Filemón 1:1 - Dios Iwene

¹ Ötjö böja kwialusöja webo̧ma Pablosa, Cristo Jesús wei̧ ja̧bö chö̧jobetjö̧ ka̧lena bo̧sa. Döjawo̧ Timoteokwö ja̧nö böja kwialusöja wȩyudö wetaduwakwö dösödökwe ökwödökwö bakobe otido̧ Filemón mikwo̧nöbi,

Filemón 1:1 Iomraidhean Croise

Hechos 16:1

Ikenama Pablo, Silas 'ya̧jadöma Derbenö ichibijadötö. Jemi ikenama jobetjö labebö 'ya̧jadö Listranö ichibijadötö. Jobe bakwo̧ ji̧jetö, Timoteo mikwo̧, Jesúsnö ösödo̧ma. Jo̧ba ojo'doma Jesúsnö ösöduju. Jobujuma judío jojosujujijayonö jilekwema, Timoteo abe'doma griegoso̧, judíoso̧bökö.

1 Corintios 3:9

Jau chömöledö, ötjöbi, Apolosbi bakobe Dios wei̧ otidö batjo otikwa jojodödanö ichejekwadösa. Ja̧danö, ökwödö Corintio jojodöma Dios öbatjodanö ichejekwadöja chömöledö. Ja̧danö ju'wi wanedö yötawa chömöledö: Ökwödöma Dios ejudanö ichejekwadöja.

2 Corintios 1:1

Dokwa chömöledö. Ötjöma Pablosa, ja̧danö iteda ösödi̧danö Diosda 'da̧batö ujuninökwesa, Cristo Jesús webawo̧ batibanö. Chömöledö, döjawo̧ Timoteokwö ja̧nö, böja kwialusöja wȩyudö weta ökwödö Dios ömöledönö, Acaya nijitjö Corintio comunidadnö ko̧ko̧kwö ba̧jadönöbi, ju'wedö Acaya nijinö ju̧kwadönöbi.

Gálatas 3:26

Jau chömöledö, Cristo Jesúskwö bakobe dötewinö ja̧nö, okobe deinö Dios i̧tji̧mubedöja, Jesúsnö kwösödaduwobetjö̧.

Efesios 3:1

Diosma jejenö ökwödö judío jojodöböködönö otiwanö pjaatinobetjö̧ ökwödönö omukwatö atebobe jo̧banöma. Chömöledö, ötjöma Cristo Jesús webawo̧sa iteda weina yötawobö. Ja̧danö, ökwödönö yötawobö weina yötawobetjö̧ ka̧lena ba̧kwaweju okwa tjödinökwesa.

Efesios 4:1

Jo̧kwaobetjö̧ chömöledö, Diosma ökwödönö otiwanö pjaatobetjö̧ budekwö lȩtebaduwakwö, Otiwanö Dios ösödi̧ jawada ja̧bö ju̧kwaduwi, jö̧ba̧lö. Ötjöma Duluwo̧ weina yötawobetjö̧ ka̧lena ba̧kwaweju okwama bo̧sa. Bena ba̧nö budekwö lȩtebaduwakwö, baikwö: Diosma ökwödönö jwöinobe iteda ömöledö bakibaduwobö. Jo̧kwaobetjö̧, iteda ömöledö bakibinaduwobetjö̧ otiwanö ja̧bö ju̧kwaduwi, iteda ösödi̧ jawada ja̧bö, chömöledö.

Efesios 6:20

Jau chömöledö, ötjöma Jesús weina ja̧bö jo̧sa, iteda iwene, otiwa jawa wene yöbawö. Jejenö yötawobetjö̧ bejunö, ka̧lena ba̧kwaweju okwama bo̧sa. Diosnö akebaduwotjö jemi bajalekwö yebabökönö yötawakobetjö̧. Bena ka̧lena ba̧kwaweju okwa chö̧bijayonö ina Dios iwenema yöbawo̧sa. Diosnö akebaduwotjö, ka̧lena ba̧kwaweju okwa ba̧nö iteda iwene yebabökönö yötawobö, yötawobö jo̧betjö̧.

Filipenses 1:1

Ötjö Pablobi, Timoteobi Cristo Jesús ömöayedösa, ja̧danö Timoteokwö ja̧nö böja kwialusöja wetaduwakwö, okobe deinö ökwödö Filipos comunidadtjö Dios ömöledö Cristo Jesúskwö dötewadönö, ja̧danö ökwödötjö Jesúsnö ösödadönö te'ada̧lakwawa luwedönöbi, pjaatakwawa luwedönöbi.

