Gálatas 1:11 - Dios Iwene

¹¹ Kwöwaisaduwobö yötawaduwakwö chömöledö, ötjö yötawina wene otiwa jawa wenema, jojodöda omukwatö yötjawina wenemaökö chömöledö.

Gálatas 1:11 Iomraidhean Croise

Romanos 2:16

Jejenö jo̧be chömöledö, ja̧danö ju'winö Diosma yemidanö Cristo Jesúsnö weakobe, inesö lȩekwa luwo̧ baibanö. Ja̧danö, Cristo Jesúsda domajadenö domukwatina yöawakobe, sulojobö, otiwojobö, jö̧ba̧lö. Ja̧danö ja̧ möle baibenama, okobe deinö sulabenö ja̧badönö lȩebakobe, Moisés iwȩyudina junaladötjö sulabenö ja̧badönöbi, Moisés iwȩyudina jwibadötjö sulabenö ja̧badönöbi. Biya̧ wene yötawaduwakwö chömöledö, Dios yöawi̧ma.

1 Corintios 11:23

Chömöledö, Duluwo̧ ötjönö yöawina jawa belö ökwödönö yötawijatö, baikwö yötawa: Jesús ömöayo̧ jo̧banö iyö loina yö̧tema, Duluwo̧ Jesúsma panpja̧ emibö,

1 Corintios 3:4

Jau chömöledö, ökwödötjö ju'wedö, Aaa, Pabloda chuluwo̧ma jö̧ka̧laduwena, ja̧danö ju'wedö Aaa, Apolosda chuluwo̧ma jö̧ka̧laduwenama, jejenö ja̧bö kwi̧sebaduwobe, Böjȩ jojodö ja̧bö tjö̧ji̧danö ja̧bö ju̧kwadösa, jö̧ba̧lö.

1 Corintios 9:8

Chömöledö, ja̧ yötawaja̧ma, ¿jojodö tjomukwati̧da yötawaji̧? Dios weina Moisés iwȩyudinabi jejenö laebobe, ¿jö̧tö chömöledö?

Gálatas 1:1

Ötjöma Pablo mikwo̧sa, Jesús webawo̧sa. Ja̧ Jesús webawo̧ chö̧ji̧ma, jojodö wetjinokobe, ja̧danö Diosma jojodönö weinokobe, Jesús webawo̧ batibanö tjujuno jö̧ba̧löma. Jau chömöledö, Jesucristobi, Jesúsnö tjeachajinö ja̧bina Dabe'do Diosbi ötjönö 'da̧batö tjujuninobe, Jesús webawo̧ batibanö chö̧jo jö̧ba̧lö.

Gálatas 1:6

Chömöledö, ökwödönö omukwatö, ayö, Gálatas jojodöma ¿tajawedö juluwanö kabatibadöjö? jö̧ba̧lö chomukwatobe. Jau chömöledö, Cristoma mikwa jwiinö otiwanö pjaatinobetjö̧, Diosma ökwödönö jwöinobe, ¿jö̧tö? Jo̧kwaijayonö ökwödönö jwöbinanö juluwanö kabatibadöja, ju'wi wene otiwa jawa ötjabi̧ wene kwösödaduwobö.