Gálatas 3:7 - Dios Iwene

⁷ Jo̧kwajabetjö̧, Dios yöawi̧ ösödadöda isabenö Abraham i̧tji̧mu tupadanö jojodöma chömöledö.

Gálatas 3:7 Iomraidhean Croise

Lucas 19:9

Jejenö yöa̧liökwe, Jesúsma yöawinobe: —Bitema sulabenö omukwataja̧ kabatibö öbalewachobetjö̧ babe möle beju jojo ö̧jibajabe. Jau chömöledö, ötjö jojo baibanö jeminökwema le'dewinadönö isakwö chichijatö, tjö̧jibanö pjatatobö. Ja̧danö bitebi Abraham itji̧ tupadanö jojoobetjö̧, jo̧banöbi ö̧jibanö pjatatajabe— jö̧ba̧lö yöawinobe Jesúsma Zaqueonö.

Lucas 21:31

Ja̧danö, ja̧ edö imiame yöneawachibobe kwöwaisaduwi̧danö, yötawaja̧ baledakwa̧ kwedaduwenama, kwöwaisachibaduwena, Dios la'aka luwo̧ ö̧jakwa̧ma ida̧ökö yöneawachibobe jö̧ba̧lö.

Juan 8:39

Jejenö yöawiawö̧: —Omöna yöka̧la. Ökwödö da'döminema Abraham—yötjawiökwe: —Ökwödöma Abrahamtjö tupadanö jojodököbaduwitjö̧ma, Abraham omukwatö ö̧jinadanö omukwatö kwö̧jaduwena.

Gálatas 3:9

Jau chömöledö, Abrahamma Dios yöawi̧ ösödiökwe, Diosma jo̧banö pjaatinobe, ja̧danö ju'wedö okobe deinö jo̧ba ösödinadanö ösödadönöbi pjabato̧ Diosma.

Gálatas 6:16

Okobe deinö yötawaja̧danö omukwatö ju̧kwadönö, Dios isabenö ömöledönöma, Dios jobadönö lȩlö̧jinö edobö chösöda, tjo̧'wo̧ luwo̧ ösöwachibanö.

Hebreos 13:23

Ju'wibi kwöwaisaduwobö chösöda, döjawo̧ Timoteonöma. Jo̧banöma latjebinobe ka̧lena ba̧kwaweju okwatjö. Ja̧danö, chö̧jobekwö juluwanö ichitjö̧ma jo̧bakwö chi̧'yena ökwödönö edö.