Filemón 1:22 - Dios Iwene

²² Ja̧danö, ja̧ atebaja̧ jawakwö, ju'wibi atebakwö Filemón, ötjö jobe chabakwȩko̧bi kwotidobö ateba. Jau Filemón, chöwaisa, ökwödöma ida̧ökö Diosnö abebadöja ötjönö. Ja̧danö jejenö akebaduwitjö̧, Diosnö cho̧'wo̧ chöwana̧lobe, isabenö akebaduwi̧danö ka̧lena chö̧bi̧tjö labebö, kwö̧jaduwobekwö tjetachajobö Dios weakobe jö̧ba̧lö. Ja̧danö, jejenö cho̧'wo̧ chöwana̧lobetjö̧, jobe chabakwȩko̧ kwotidobö atebakwö.

Filemón 1:22 Iomraidhean Croise

Hechos 27:24

baikwö yöawatö: Pablo, yekabi. Ina debö kwebachö̧kö̧ja. Isabenö ökwöma Roma la'aka luwo̧ César öba a'otjö kwö̧jakobe. Ja̧danö, Diosma ökwönö lȩlö̧jino edö, ökwönöbi ökwökwö kwebachadönöbi pjaatakobe, kwö̧jibaduwinö ja̧bö. Jejenö yöawatö Dios weajökwe ángelma.

Hechos 28:23

Jejenö, Ökwödönö yöbawi, jö̧ba̧lö, abebajadö, Pablo yöawakwa̧ möle badedö junijadötö. Ja̧ möle baibena jojodö ba̧jekwadö 'yi̧jadötö Pablo ejube. Ichibajadönö Pabloma möle baledibanö yöbawijetö Dios iwenema. Dios La'aka Luwo̧ ö̧jena wenebi yöbawijetö. Moisés iwȩyudinabi, Dios yöawi̧ yöbawadö damötjö tjiwȩyudinabi eda̧lö labebö lobö yöbawijetö Pabloma. Yöbawijetö, Jesúsma Dios yöbawö ujuninökwe jojodö tjö̧jibinö pjaatobö, jö̧ba̧lö, jojodö tjöwaisachibobö.

Romanos 15:24

Jau chömöledö, chedemi Españabe chi̧'yenama, ja'ö ökwödö Roma jojodönö edö chi̧'yena. Ja̧danö, ökwödönö edö chösödena chömöledö. Ja̧danö, ökwödökwö ja̧nö chösödocha ja'yubenö lekwe. Ja̧danö jemi ikenama, ja'yubenö lekwe ökwödökwö chö̧jajabema, jemi tupakwö pjakataduwena, Españabe chi̧'yobö.

Filipenses 1:19

Jejenö cho̧'wo̧ ösöwanö chö̧jobe chömöledö, chöwaisobetjö̧, ökwödö ötjönö Diosnö akebaduwobetjö̧, ja̧danö Jesucristo O̧'wo̧ Luwo̧ pjaatobetjö̧, Diosma ka̧lena chö̧bobetjö chö̧jibinö pjaatakwo̧ jö̧ba̧lö.

Filipenses 2:24

Ja̧danö, ju'wibi yötawaduwakwö chömöledö, ötjöbi jobe kwiteboduwibe chi̧'yena. Jau chömöledö, Duluwo̧nö cho̧'wo̧ chöwana̧lobe, ötjöbi jobe chi̧'yobö weakwo̧ jö̧ba̧lö.

Hebreos 13:19

Ja̧danö chömöledö, budekwö ateba̧laduwakwö. Diosnö akebaduwo ökwödönö yemidanö edö juluwanö chicho.

Hebreos 13:23

Ju'wibi kwöwaisaduwobö chösöda, döjawo̧ Timoteonöma. Jo̧banöma latjebinobe ka̧lena ba̧kwaweju okwatjö. Ja̧danö, chö̧jobekwö juluwanö ichitjö̧ma jo̧bakwö chi̧'yena ökwödönö edö.

Santiago 5:16

Isabenö yötawaduwakwö. Jojodö atjebiökwe pjabato̧ Duluwo̧ma, ö'wöchadönö tjö̧bibajinö pjabatöbi, sulabenö ja̧tji̧ yöbawö lobadö tjusuli̧ söbebö loböbi. Jo̧kwaobetjö̧ chö̧ja̧wo̧dö suli̧ ja̧köbaduwi̧ma yökawakwawaduwo ökwödödada. Ja̧danö, ökwödödada Diosnö akebakwawaduwo kwö̧bibaduwinö pjaatobö. Isabenö, bakwo̧ Dios ösödi̧danö ja̧bö jo̧ma Diosnö aebena, Pjabati, jö̧ba̧lö, Diosma iteda ujulunö pjaatobe.

2 Juan 1:12

Chö̧ja̧wo̧dö, ina nöinö yöta̧lo jö̧ta̧lijayonö̧ kwialusöjanö wȩyudö yöta̧lo jö̧ta̧lökö. Kwö̧jaduwobe chichobö chosöda, ökwödönö ediakwawö yöta̧lobö. Jejenö ökwödönö ediakwawöda yöta̧lobö jö̧ta̧la, do̧'wo̧ ösöwanö dö̧jobö.

3 Juan 1:14

Te'ada̧lökönö chichobö chösöda kwö̧jobema, ökwönö ediakwawö yöta̧lobö. Gayo, Diosma kwo̧'wo̧ luwo̧nö wene jwiinö kwö̧jobö pjaatakwo̧ja. Bena ju̧kwadö kwö̧ja̧wo̧döma debawö atjebobe, Dokwa, jö̧ba̧lö. Ja̧danö, ötjöbi jobe ju̧kwadö chö̧ja̧wo̧dönö debawö ateba, Dokwa, jö̧ba̧lö, bakwo̧nökwena. Tjo̧wi̧ta biya̧da yöbawö chiwȩyuda.