Filipenses 2:25

Ja̧danö, Timoteonö wetakwa̧ abönö chöjawo̧ Epafroditonö wetobö jo̧be chömöledö, belö Romatjö kwiteboduwibe ȩwa̧jo jö̧ba̧lö. Jo̧ba Epafroditoma bakobe ötjökwö otidajabe chömöledö, ja̧danö ötjökwö bakobe otiwa jawa wene tjöbeba̧lö usula emawajabe. Jau chömöledö, ötjönö pjaato jö̧ba̧lö weköbinaduwökwema, ötjönö pjabatö ö̧jinobe.

Filipenses 4:3

Ja̧danö, ökwönö weta chömöledöso̧, ökwöma otiwanö ötjökwö otido̧ja, jo̧kwajabetjö̧ jobadö ötjönö pjabatinadönö ya̧dönö pjakato, bakwainö omukwatö tjö̧jo jö̧ba̧lö. Jau chömöledöso̧, jobadö ya̧döma ötjökwöbi, Clemente mikwo̧kwöbi, ju'wedö ötjökwö otiwa jawa wene yöbawö otidinadökwöbi tjotidinobe. Ja̧danö, jobadö ötjökwö otidinadönö baikwö yötawa: Dios ujuna̧la'ye, ja̧kwawa juna̧ladö tjimibiya wȩyukwa'yenö Diosma jobadö tjimibiyabi wȩyudö ödinobe, Bidöma ja̧kwawa juna̧ladö, jö̧ba̧lö.

Colosenses 1:1

Ötjöma Pablo mikwo̧sa, ja̧danö Diosma iteda ösödi̧danö ötjönö 'da̧batö ujuninobe, Cristo Jesús webawo̧ batibanö. Döjawo̧ Timoteokwö, böja kwialusöja chiwȩyudaduwakwö,

Colosenses 4:11

Ja̧danö, Jesús mikwo̧, ju'wi imi Justo mikwo̧ma ökwödönö deawobedanö dokwa jö̧ba̧lö aebobe. Jobadöda judío jojodötjö ötjökwö otidadöma, Dios La'aka Luwo̧ Ö̧jobe jawa, ja̧danö jobadöma chujuluwachibanö pjatjatajabe chömöledö.

1 Tesalonicenses 3:2

Timoteonö wedijatö ökwödönö edö i̧'yobö. Jo̧ba Timoteoma do̧'wo̧ luwo̧nö döjawo̧, ja̧danö Dioskwö otidö Cristo jawa otiwa jawa wene yöbawö jo̧ jo̧bama. Jo̧banö wedijatö kwo̧'wo̧ luwo̧duwi kwujuluwachibaduwanö tupakwö pjaatobö, ja̧danö Jesúsnö ösödö kwö̧jaduwi̧ pjaatobö,

2 Tesalonicenses 1:1

Ötjö Pablo mikwo̧sa, ja̧danö Timoteokwö Silvanokwö böja kwialusöja chiwȩyuda ökwödö Tesalónica comunidadnö ju̧kwadötjö Dabe'do Diosbi, Duluwo̧ Jesucristobi tjömöledönö.

2 Timoteo 1:8

Jo̧kwajabetjö̧, Duluwo̧ jawa wene tabakwökönö yöbawö kwö̧jo Timoteo, ja̧danö ka̧lena chö̧bijayonö, ötjönöma kwötabakwokotjö, Pabloma chömöledöso̧bö̧kö̧ jö̧ba̧lö. Jau Timoteo, Jesús jawa wene yötawobetjö̧ ka̧lena chö̧bobe ötjöma, ja̧danö, ökwöbi otiwa jawa wene yökawobetjö̧, bakobe Dios ujulunö ötjökwö usula emawö kwö̧jo ökwöbi, öpöjödachibökönö.

Filemón 1:23

Epafras mikwo̧ma Cristo Jesús wei̧ otidobetjö̧ bakobe ötjökwö ka̧lena ö̧bobe baima, ja̧danö jo̧bama deawobedanö dokwa aebobe ökwödönö.

Filemón 1:24

Ja̧danö, ötjökwö otidadö Marcos mikwo̧bi, Aristarco mikwo̧bi, Demas mikwo̧bi, Lucas mikwo̧bi detjawobedanö dokwa atjebobe ökwödönö.

Filemón 1:9

Jo̧kwaijayonö bakobe ösödabikwawö dö̧jobetjö̧ webökönö abeböda atebakwö. Baikwö atebakwö: Ötjö Pabloma ida̧ökö pöe ja̧nö, ja̧danö Cristo Jesúsnö chösödobetjö̧ ka̧lena ba̧nö,