Gálatas 3:26 - Dios Iwene

²⁶ Jau chömöledö, Cristo Jesúskwö bakobe dötewinö ja̧nö, okobe deinö Dios i̧tji̧mubedöja, Jesúsnö kwösödaduwobetjö̧.

Gálatas 3:26 Iomraidhean Croise

Juan 1:7

Jo̧ba Juannö weinobe jojodönö yöawobö dewinö jo̧nö, jojodö tjöwaisachibanö dewinö jo̧nöma. Ja̧danö jojodöma, Juan yöawi̧ a̧ja̧kwö, Jweinö yöbawo̧, dewinö jo̧nö dösödo, jö̧ba̧lö, tjöwaisachibobö weinobe Diosma, Juannöma.

Juan 20:17

Wo̧jatibiökwe: —Wo̧katibatjö María, ina Dabe'do ö̧jobekwö ȩwa̧jö katekwachokobetjö̧— jö̧a̧linobe—. Babema chömöledönö yöbawaji, tjöwaiso. Ja̧danö, jobadönö yökawo, Chabe'do ö̧jobekwö chȩwa̧jakobe, ötjö Chabe'dobi ökwödö kwabe'doduwibi ö̧jobekwö. Ja̧danö, ötjö cho̧'wo̧ chöwana̧lökwe Dios, ökwödö kwo̧'wo̧duwi kwöwana̧laduwökwe Dios ö̧jobekwö chȩwa̧jakobe, yökawo— weinobe Jesúsma María Magdalenanö.

Romanos 8:1

Ja̧danö chömöledö, babema Cristo Jesúskwö a̧jö dö̧jobetjö̧ bakwo̧bi deobe ökwödönö yöba̧lo̧ma, Bidöma sulabedö, Dios lȩebakwawö̧, jö̧ba̧lö.

Romanos 8:19

Jau chömöledö, ju'winö Diosma ökwödönö kabebö i̧sebakobe, Bidöma ötjöda chi̧tji̧mu, jö̧ba̧lö. Jejenö i̧sebenama, jwiinö otiwakobe chömöledö. Ja̧danö, okobe jwiinö Dios otidina jawama, böjȩbi, böjȩ jawabi ösödinö omukwatö te'ada̧lobe ichejekwa, ja̧ möle badekwachobö.

2 Corintios 1:1

Dokwa chömöledö. Ötjöma Pablosa, ja̧danö iteda ösödi̧danö Diosda 'da̧batö ujuninökwesa, Cristo Jesús webawo̧ batibanö. Chömöledö, döjawo̧ Timoteokwö ja̧nö, böja kwialusöja wȩyudö weta ökwödö Dios ömöledönö, Acaya nijitjö Corintio comunidadnö ko̧ko̧kwö ba̧jadönöbi, ju'wedö Acaya nijinö ju̧kwadönöbi.

2 Corintios 6:18

ja̧danö ökwödö kwabe'doduwi chö̧jakwo̧sa, ja̧danö chi̧tji̧mu ömadöbi, chi̧tji̧mu ya̧döbi kwö̧jaduwakwedöja, jö̧ba̧lö laebobe Dios iwene, okobe jwiinö juluwo̧ Duluwo̧ yöbawö ujunina wenema.

Gálatas 3:28

Jo̧kwajabetjö̧, judío jojodöbi, judío jojodöböködöbi bakwayedöda babema, ja̧danö jojodö tjömöayedöbi, tjömöayedöböködöbi bakwayedöda babema, ja̧danö ömadöbi ya̧döbi bakwayedöda babema. Jau chömöledö, okobe deinö Cristo Jesúskwö bakobe dötewadö ja̧nö, bakwo̧dabedöja.

Gálatas 4:14

Jau chömöledö, ökwödöma chö'wöchinama kwedinaduwobe, chiteba'o chö'wöchobetjö̧, sulabenö chichejekwijatö, ¿jö̧tö? Jo̧kwajabetjö̧ chiteba'otjö sulabo̧danö chichejekwobetjö̧, ötjönö kwedaduwoböma waiyijatö, ¿jö̧tö? Jo̧kwaijayonö Aaa, sulabo̧ jö̧ba̧löma kwöpöjödaduwijökötö ötjönöma chömöledö, ja̧danö öpöjödökönö, Dios weökwe ángelnö kwösödaduwo jö̧ka̧laduwi̧danö, ja̧danö Cristo Jesúsnö kwösödaduwo jö̧ka̧laduwi̧danö kwösödaduwijatö ötjönöma chömöledö.

Gálatas 5:24

Baikwö yötawa chömöledö: Cristo Jesús ömöledöma ajayinö tjösödina kabatibö, tjiteba'o wame luwo̧nöbi, jo̧ba sulabenö ösödi̧bi, towisa'onö bȩtjinobe ichejekwa, ö'wöchinö ja̧bö.

