Éxodo 9:3 - Dios Iwene

³ ¡ayö! ötjö chujulu i̧sebö lȩtebocha. Jejenö chujulu i̧sebö tja̧jwi̧mu̧nö pa̧ka̧yö̧nö, bu̧lu̧dönö, ka̧ba̧yu̧dönö, ka̧mȩyu̧nö o̧bȩja̧dönö jwiinö juluwi̧ jawa tjö'wöchinö baibanö wetocha wotjawobö.

Éxodo 9:3 Iomraidhean Croise

Génesis 47:17

Jejenö weawö̧ tja̧jwi̧munö ka̧ba̧yu̧dönöbi, o̧bȩja̧dönöbi, chi̧wo̧dönöbi ichejebijadötö Josénö iyö, balewö kwakwawanö. Ja̧ o̧biyama miamema Joséma jejenö pjabatijetö jobadönöma, tjukwakwa̧ tjemobö.

Éxodo 5:3

Jejenö yöa̧lawö̧: —Ökwödö Hebreo jojodö dösödökwe Diosma ökwödönö öwawachö yöawijatö ökwönö yödawakwa̧. Jo̧kwaobetjö̧ adebakwö: Jojodö deobekwö di̧'yobö weköbo wa̧pötakwa möle kwebachö Isabenö Jo̧nö juwö diyobö, dösödökwe Diosnöma. Ökwödönö di̧'yobö weköbo Diosma dö'wöchi̧ jawatjöbi, ja̧danö, döpöjojodö ökwödönö tibatö lotjitjö̧bi weapji jö̧ba̧lö— yöba̧lijadötö.

Éxodo 7:4

a̧ja̧kwökakobe ökwödö yökawaduwi̧ma. Ikenama Egipto jojodönö chujulu i̧sebö usula tjemawinö lȩtebocha. Jejenö Egipto jojodönö lȩtebobetjö̧ jwiinö labi̧ jawa webö chömöledö Israel jojodöma okobe deinö, bakwasokwenanö jobetjö latjebobö pjatatakwo̧sa.

Éxodo 8:19

Jo̧kwaiawö̧ maliba luwama jö̧ba̧lijadötö faraónnö, bejenö baledi̧ma Diosda wei̧, jö̧ba̧lö. Jo̧kwaijayonö faraónma ina omajade 'diinö ji̧jetö, Moisés, Aarón atjebi̧ öpöjödö.

Hechos 13:11

Babema Duluwo̧ma ökwönöma kwöbajale tjewawinö bakibanö lȩbebö wea. Mölebi, yö̧tebi bakwainö kwedökakobe, Dios lȩbebö kaatenanö kabatö— jö̧ba̧lijetö Pabloma Elimasnöma. Jejenö jö̧a̧lemi Elimasma öbajale tjewawinö baibijetö, okobe jwiinö. Yȩobe diwa̧löda kwebachö isakwijetö bakwo̧nö, itenöda tötöba̧lö kweachakwo̧nö öbadekwajobö.

1 Samuel 6:9

ja̧danö otiwanö kweda̧laduwo, israel nijibe tötjojobö, tjitji̧mu tjö̧jobekwö tötjojobö jö̧ba̧lö. Jweinö 'ya̧nö, japjo itebobe, israel niji comunidad Bet-semesbe töbö tji̧'yitjö̧ma, jejenö tji̧sȩkwelöda kwöwaisachibaduwena, wene kwöbaledaduwi̧ma, isabenö Diostjöda ichi̧ jö̧ba̧lö. Jo̧kwaijayonö pa̧ka̧yadö jelobekwö töbö tji̧'yitjö̧ma, kwöwaisachibaduwena, ökwödönö baledi̧ma, Diostjö ichökö ji̧, a̧dekwanö baledi̧ jö̧ba̧lö, —wetjinobe tjösödawö̧nö ösödakwawa luwedöbi, tupakwö baledakwa̧ yöbawadöbi.