȩ jojodö tjuluwedötjokobetjö̧, jö̧ba̧lö. Jau chömöledö, jejenö omukwatadö tjuju̧kwobe, ja̧danö jejenö omukwatö, sulabenö ja̧bö tjö̧jobe. Jobadö tjomukwati̧danöma kwomukwataduwa chömöledö. Isabenö yötja̧li̧danö, böjȩ luwedö tjömöayedöböködösa, jo̧kwaijayonö Dios ömöayedösa, ja̧danö jo̧bama ökwödönö weobe, luwedö wetji̧ ja̧bö dö̧jobö. Jau chömöledö, Dios ömöayedö ja̧nö, sulabenö ja̧bökönö jwaikwöda otiwanö ja̧bö kwö̧jaduwo.
Ikenama ju'wi jwiinö juluwi̧ i̧sebi̧ma mölejȩnö öwawachobe chedijatö. Jobetjöma isujunö chedijatö. Jobujuma, kamijido̧ 'dutjawi̧danö möle ja̧wo̧ ö̧loko. Ja̧danö, jobujuma yö̧te ja̧wo̧nö ja̧ta̧lö bu̧ju. Ja̧danö, butjawaka, inesö la'aka luwedö tjubutjawi̧danö butjawuju. Jakanöma a̧li̧nösamutjö du̧ju̧tajanö si̧li̧'i̧dö tjö̧lajaka.
Ja̧danö, jöbanö jimibiya wȩyukwuju, ju'wedö wajwitji̧ jimima, baikwö: Bisuma inesö la'akasemi Babilonia iminö mikwuju, jö̧ba̧lö. Ja̧danö, Sulabedö, jelo̧ jelo̧nö ja̧dötjö ajayinö sulabuju, jö̧ba̧lö, mikwuju. Ja̧danö, Okobe jwiinö böjȩ sulabenö taba̧löji̧ jawanö wanekwachuju, jö̧ba̧lö, mikwuju. Jejenö jöbanö jimibiya wȩyukwuju.
Chömöledö. Sulabetjö juluwinadönö, kabebö chujunakwo̧sa la'aka luwedö batjibanö, ba̧kwȩlö̧jatebö tjö̧jobö Dioskwö. Ja̧danö, jobadö tji̧sȩdo̧nöma Chabe'do Dios imi chiwȩyudocha. Ja̧danö, jo̧ba ö̧jemi imibi chiwȩyudocha, 'yayi̧ Jerusalén mikwemi. Jemima, Dios ö̧jobetjö böjȩkwö jwiachakwemi, cho̧'wo̧ chöwana̧lökwe Dios ö̧jobetjö. Ja̧danö, ötjö 'yayi̧ chimibi chiwȩyudocha jobadö tji̧sȩdo̧nöma.
Sanasan