Filemón 1:15 - Dios Iwene

¹⁵ Jau Filemón, isabenö Onésimo ötjökwöda ö̧jobö chösödijayonö, chomukwatobe, Aaa, Dios ösödena, Onésimoma Filemónkwö ö̧jobö, jö̧ba̧lö. Ja̧danö jejenö omukwatö kwö̧jobekwö ȩwa̧jobö wetajabe. Jau Filemón, Dios Onésimo ötjökwö ö̧jobö weinama, ötjökwö lekwe ö̧joböma weinökena, sule ötjökwö ja̧nö Jesúsnö ösödobö weinena, jemi tupakwö Jesúsnö ösödo̧ ja̧nö ba̧kwȩlö̧jatebö ökwökwö ö̧jakobetjö̧.

Filemón 1:15 Iomraidhean Croise

Génesis 50:20

Isabenö ökwödöma kwo̧'wo̧duwi sulinö edö, ötjönö sulabenö baledobö kwomukwataduwinajayonö Diosma ja̧ sulabe baledi̧ma balewö lobö otiwanö baibanö pjaatinobe ötjönöma. Ja̧danö, Diosma ötjönö la'aka luwo̧ baibanö chö̧bobö ujuninobetjö̧ jojodönö, ba̧jekwadönö tjö̧jibinö pjatatobö weinobe.

Isaías 20:6

Babema belö jwaibalawa ö'öbö ju̧kwadötjö ba̧jȩkwadö jobadönö tjo̧'wo wana̧lö ja̧dö, —Egipto jojodöbi, Etiopia jojodöbi dö̧jibinö pjatjatakwedö, Asiria jojodö ökwödönö tjujuluwapji, —jö̧ba̧lö. Jo̧kwaijayonö Asiria luwo̧ jobadönö öbibö ȩwa̧jenama, tabakwö yebabinö jö̧tja̧lakwedö: —Ayö, idö do̧'wo döwana̧linawö̧nö baledina edaduwi. Jobadönö do̧'wo wana̧lö, tjö̧jobekwö dödibajijatö, isabenö Asiria la'aka luwo̧tjö dö̧jibinö pjatjatakwedö, jö̧ba̧lö. Jo̧kwaijayonö jobadönö ujuluwajabe Asiria luwo̧ma, ökwödöwe, dakwö dö̧jibakwajö Asiria luwo̧ ujulutjöma, dö̧jibobö jwiena, —jö̧ba̧lö yebabinö jö̧tja̧lakwedö.

Hechos 4:28

Ja̧danö, jobadöma ökwöda ajayinö kwujulunö badedö kwujuninada baledobö ja̧tjinobe— abebijadötö Diosnö.