Éxodo 9:6 - Dios Iwene

⁶ Ja̧danö ju'wi dewachö Isabenö Jo̧ weo jö̧a̧laja̧danö baledijetö. Egipto jojodö tja̧jwi̧mu̧ma ba̧jȩkwadö wobawijadötö. Jo̧kwaijayonö Israel jojodö tja̧jwi̧mu̧tjö̧ bakwo̧bi wobijökötö.

Éxodo 9:6 Iomraidhean Croise

Éxodo 12:12

Ja̧ yö̧tema Egipto niji okobe jwiinö kwebachö okobe deinö Egipto jojodö tji̧tji̧mu ömadönö, abönö damönö kwabö lotakwo̧sa, ja̧danö tja̧jwi̧mu̧ tji̧tji̧mutjöbi abönö damönö. Jejenö lȩtebemi okobe jwiinö Egipto jojodö tjo̧'wo tjöwa̧na̧lawö̧nöma lȩtebocha. Jejenö lȩtebobö juluwo̧sa, Isabenö Jo̧chobetjö̧.

Éxodo 12:29

Ja̧danö, yö̧te ja'ö Isabenö Jo̧ma okobe deinö Egipto jojodö tji̧tji̧mu̧ ömadönö, abönö damönö kwabö lobijetö. Faraón inesö la'aka bo̧ itji̧ abönö pöenöbi ja̧danö, ka̧lȩna ba̧kwaweju okwa bo̧ itji̧ abönö pöenöbi, ja̧danö okobe deinö Egipto jojodö tji̧tji̧mu̧ ömadönö abönö damönö kwabö lobijetö Isabenö Jo̧ma. Ja̧danö okobe deinö tja̧jwi̧mu̧tjö̧ ajayinö ömadönöbi kwabö lobijetö.

Éxodo 8:22

Jo̧kwaijayonö ja̧ mölema ötjö chömöledö Egiptonö tjuju̧kwemi Gosén mikwemida detjakobe ma̧tu̧lȩma. Jemima wainö chujunocha Gosén nijinöma ma̧tu̧lȩma detjakobetjö̧. Jejenö chujunocha kwöwaisachibaduwobö, Isabenö Jo̧da böjȩ webo̧ma, okobe jwiinö nijinö.

Éxodo 9:25

Okobe jwiinö Egiptonö tjoduwijetö inawi̧ya̧ tiyuwi̧ ö̧wi̧ya̧ma. Mejebe ju̧kwadönöma jojodönöbi tja̧jwi̧mu̧nöbi labinö tjoduwijetö. Ja̧danö, okobe jwiinö mejenö pokwi̧nö tjoduwijetö woawinö, ja̧danö towibiyabi solachakwawinö labinö tjoduwijetö.

Éxodo 9:26

Sule Israel jojodö tjuju̧kwemida, Gosén nijinöda tjoduwijökötö.

Éxodo 9:4

Jo̧kwijayonö Egipto jojodö tja̧jwi̧munö wotjawijayonö Israel jojodö tja̧jwi̧munöma wainö chujunocha bakwo̧bi woökakobetjö̧ Israel jojodö tja̧jwi̧mu̧tjö̧. Moisés, jejenö faraónnö yökawo— jejenö webijetö Isabenö Jo̧ma Moisésnöma.

Éxodo 9:5

Ja̧danö, itekwayi jejenö baledobö wetocha, jö̧ba̧lö yöbawijetö Isabenö Jo̧ma Moisésnöma.