Gálatas 5:6

Jau chömöledö, Cristo Jesúskwö dötewadö ja̧nö, Dios edemi dötade bajalesado̧ 'wibekwadö dö̧ji̧bi, 'wibekwöködö dö̧ji̧bi mikwawokobe chömöledö, ju'wida mikwawi̧ma. Jau chömöledö, Dios edemi jo̧ba yöawi̧ dösödi̧da mikwawi̧ma, ja̧danö dömöledö Jesúsnö ösödadönö ösödabikwawö ja̧nö di̧sebobe Dios yöawi̧ dösödi̧ma.

Efesios 1:1

Ötjö, Pablo, böja kwialusöjanö yöbawö chiwȩyuda. Ötjöma Cristo Jesús webawo̧sa, Diosma jejenö omukwatö ösödinobetjö̧. Ökwödönö chiwȩyuda, Éfesonö ju̧kwadönö, Dios ömöledö babibinadönö, Cristo Jesúsnö kwo̧'wo̧duwi wana̧lö ja̧dönö.

Efesios 1:5

Chömöledö, Diosma ökwödönö ile niebobetjö̧ ida̧ökö ajayitjöda omukwatijetö ökwödönöma, Bidönöma ötjö chi̧tji̧mu batjibanö 'da̧batö chujunakwo̧sa, Jesús imidawakobetjö̧, jö̧ba̧lö. Jejenö omukwatö ösödinobetjö̧ Diosma omudawö junijetö ökwödönöma, iteda i̧tji̧mu badibobö.

Efesios 5:1

Jo̧kwaobetjö̧ chömöledö, Dios ösödawö̧ i̧tji̧mu bakibinaduwobetjö̧ jo̧badanö ja̧duwi.

Deuteronomio 14:1

Tupakwö yöawinobe Moisesma, israel jojodönö: —Chömöledö, ökwödö israel jojodöma kwuluwo̧duwi Isabenö Jo̧ Dios itji̧mubedöja. Ja̧danö, jo̧ba itji̧muköbaduwobetjö̧, o̧'wo tjo̧achö 'wikekwaduwoböma jwiobe, ja̧danö kwöwö'yeduwi kwöbasa'ye jwobö loköbaduwobö jwiobe, kwömöledö debö 'yi̧nadönö kwo̧'woduwi tjo̧achi̧ i̧sȩböma.

Filipenses 1:1

Ötjö Pablobi, Timoteobi Cristo Jesús ömöayedösa, ja̧danö Timoteokwö ja̧nö böja kwialusöja wetaduwakwö, okobe deinö ökwödö Filipos comunidadtjö Dios ömöledö Cristo Jesúskwö dötewadönö, ja̧danö ökwödötjö Jesúsnö ösödadönö te'ada̧lakwawa luwedönöbi, pjaatakwawa luwedönöbi.

Filipenses 1:8

Jau chömöledö, isabenö ökwödönö chösödaduwakwö. Isabenö chösödi̧ edö waiso̧ma Diosda, Cristo Jesús ökwödönö ösödi̧danö chösödaduwakwö jö̧ba̧lö.

Filipenses 2:15

ökwödöma wene jwiinö, ja̧danö sulabe jwiinö böjȩnö kwö̧jaduwakobetjö̧. Jau chömöledö, ökwödöma sulabedö tjö'da̧detjö, jwaikwöda sulabenö ja̧badö tjö'da̧detjö kwö̧jaduwijayonö, Dios i̧tji̧mu sulabe jwibadö kwö̧jaduwo. Jau chömöledö, wanedö yötawa, böjȩ jojodö tjö'da̧de ja̧nö, ökwödöma dejewa'yu̧ ubi̧danö kwidejataduwo,

Colosenses 2:6

Cristo Jesúsnö kwösödinaduwobe chömöledö, Duluwo̧ jö̧ba̧lö, jo̧kwajabetjö̧ jo̧bakwö dötewanö kwö̧jaduwobö jo̧be.

Filemón 1:1

Ötjö böja kwialusöja webo̧ma Pablosa, Cristo Jesús wei̧ ja̧bö chö̧jobetjö̧ ka̧lena bo̧sa. Döjawo̧ Timoteokwö ja̧nö böja kwialusöja wȩyudö wetaduwakwö dösödökwe ökwödökwö bakobe otido̧ Filemón mikwo̧nöbi,

Filemón 1:9

Jo̧kwaijayonö bakobe ösödabikwawö dö̧jobetjö̧ webökönö abeböda atebakwö. Baikwö atebakwö: Ötjö Pabloma ida̧ökö pöe ja̧nö, ja̧danö Cristo Jesúsnö chösödobetjö̧ ka̧lena ba̧nö,

Apocalipsis 21:7

Ja̧danö, sulabetjö juluwinadö, chö̧jobekwö ichibadönö jwiinö otiwi̧ jawa iyabo̧sa. Ja̧danö, ötjödasa, sulabetjö juluwinadö tjo̧'wo̧ tjöwana̧lökwe Diosma. Jobadönöma, Chi̧tji̧mu, jö̧ba̧lö, öbabo̧sa.