Gálatas 4:2 - Dios Iwene

² Ja̧danö, ina tjemu ö̧jayi, jo̧banö te'ada̧ladö tjuju̧kwobe, ja̧danö jo̧bama te'ada̧ladö tjömöayo̧danö ichejekwo̧, abe'do badedö ujunina möle badekwachenanö kabatö, ¿jö̧tö?

Gálatas 4:2 Iomraidhean Croise

Daniel 11:29

Ja̧danö Dios badedö ujunina möle badekwachenama, yemidanö Egipto nijibe ujuluwotö jö̧ba̧lö i̧'yakobe Siria la'aka luwo̧ma. Jo̧kwaijayonö yemidanö i̧'yenama, ajayinö ujuluwinadanöma baledökakobe,

Juan 15:7

Ina yöawinobe: —Ötjökwö dötewinö ja̧duwi. Jejenö ötjökwö dötewinö ja̧nö, ötjö yötawi̧ kwo̧'wo̧ luwo̧duwinö omukwatö kwö̧jaduwitjö̧ma Chabe'donö akebaduwi̧ma okobe jwiinö a̧ja̧kwö pjabato̧.

1 Corintios 4:15

Jau chömöledö, ökwödönö ba̧ja̧dadöma ba̧jekwadö tjö̧jena, wanedö yötawa, ba̧jekwadö diez mil jenanö ba̧ja̧dadö ökwödö Cristonö ösödadönö Dios iwene tjöba̧ja̧dena, jo̧kwaijayonö jobadötjö kwabe'dodanöbo̧ma ötjödasa chömöledö. Jau chömöledö, ötjö Pabloda ajayinö otiwa jawa wene ökwödönö yötawinobetjö̧, kwabe'dodanö chichejekwa chömöledö.

Gálatas 3:24

Jau chömöledö, wanedö yötawa: Cristo ichibenanö kabatö, Moisés iwȩyudinama ökwödönö waisato̧danö ichejekwinobe, Cristo ichenama jo̧banö ösödö sulabe jwibadö badibakobetjö̧.

Gálatas 4:1

Yötawaja̧ma, baikwö labebö lobö yötawa: Bakwo̧ tjemuma, okobe jwiinö iteda abe'do itea emakwo̧, ja̧danö iteda abe'do itea luwo̧danö ichejekwobe tjemuma, ¿jö̧tö? Jo̧kwaijayonö, ina tjemu ö̧jayi, iteda abe'do iteama emokobe tjemuma, ja̧danö luwo̧ ö̧jijayonö, webö̧kö̧ jo̧bama, ju'wedöda jo̧banö wetjobe, ¿jö̧tö? Jau chömöledö, iteda okobe jwiinöbi okobe deinöbi tjuluwo̧ ö̧jijayonö, ina tjemu ö̧jayi tjömöayo̧danö ichejekwo̧.

Gálatas 4:3

Ökwödöbi ja̧danö chömöledö. Baikwö wanedö yötawa: Tjemu ja'yuwo̧ wajwii̧danö, ajayinöma isabenö wene wajwibadö dö̧jinobe, ¿jö̧tö? Ja̧danö, ina isabenö wene wajwibadö dö̧jayi, böjȩ weawa jawa ja̧tjo jö̧ba̧ladö dö̧jijatö chömöledö.